Free Wordpress Themes Wordpress Templates Discount Codes How To Start a Blog Best Wordpress Hosting Best Wordpress Themes 2013 Best Wordpress Themes Premium Themes Wordpress Premium Themes Best Wordpress Deal

Archive for December 28th, 2012

  • ការផ្សាយប្រចាំថ្ងៃ សុក្រ ទី២៨ ខែធ្នូ ឆ្នាំ២០១២

    Play
     
  • តំណាងរាស្ត្របក្សប្រឆាំង​ថា ​មេដាយ​គួរ​តែត្រូវប្រគល់​ឲ្យ​អ្នកការពារផល​ប្រយោជន៏ជាតិ​ពិតប្រាកដ​

    តំណាងរាស្ត្របក្សប្រឆាំង​ថា ​មេដាយ​គួរ​តែត្រូវប្រគល់​ឲ្យ​អ្នកការពារផល​ប្រយោជន៏ជាតិ​ពិតប្រាកដ​

    ប្រធាន​​រដ្ឋសភា​នៃ​ប្រទេស​កម្ពុជា​លោក ហេង សំរិន នារសៀល​​ថ្ងៃទី​ ២៨ ​ធ្នូ នេះ​បានយក​គ្រឿង​ឥស្សរយស​ទៅ​បំពាក់​ឲ្យ​​អ្នក​តំណាងរាស្ត្រ ​និង មន្រ្តី​ចំណានៗ​​នៃ​អគ្គលេខាធិការដ្ឋាន​រដ្ឋសភា​​សរុប​១៦២​រូប ​។ ​តែ​ក្រុម​អ្នក​តំណាងរាស្ត្រ​ពី​គណបក្សបក្សប្រឆាំង​​គឺ​គណបក្ស​សម រង្ស៊ី និង គណបក្ស​សិទ្ធិមនុស្ស​​ដែល​មាន​​ចំនួន​២៩​រូប​ ​បាន​​បដិសេធ​​មិន​ទទួល​យក​គ្រឿ​ងឥស្សរយស​ដែល​ជា​មេដាយ​នោះ​ទេ​ ដោយ​លើកឡើង​ថា ​គេ​គួរ​តែ​​ប្រគល​ទៅ​​ឲ្យ​​អ្នក​​ដែល​បាន​​​ការពារផល​ប្រយោជន៏​ជាតិ​​ដោយ​ពិតប្រាកដ។ លោក ឡុង រី អ្នកតំណាងរាស្ត្រ​គណបក្ស​សម ​រង្ស៊ី បាន​​ថ្លែង​ប្រាប់​ទស្សនាវដ្ដី​សារព័ត៌​​មានសេរី​​ថា «គេគួរ​តែ​ប្រគល់គ្រឿងឥស្សរយស និង​ មេដាយទាំងអស់នេះ ទៅ​​ឲ្យ​រា​ស្ត្រខ្មែរ​ទូទៅ​ មិនមែន​​សម្រាប់​តែ​អ្នកធំ​ទេ អ្នក​​តូចតាច​ក៏​​ដោយ ​ឲ្យ​​តែ​គេ​មានគុណ​​បំណាច់​ជា​មួយជាតិ​ ឲ្យ​តែ​គេចេះ​​ស្រលាញ់​ជាតិ​ទឹកដី​…»។ គួរបញ្ជាក់ថា​ នេះ​​គឺ​ជាការ​បំពាក់​មេដាយ​កិត្តិយស​ការងារ​​​លើកទី២​ហើយ​​​សម្រាប់​សភា​នីតិកាល​ទី៤ ​ដល់​ក្រុមអ្នក​​តំណាងរាស្ត្រ​​ក៏​ដូច​ជា​ក្រុម​មន្ត្រីនៃ​អគ្គ​លេខាធិការ​ដ្ឋាន​រដ្ឋសភា ដែល​កាល​ពី​លើកទី​មួយ​​ក៏​​ត្រូវ​​ទទួល​​ការ​​បដិសេធ​​ពី​ក្រុមអ្នក​តំណាង​រាស្ត្រ គណបក្សប្រឆាំង​ផងដែរ៕

     
  • សេចក្តី​ថ្លែង​ការណ៍​របស់ CHRAC ករណី​ឃុំ​ខ្លួន ប៊ន សំណាង និង សុខ សំអឿន

    សេចក្តី​ថ្លែង​ការណ៍​របស់ CHRAC ករណី​ឃុំ​ខ្លួន ប៊ន សំណាង និង សុខ សំអឿន

     
  • ថៃ​សម្រួល​​ឲ្យពលករ​កម្ពុជា​ជាង​១៦ម៉ឺន​នាក់​​ស្រប​ច្បាប់​

    ថៃ​សម្រួល​​ឲ្យពលករ​កម្ពុជា​ជាង​១៦ម៉ឺន​នាក់​​ស្រប​ច្បាប់​

    ក្រសួង​ការបរទេសថៃ​​កាល​ពីពេលថ្មីៗ​នេះ​ អំឡុងជួប​​​ប្រជុំ​​គណៈកម្មាធិការចម្រុះ​កម្ពុជា-ថៃ​លើកទី​៨​​​ក្នុង​ទីក្រុង​បាងកក បាន​យលព្រម​​សម្របសម្រួល​​ឲ្យ​ពលករ​ខ្មែរចំនួន​ជាង​១៦​ម៉ឺនាក់​ ដែល​ត្រូវ​បាន​រក​ឃើញ​​ថា​ កំពុងបំពេញ​ការងារក្នុងប្រទេសថៃ​​ដោយ​ខុសច្បាប់ ​បាន​​ទទួលសិទ្ធិ​​ប្រកប​​​ការងារ​​ត្រឹម​ត្រូវ​តាម​ច្បាប់​​​។ លោក ហោ ណាំហុង រដ្ឋមន្ត្រី​ក្រសួងការបរទេស​កម្ពុជា​ បាន​សម្ដែង​​អំណរគុណ​ចំពោះ​ឥរិយាបទ​បែប​នេះ​​របស់ថៃ​ ដែល​បាន​សម្រួល​ដល់ដំណើរការ​ចេញប័ណ្ណ សម្គាល់​អត្ដសញ្ញាណ ( CI ) ដល់​ពលករ​កម្ពុជា​ទាំង​​ជាង ១៦នាក់ ​នោះ​ឱ្យ​ទៅ​ជាពលករ​ស្របច្បាប់ រួម​ទាំង​ការ​សម្រួល​ឱ្យ​ក្រុមការងារ​ក្រសួងមហាផ្ទៃ​កម្ពុជា មាន​លទ្ធភាព​​ទៅ​ផ្ដល់​លិខិត​ឆ្លងដែន​ដល់​ពលករកម្ពុជា ដែល​នៅ​សេស​សល់ផងដែរ​​។​ យ៉ាងណាក៏​ដោយ​​ទាំងរដ្ឋមន្រ្តីក្រសួង​ការបរទេស​កម្ពុជា​​ក៏​ដូច​ជា​រដ្ឋមន្ត្រីក្រសួង​ការបរទេសថៃ​​លោក ស៊ូរ៉ាពុង តុវិចាក់ចៃគូល បាន​​ដាក់​ការ​ស្ដីបន្ទោស​​ទៅ​លើ​ចំនួន​កើនឡើង​នៃ​ពលករ​ខ្មែរ​​ទៅ​​ប្រកប​ការងារ​​ក្នុង​ប្រទេសថៃ​​ដោយ​​ខុសច្បាប់​​ថា បណ្ដាលមក​ពី​ពួកមេខ្យល់ទាំង​​ជនជាតិ​ កម្ពុជា និង ​ថៃ​។​ហើយ​ភាគី​​ទាំងពីរ​បាន​​សន្យា​​រួម​គ្នា ​បំបាត់​​ក្រុមជន​ខិល​ខូច​រត់ពន្ធមនុស្ស​ឆ្លងដែនទាំងនោះ៕

     
  • រោងចក្រ​ចម្រាញ់​ប្រេង​ដំបូង​នៅ​កម្ពុជា​នឹង​ប្រតិបត្តិការ​នៅ​ឆ្នាំ​២០១៥

    រោងចក្រ​ចម្រាញ់​ប្រេង​ដំបូង​នៅ​កម្ពុជា​នឹង​ប្រតិបត្តិការ​នៅ​ឆ្នាំ​២០១៥

    រោងចក្រ​ចម្រាញ់​ប្រេង​កាត​ដំបូង​បង្អស់​របស់​កម្ពុជា អាច​នឹង​ចាប់​ផ្តើម​ប្រតិបត្តិការ​នៅ​ឆ្នាំ​២០១៥​ខាង​មុខ ដោយ​មាន​លទ្ធភាព​ផលិត​ប្រេង​បាន​៥លាន​តោន​ក្នុង​មួយ​ឆ្នាំ។ នេះ​បើ​តាម​ការ​អះអាង​របស់​នាយក​ក្រុមហ៊ុន Sinomach China Perfect Machinery industry Corp. Ltd ក្នុង​ពិធី​ចុះ​កិច្ច​ព្រមព្រៀង​ស្តីពី​ការ​សាងសង់ និង​ប្រតិបត្តិ​ការ​រោងចក្រ​ចម្រាញ់​ប្រេង​កាត រវាង​អាជ្ញាធរ​ជាតិ​ប្រេង​កាត​កម្ពុជា និង​ក្រុមហ៊ុន​ខេមបូឌាន ភេត្រូខេមីខល ខូល​អិល​ធីឌី កាល​ពី​ព្រឹក​មិញ។ បើ​តាម​សេចក្តី​ប្រកាស ក្រុមហ៊ុន​ខេមបូឌាន ភេត្រូ​ខេ​មីខល ខូល អិលធីឌី ជា​ក្រុមហ៊ុន​ក្នុង​ស្រុក បាន​សហការ​ជាមួយ​ក្រុមហ៊ុន​ដៃគូ​ពី​ប្រទេស​ចិន គឺ​ក្រុមហ៊ុន  Sinomach China Perfect Machinery industry Corp. Ltd ធ្វើ​ការ​វិនិយោគ​សាងសង់​រោងចក្រ​ចម្រាញ់​ប្រេង​កាត់​តម្លៃ​២៣០០​លាន​ដុល្លារ​អាមេរិក សម្រាប់​ផលិត​កម្ម​៥លាន​តោន​ក្នុង​មួយ​ឆ្នាំ។ លោក សុខ អាន ប្រធាន​អាជ្ញាធរ​ប្រេង​កាត​ជាតិ​កម្ពុជា ដែល​ជា​ភាគី​ហត្ថលេខា ជាមួយ​លោក ស៊ី គង់ទ្រីវ ប្រធាន​ក្រុមហ៊ុន​ខេមបូឌាន ភេត្រូ​ខេ​មីខល ខូ​អិលធីឌី បាន​សម្តែង​សេចក្តី​សង្ឃឹម​ថា រោងចក្រ​ចម្រាញ់​ប្រេង​កាត​ដំបូង​គេ​របស់​កម្ពុជា​នេះ ពិត​ជា​អាច​បំពេញ​តម្រូវ​ការ​របស់​ប្រទេស​កម្ពុជា ដែល​ត្រូវ​ការ​ប្រេង​ចំនួន​១លាន​តោន​ក្នុង​មួយ​ឆ្នាំៗ​ដោយ​តម្លៃ​សមរម្យ។ […]

     
  • ក្រុមអ្នក​ភូមិ​បឹងកក់​នៅ​ព្រឹក​មិញ បាន​ដាក់​បណ្តា​សា​នៅ​ចំពោះ​មុខ​រូប​សំណាក​លោក​យាយ​ម៉ៅ ចំពោះ​មន្រ្តី​តុលាការ និង​ជន​ពាក់​ព័ន្ធ​ដែល​រំលោភ​បំពាន​ដីធ្លី​របស់​ពួក​គេ។

     
  • សង្គម​ស៊ីវិល​ជំទាស់​ចំពោះ​ការ​សម្រេច​របស់​សាលា​ឧទ្ធរណ៍​ករណី ប៊ន សំណាង, សុខ សំអឿន

    សង្គម​ស៊ីវិល​ជំទាស់​ចំពោះ​ការ​សម្រេច​របស់​សាលា​ឧទ្ធរណ៍​ករណី ប៊ន សំណាង, សុខ សំអឿន

    ក្រុម​អង្គការ​សង្គម​ស៊ីវិល​ក្នុង​ស្រុក​កាល​ពី​រសៀល​ថ្ងៃ​ម្សិលមិញ បាន​សម្តែង​ការ​ជំទាស់​យ៉ាង​ខ្លាំង​ក្លា ចំពោះ​ការ​សម្រេច​ដែល​នឹក​ស្មាន​មិន​ដល់​របស់​សាលា​ឧទ្ធរណ៍ ដោយ​តម្កល់​សាលក្រម​របស់​សាលា​ដំបូង​ក្រុង​ភ្នំពេញ​ដែល​មិន​យុត្តិធម៌ ​ផ្តន្ទា​ទោស ប៊ន សំណាង និង សុខ សំអឿន ឲ្យ​ជាប់​ពន្ធនាគារ​ម្នាក់ៗ​២០ឆ្នាំ​ឡើង​វិញ ចំពោះ​ករណីបាញ់សម្លាប់លោក ជា វិជ្ជា កាល​ពី​ឆ្នាំ​២០០៤។ លោក មឿន តុលា ប្រធាន​ផ្នែក​កម្មវិធី​សិទ្ធិ​ការងារ នៃ​មជ្ឈមណ្ឌល​អប់រំ​ច្បាប់​សម្រាប់​សហគមន៍​បាន​និយាយ​ថា សេចក្តី​សម្រេច​របស់​សាលា​ឧទ្ធរណ៍​ចំពោះ ប៊ន សំណាង និង សុខ សំអឿន នេះ គឺ​មិន​បាន​អនុវត្ត​ទៅ​តាម​គោល​ការណ៍​យុត្តិធម៌ និង​នីតិរដ្ឋ​នោះ​ទេ។ ក្នុង​សេចក្តី​ថ្លែង​ការណ៍​ចុះ​ថ្ងៃទី២៧ ខែ​ធ្នូ ឆ្នាំ​២០១២ ក្រុម​អង្គការ​សង្គម​ស៊ីវិល​បាន​លើក​ឡើង​ថា សវនាការ​របស់​សាលា​ឧទ្ធរណ៍​ដ៏​លឿន ដែល​បាន​ប្រព្រឹត្ត​ឡើង​កាល​ពី​ថ្ងៃទី៧ ខែ​វិច្ឆិកា ឆ្នាំ២០១២ មិន​បាន​ផ្តល់​នូវ​ភស្តុតាង​ថ្មី ដែល​អាច​នឹង​ត្រូវ​បាន​ប្រើ​ដើម្បី​បង្ហាញ​ពី​ពិរុទ្ធ​ភាព​របស់ ប៊ន សំណាង និង សុខ សំអឿន នោះ​ទេ។ ប៉ុន្តែ​ចៅក្រម​ទាំង​ឡាយ​បាន​សម្រេច​ថា អ្នក​ទាំង​ពីរ​មាន​ពិរុទ្ធ ដោយ​ផ្អែក​លើ​សាក្ខី​កម្ម​ជា​លាយ​ល័ក្ខអក្សរ​របស់​អតីត​មន្រ្តី​នគរ​បាល។ ដែល​ការ​នេះ ចៅក្រម​ទាំង​អស់​បាន​សម្រេច​បដិសេធ​ជា​លក្ខណៈ​ប្រព័ន្ធ […]

     
  • ក្រុម​អង្គការ​សង្គម​ស៊ីវិល​ទាមទារ​ឲ្យ​ដោះ​លែង​អ្នកស្រី យ៉ោម បុប្ឆា ជា​បន្ទាន់

    ក្រុម​អង្គការ​សង្គម​ស៊ីវិល​ទាមទារ​ឲ្យ​ដោះ​លែង​អ្នកស្រី យ៉ោម បុប្ឆា ជា​បន្ទាន់

    ភ្លាមៗ​បន្ទាប់​ពី​តុលាការ​ក្រុង​ភ្នំពេញ​បាន​ប្រកាស​សាលក្រម​ផ្តន្ទា​ទោស​អ្នកស្រី យ៉ោម បុប្ឆា សកម្មជន​ដីធ្លី នៃ​តំបន់​បឹងកក់​ឲ្យ​ជាប់​ពន្ធនាគារ​រយៈ​ពេល​៣ឆ្នាំ​កាល​ពី​ថ្ងៃ​ម្សិលមិញ ក្រុម​អង្គការ​សង្គម​ស៊ីវិល​ក្នុង​ស្រុក​ចំនួន​១៧ បាន​រួម​គ្នា​ចេញ​សេចក្តី​ថ្លែង​ការណ៍​ដោយ​ទាមទារ​ឲ្យ​ធ្វើ​ការ​ដោះ​លែង​អ្នកស្រី​ យ៉ោម បុប្ឆា ជា​បន្ទាន់ និង​គ្មាន​លក្ខខណ្ឌ​ ព្រម​ទាំង​លើក​លែង​ការ​ផ្តន្ទា​ទោស​ដែល​មិន​មាន​មូលដ្ឋាន​នេះ។ អ្នកនាង ណាលី ពីឡូក នាយិកា​អង្គការ​សិទ្ធិ​មនុស្ស​លីកាដូ​បាន​និយាយ​ថា ការ​សម្រេច​ដាក់​ពន្ធនាគារ​លើ​អ្នកស្រី យ៉ោម បុប្ឆា រយៈ​ពេល​៣ឆ្នាំ​នេះ គឺ​ជា​ការ​ព្រមាន​ដ៏​តឹងរ៉ឹង​មួយ​ទៀត ទៅ​កាន់​សកម្មជន​មូល​ដ្ឋាន​ដែល​ហ៊ាន​ប្រឆាំង។ អ្នកស្រី យ៉ោម បុប្ឆា ត្រូវ​បាន​តុលាការ​ក្រុង​ភ្នំពេញ​ផ្តន្ទា​ទោស​ឲ្យ​ជាប់​ពន្ធនាគារ​រយៈ​ពេល​៣ឆ្នាំ ចំពោះ​បទ​ចោទ​ពាក់​ព័ន្ធ​នឹង​ការ​វាយ​ដំ​លើ​បុគ្គល តាម​មាត្រា​២១៨ នៃ​ក្រម​ព្រហ្មទណ្ឌ។ ប៉ុន្តែ​ក្រុម​អង្គការ​សង្គម​ស៊ីវិល​បាន​ចាត់​ទុក​ថា ការ​ចោទ​ប្រកាន់​នេះ គឺ​ជា​ការ​ធ្វើ​ទុក្ខ​បុកម្នេញ​ខាង​នយោបាយ ព្រោះ​ថា អ្នកស្រី យ៉ោម បុប្ឆា និង​សកម្មជន​ដីធ្លី​សហគមន៍​បឹងកក់​ដទៃ​ទៀត គឺ​ជា​បន្លា​ក្នុង​កែវ​ភ្នែក​របស់​អាជ្ញាធរ។ «នៅ​មុន​ពេល​មាន​ការ​ចាប់​ខ្លួន អ្នកស្រី​ត្រូវ​បាន​គម្រាម​កំហែង រំខាន និង​បំភិត​បំភ័យ ហើយ​គាត់​ត្រូវ​បាន​ប្រាប់​ដោយ​ឥត​លាក់លៀម​ពី​នគរបាល​ថា អ្នកស្រី​ត្រូវ​បាន​ដាក់​ក្នុង បញ្ជីខ្មៅ ហើយ​អ្នកស្រី​នឹង​ជួប​ គ្រោះ​ថ្នាក់​នា​ពេល​ឆាប់ៗ​នេះ»។ សូម​បញ្ជាក់​ថា អ្នកស្រី យ៉ោម […]

     
  • សុខភាព ៖ ការ​ស្កេ​ន​ខួរក្បាល​អាចជួយ​អោយ​ដឹងពី​ហានិភ័យ​នៃ​ជំងឺ​បាយ​ប៉ូ​ឡា

    សុខភាព ៖ ការ​ស្កេ​ន​ខួរក្បាល​អាចជួយ​អោយ​ដឹងពី​ហានិភ័យ​នៃ​ជំងឺ​បាយ​ប៉ូ​ឡា

    ការស្រាវជ្រាវ​ថ្មី​មួយ​បាន​និយាយថា ការថត​ខួរក្បាល​អាច​កំណត់​លើ​មនុស្ស​វ័យក្មេង​ចំពោះ​ហានិភ័យ​នៃ​ជំងឺ​បាយ​ប៉ូ​ឡា​។​ ​អ្នកស្រាវជ្រាវ​ជនជាតិ​អូស្ត្រាលី​បាន​ប្រើប្រាស់​ការថត MRI ដើម្បី​មើល​ទៅលើ​សកម្មភាព​ខួរក្បាល​នៃ​មនុស្ស​វ័យក្មេង​នៅពេលដែល​ពួកគេ​ត្រូវបាន​បង្ហាញ​រូបភាព​នៃ​មុខ​ជាមួយ​នឹង​ការសប្បាយ​, ខ្លាច ឬ​បង្ហាញ​ពី​អារម្មណ៍​ស្ងៀមស្ងាត់​។​ ​យើង​បាន​រកឃើញថា មនុស្ស​វ័យក្មេង​ដែល​មាន​ឪពុក ឬ​ម្តាយ ឬ​បងប្អូន​បង្កើត​មាន​ជំងឺ​បាយ​ប៉ូ​ឡា​នោះ បាន​ថយចុះ​ការឆ្លើយតប​នឹង​ខួរក្បាល​ទៅនឹង​អារម្មណ៍​ដែល​បង្ហាញ​លើ​មុខ ជាពិសេស​មុខ​ភ័យខ្លាច​នោះ​។ ហ្វី​លីព មី​ត​ឆេ​ល (Philip Mitchell) ដែល​មកពី​សាកលវិទ្យាល័យ New South Wales បាន​និយាយថា នេះ​គឺជា​ការស្រាវជ្រាវ​មួយ​ដ៏​សំខាន់​។​ ​ការបន្ថយ​សកម្មភាព​នេះ​បាន​កើតមានឡើង​នៅក្នុង​ផ្នែក​មួយ​នៃ​ខួរក្បាល​ដែល​ត្រូវបាន​គេ​ស្គាល់​ថា​ដើម្បី​រក្សា​ការឆ្លើយតប​ទៅ​នឹង​អារម្មណ៍​, នេះ​ដោយយោង​តាម​ការស្រាវជ្រាវ​ដែល​ត្រូវ​បាន​ចេញផ្សាយ​នៅក្នុង Biological Psychiatry​។​ ​ចំពោះ​ជំងឺ​បាយ​ប៉ូ​ឡា​,​ជួនកាល​ត្រូវ​បាន​គេ​ហៅថា ជំងឺ​ធ្លាក់​ទឹកចិត្ត​គួប​ផ្សំ​ជាមួយនឹង​ជំងឺ​សប្បាយ​ខ្លាំង​ពេក​នោះ​, គឺ​អ្នកជំងឺ​នោះ​មាន​ការប្រែប្រួល​អារម្មណ៍​ខ្លាំង​។ ការព្យាបាល​ជាមួយនឹង​ថ្នាំ​រក្សា​លំនឹង​នៃ​អារម្មណ៍​អាច​ជួយ​រក្សា​អារម្មណ៍​របស់​អ្នកជំងឺ​ក្នុងស្ថានភាព​មួយ​ធម្មតា​។​ ​យើង​ដឹង​ថា ជំងឺ​បាយ​ប៉ូ​ឡា​គឺ​ជា​ជំងឺ​ជីវសាស្ត្រ​មួយ​ដែល​ទាក់ទង​នឹង​សេនេទិច​ខ្លាំង ប៉ុន្តែ​ហេតុផល​មិនទាន់​ត្រូវបាន​គេ​ដឹង​នៅឡើយ​។ មី​ត​ឆេ​លបាន​និយាយថា ការ​អាច​កំណត់​ពី​មនុស្ស​វ័យក្មេង​ចំពោះ​ហានិភ័យ​នោះ​នឹង​អាចបង្កើត​នៃ​ការធ្វើអន្តរាគមន៍​បាន​ទាន់ពេល​, ផ្តល់អោយ​ពួកគេ​នៅ​ឪ​កាស​ល្អ​មាន​រយៈពេល​វែង និង​មាន​ជីវិត​សប្បាយ​។​ ​គាត់​បាន​ពន្យល់ថា ការស្រាវជ្រាវ​របស់​យើង​បានបង្ហាញ​ថា ជំងឺ​បាយ​ប៉ូ​ឡា​អាច​ត្រូវបាន​ទាក់ទង​ទៅនឹង​មុខងារ​មិនធម្មតា​នៅ​ក្នុង​ការរក្សា​លំនឹង​នៃ​អារម្មណ៍ និង​នេះ​គឺជា​រឿង​មួយ​ដែល​យើង​នឹង​បន្ត​ស្វែងរក​ទៀត​។ ហើយ​ឥឡូវ​យើង​មាន​មធ្យោបាយ​ពិសេសៗ​មួយចំនួន​ក្នុង​ការកំណត់​កុមារ និង​មនុស្ស​វ័យក្មេង​ចំពោះ​ហានិភ័យ​នៃ​ជំងឺ​បាយ​ប៉ូ​ឡា​នោះ​។​ ​មី​ត​ឆេ​លបាន​និយាយថា ការកំណត់​ទាន់​ពេល​អាច​ផ្តល់​ភាព​ប្រសើរ​ឡើង​នូវ​លទ្ធផល​ចំពោះ​មនុស្ស​ដែល​បន្ត​វិវត្ត​ទៅ​ជា​ជំងឺ​បាយ​ប៉ូ​ឡា ហើយក៏​អាច​ការពារ​ការកើតមាន​ចំពោះ​មនុស្ស​មួយចំនួន​ផង​ដែរ​៕​ អត្ថបទត្រួតពិនិត្យដោយវេជ្ជ.ងួន សេរ័ត្ន (ដក​ស្រង់​ចេញ​ពី​គេហទំព័រ […]

     
  • នៅ​ព្រឹក​ថ្ងៃ​សុក្រ​នេះ អ្នក​សហគមន៍​បឹងកក់​នឹង​ធ្វើ​សន្និសីទ​កាសែត​​នៅ​ភូមិ​២២ នៃ​តំបន់​បឹងកក់ ពី​ការ​សម្រេច​របស់​តុលាការ​ក្រុង​ភ្នំពេញ​កាល​ពី​ម្សិលមិញ​ដាក់​ពន្ធនាគារ​អ្នកស្រី យ៉ោម បុប្ឆា រយៈ​ពេល៣ឆ្នាំ។