Daily Archive: Tuesday, August 19, 2014

នាយករដ្ឋមន្រ្តី​​បន្ទោស​អ្នកជំនាញ​ ​រឿងខ្វះខាត​អគ្គិសនី​​ប្រើប្រាស​ក្នុងក្រុង​

ថ្លែង​ក្នុងពិធី​​សម្ពោធ​​រោងចក្រស្ករស​​របស់​មហាសេដ្ឋី លី យ៉ុងផាត់​ ឯខេត្តកំពង់ស្ពឺ​​កាល​ពីព្រឹក​មិញ​នាយករដ្ឋមន្ត្រី​ខ្មែរ បាន​ដាក់ការ​ស្ដី​បន្ទោស​ចំពោះ​​ការវាយ​តម្លៃ​​ចំនួន​​ប្រជាពលរដ្ឋ​​រស់​នៅ​ទី​ក្រុង​ភ្នំពេញ​​ខុស​​របស់​ពួកអ្នក​ជំនាញ​​ដែលនាំឲ្យ​មាន​ការខ្វះខាតចរន្ត​អគ្គិសនី​សម្រាប់ប្រើប្រាស​។​ លោក ហ៊ុន សែន បាន​​លើកឡើង​​នៅ​ចំពោះ​មុខ​​អ្នក​​ចូលរួម​​ជាច្រើនរយ​នាក់ថា ដោយ​សារតែ​​ពួក​អ្នក​ជំនាញ​​បរទេស​ពី​ស្ថាប័នធំៗគិតថា ​កំណើន​ប្រជាពលរដ្ឋ​ក្នុង​ក្រុង​អាចកើន​ត្រឹម​​១២ភាគរយ ​តែ​ឥឡូវ​កើន​ដល់​​២៤​ភាគ​រយ ​​ទាំង​​នេះ​ ​ ​នាំ​ឲ្យ​មាន​ការខ្វះខាត​​ចរន្តអគ្គិសនី​​បន្តិបន្តួច​សម្រាប់ប្រើ​ប្រាស​ក្នុង​ក្រុង​​។​ គួរ​បញ្ជាក់ថា ​បើ​ទោះបីជា​រដ្ឋាភិបាល​​កម្ពុជា​​​​បាន​បើក​​​ឲ្យ​មាន ការ​ធ្វើ​វិនិយោគ​ផ្នែក​​វារីអគ្គិសនី​ ទិញ​អគ្គិសនី​ពីប្រទេសយួន​ បន្ថែម​ពីលើ​​ម៉ាស៊ីនផលិតអគ្គិសនី​ ដែល​មាន​​ស្រាប់​​យ៉ាង​ណាក្ដី ​ក៏គេ​នៅ​តែ​សង្កេត​ឃើញ​ថា មិន​ទាន់​​ឆ្លើយ​តប​​​ចំពោះ​តម្រូវការ​ប្រើប្រាស​សម្រាប់​ទីក្រុងភ្នំពេញ​​​ដ៏​តូច​របស់​ខ្លួន​បាន​ដែរ​​ ​ហើយ​​អគ្គិសនី​ នៅ​ តែ​​មាន​តម្លៃ​ខ្ពស់​ឆ្ងាយ​ បើ​ធៀប​ជាមួយ​​ប្រទេសជិត​ខាង៕
Read More

ជា មុនី ៖ ខ្ញុំ​ពិត​ជា​អស់​ជំនឿ​ទៅ​លើ​តុលាការ​នៅ​កម្ពុជា

លោក ជា មុនី ប្រធាន​សហជីព​សេរីកម្មករ នៃ​ព្រះរាជាណាចក្រ​កម្ពុជា និង​ជា​ប្អូន​ប្រុស​បង្កើត​របស់​លោក ជា វិជ្ជា អតីត​ប្រធាន​សហជីព​សេរីកម្មករ ដែល​ត្រូវ​បាន​ឃាតករ​បាញ់​សម្លាប់​កាល​ពី​ថ្ងៃទី​២២ ខែ​មករា ឆ្នាំ​២០០៤ បាន​សម្តែង​ការ​អស់​ជំនឿ​យ៉ាង​ខ្លាំង​ចំពោះ​តុលាការ​នៅ​ប្រទេស​កម្ពុជា បន្ទាប់​ពី​តុលាការ​សាលា​ឧទ្ធរណ៍​នៅ​ព្រឹក​មិញ​នេះ បាន​សម្រេច​ផ្តន្ទា​ទោស ប៊ន សំណាង និង សុខ សំអឿន ដែល​គេ​ជឿ​ថា ជា​ឃាតករ​សិប្បនិម្មិត​ឲ្យ​ជាប់​ពន្ធនាគារ​រយៈ​ពេល​២០​ឆ្នាំ​វិញ​នោះ។ លោក ជា មុនី បាន​ថ្លែង​ថា «ការ​សម្រេច​របស់​សាលា​ឧទ្ធរណ៍​នៅ​ថ្ងៃ​នេះ ខ្ញុំ​ពិត​ជា​អស់​ជំនឿ​ទៅ​លើ​តុលាការ​នៅ​កម្ពុជា។
Read More

ស្ត្រីជា​សកម្មជន​ដីធ្លី​ពី​សហគមន៏បឹងកក់ ​ត្រូវតុលាការ​កាត់ទោស​ឲ្យ​ជាប់ពន្ធនាគារ៣​ឆ្នាំ​

ទីបំផុត​ទៅ​​ស្ត្រី​ដែល​ជាសកម្មជន​ដីធ្លី​​ពីសហគមន៏បឹងកក់​​ពុំ​មានវាសនា​​រួច​ផុត​ពីពន្ធនាគារ​ឡើយ​ ។​សាលក្រម​​របស់​តុលាការ​ក្រុងភ្នំពេញ​​កាល​ពីព្រឹកមិញ​​បាន​​សម្រេច​ឲ្យ​​អ្នកស្រី​ យ៉ោម បុប្ផា ជាប់​ពន្ធនាគារ​​រយៈពេល​ ៣ ឆ្នាំ ខណៈ​​ដែល​​ស្ត្រី​​​ជាសកម្មជន​ដីធ្លីម្នាក់ទៀត​​ពីសហគមន៏​បុរីកីឡា គឺ​អ្នក​ស្រី ទឹម សាក់មុនី ត្រូវ​​បាន​​តុលាការ​សម្រេច​​ដោះលែង​ឲ្យ​​មានសេរីភាព ​កាល​ពី​ល្ងាច​ថ្ងៃ​ពុធ​ម្សិល​មិញ​ នោះ។ ក្រោម​បទចោទ ​បង្ក​អំពើ​ហិង្សា​ដោយ​ចេតនា​​ ​តុលាការ​​ក៏​​នៅ​បានកាត់ទោស​​ដោយ​​កំបាំង​មុខ​​ទៅ​លើ​ប្អូន​​ប្រុសរបស់​ អ្នក​​ស្រីពីរនាក់​ទៀត​​ដែល​ជាគូកន​​​ឲ្យ​ជាប់ពន្ធនាគារ​​៣ឆ្នាំ​ដែរ ចំណែក​​ប្ដី​អ្នក​ស្រី​ក៏​ត្រូវ​​បាន​កាត់​​ឲ្យ​​​ជាប់ពន្ធ​​នាគារ​​៣​ឆ្នាំ​ដែរ តែទោសនោះ​​​ត្រូវ​​បានព្យួរ ។ ជាមួយ​ការ​បញ្ជា​​​​ឲ្យ​រួមគ្នា​សង​ប្រាក់​ជម្ងឺចិត្ត​​ដល់​ជនរង​គ្រោះ ​ចំនួន ៦០លានរៀលផងដែរ​។ អ្នក​ស្រី យ៉ោម បុប្ផា អាយុ២៩​ឆ្នាំ
Read More

អ្នកស្រី យ៉ោម បុប្ឆា សកម្មជន​ដីធ្លី នៃ​តំបន់​បឹងកក់ ត្រូវ​តុលាការ​ក្រុង​ភ្នំពេញ​កាត់​ទោស​ឲ្យ​ជាប់​ពន្ធនាគារ​រយៈ​ពេល​៣ឆ្នាំ​ពី​បទ​ប្រើ​អំពើ​ហិង្សា​ដោយ​ចេតនា។

Read More

សាលា​ឧទ្ធរណ៍​នៅ​ព្រឹក​ថ្ងៃ​នេះ បាន​សម្រេច​ផ្តន្ទា​ទោស​ ប៊ន សំណាង និង សុខ សំអឿន ឲ្យ​ជាប់​ពន្ធនាគារ​ម្នាក់ៗ​២០ឆ្នាំ និង​ពិន័យ​ជា​ប្រាក់​ចំនួន​៤០​លាន​រៀល។

Read More

សាលា​ឧទ្ធរណ៏​សម្រេច​​​ឃុំ​ខ្លួន​​​​ជនជាប់​ចោទ​ករណី​​បាញ់​សម្លាប់​​​ប្រធាន​​​សហជីព​​​ឲ្យ​​​ជាប់ពន្ធនាគារ​២០​​ឆ្នាំ​

វាបាន​ធ្វើ​ឲ្យ​មានការភាន់ភាំង​ ស្រឡាំងកាំង ​កាល​ពី​ព្រឹកមិញ​​ខណៈ​​ដែលសាលាឧទ្ធរណ៏​​នៃ​ប្រទេសកម្ពុជា​​បាន​​សម្រេច​​ឲ្យ​​ជន​ជាប់ចោទពីរ​រូប​ ​ក្នុង​សំណុំ​រឿង​​បាញ់សម្លាប់​​ប្រធាន​សហជីព​​ល្បី​ឈ្មោះ​​ដែល​​ត្រូវ​​បាន​​តុលាការ​កំពូល​​សម្រេច​​ឲ្យ​​នៅ​​ក្រៅឃុំ​​​​បណ្ដោះអាសន្ន​​អស់​រយៈពេល​ជិត​៥​ឆ្នាំ​ទៅ​​ហើយ​​នោះ ​ឲ្យ​​ជាប់​ពន្ធនាគារ​រយៈពេល​​២០​ឆ្នាំ​​​វិញ​។ ប្រធាន​ក្រុម​ប្រឹក្សា​ជំនុំជម្រះ​​លោក ជួន ស៊ុនឡេង បាន​ប្រកាស​សាល​ដីការ​ប្រកប​​ដោយ​ភាព​​ភ្ញាក់​ផ្អើល​នេះ ផ្ដន្ទាទោស​​ឈ្មោះ ប៊ន សំណាង និង សុខសំអឿន​ ឲ្យជាប់ពន្ធនាគារ​​ម្នាក់ៗ​​​រយៈពេល​២០​ឆ្នាំ រាប់​ពី​​ថ្ងៃ​ចាប់​​ខ្លួន​ ទី ​២៨ ​មករា ឆ្នាំ​២០០៤ និង ពិន័យជា​ប្រាក់​​៤០​លានរៀល​។ ភ្លាមៗ​​ពួកគេ​ត្រូវ​បាន​​ចាប់​ក្រៀក​ ដោយ​ប៉ូលិស​ បញ្ជូន​ទៅ​​កាន់​ពន្ធនាគារព្រៃ​ ស​។ ប៊ន សំណាង
Read More

សហជីព​គ្រោង​ដង្ហែ​កម្រង​ផ្កា​គោរព​វិញ្ញាណក្ខន្ធ​លោក ជា វិជ្ជា គម្រប់​ខួប​៩ឆ្នាំ

ដូច​ជា​រៀង​រាល់​ឆ្នាំ​ដែរ សម្រាប់​ឆ្នាំ​២០១៣ ថ្នាក់​ដឹកនាំ និង​សមាជិក សមាជិកា​សហជីព​សេរីកម្មករ នៃ​ព្រះរាជាណាចក្រ​កម្ពុជា ព្រម​ទាំង​ក្រុម​គ្រួសារ​សាច់​ញាតិ មិត្ត​ភក្តិ​ប្រមាណ​១៥០​នាក់ គ្រោង​នឹង​រៀបចំ​ពិធី​ដង្ហែ​កម្រង​ផ្កា​គោរព​វិញ្ញាណ​ក្ខន្ធ​លោក ជា វិជ្ជា គម្រប់​ខួប​៩ឆ្នាំ នា​ថ្ងៃទី២២ ខែ​មករា ឆ្នាំ​២០១៣​ខាង​មុខ។ តាម​សេចក្តី​ជូន​ដំណឹង ពិធី​ដង្ហែ​កម្រង​ផ្កា​គ្រោង​នឹង​ចាប់​ផ្តើម​ធ្វើ​នៅ​វេលា​ម៉ោង​៨ និង​៣០នាទី​ព្រឹក ថ្ងៃ​អង្គារ ទី២២ ខែ​មករា ឆ្នាំ​២០១៣ ដោយ​ហែរ​ចេញ​ពី​ទីស្នាក់​ការ​កណ្តាល​សហជីព ផ្ទះ​លេខ​១៦AEo ផ្លូវ​លេខ​៣៦០ សង្កាត់​បឹងកេងកង​ទី៣ ខណ្ឌ​ចំការ​មន រាជធានីភ្នំពេញ
Read More

តំណាងរាស្ត្រ​បក្សប្រឆាំង​​​គ្រោង​កោះ​​ហៅ​​​ប្រធាន​​តុលាការ​កំពូល​​មក​​ឈ្លេច​សួរ​​រឿង ឈូក បណ្ឌិត​, ម៉ម សូណង់ដូ​

ក្រុមអ្នកតំណាងរាស្រ្ត​គណបក្សប្រឆាំង​ក្នុង​ប្រទេសកម្ពុជា​​​មានផែន​​ការរួច​ហើយ ​​ដើម្បី​កោះ​ហៅ​ប្រធាន​​តុលាការ​កំពូល​​មកសាកសួរ​​​​អំឡុង​​​ខែ មករា ឆ្នាំ ២០១៣ ខាងមុខ ជុំវិញ​ភាព​ខុសគ្នា​រវាង​ករណីលោក ឈូក បណ្ឌិត​ ដែល​ត្រូវបាន​តុលាការលើកលែង​​បទ​ចោទប្រកាន់ និងករណី​ លោក ម៉ម សូណង់ដូ រួមទាំង​​សកម្មជន​ដីធ្លី​​ដ៏ទៃទៀត​​ ដែលត្រូវ​បាន​តុលាការ​សម្រេចឲ្យ​​ជាប់ពន្ធនាគារ​​។​ លោក សុន ឆ័យ ​ប្រធាន​ក្រុមអ្នកតំណាងរាស្ត្រ​គណបក្សសម​រង្ស៊ី​​​បាន​ថ្លែង​ប្រាប់ក្រុមអ្នក​រាយការណ៏​ព័ត៌​មាន​​កាលពីម្សិលមិញ​ថា ​លោក​​នឹងដាក់លិខិត​​ទៅ​លោក ​ហេង សំរិន ​ប្រធាន​រដ្ឋសភា​នាថ្ងៃទី ​២៨​ ធ្នូ ​ស្អែក​នេះ ដើម្បីសុំ​ឲ្យ​​កោះ​ហៅលោក
Read More

សហជីព​សេរីកម្មករ​គ្រោង​ធ្វើ​បាតុកម្ម​ប្រឆាំង​ការ​សម្រេច​របស់​តុលាការ​ខេត្ត​ស្វាយរៀង​ករណី ឈូក បណ្ឌិត នៅ​ខែ​ក្រោយ

តាម​លិខិត​មួយ​ច្បាប់​របស់​សហជីព​សេរីកម្មករ នៃ​ព្រះរាជាណាចក្រ​កម្ពុជា ផ្ញើ​ទៅ​កាន់​លោក កែប ជុតិមា អភិបាល​ក្រុង​ភ្នំពេញ​បាន​ឲ្យ​ដឹង​ថា សហជីព​មួយ​នេះ​គ្រោង​នឹង​ធ្វើ​បាតុកម្ម​អហិង្សា​មួយ នៅ​ទីលាន​ប្រជាធិបតេយ្យ នា​ថ្ងៃទី២៧ ខែ​មករា ឆ្នាំ​២០១៣ ខាង​មុខ ដើម្បី​តវ៉ា​នឹង​ការ​សម្រេច​របស់​តុលាការ​ខេត្ត​ស្វាយរៀង ដែល​បាន​លើក​លែង​ការ​ចោទ​ប្រកាន់​លោក ឈូក បណ្ឌិត អតីត​ចៅហ្វាយ​ក្រុង​បាវិត។ លោក ឈូក បណ្ឌិត អតីត​អភិបាល​ក្រុង​បាវិត ដែល​ត្រូវ​បាន​ចោទ​ពី​បទ​បង្ក​របួស​ស្នាម​ដោយ​អចេតនា ក្នុង​ករណី​បាញ់​ប្រហារ​ទៅ​លើ​កម្មករ កម្មការិនី នៅ​រោងចក្រ​ផលិត​ស្បែក​ជើង​កៅវ៉េ ស្ថិត​នៅ​ក្នុង​តំបន់​សេដ្ឋកិច្ច​ពិសេស​មេនហាតធេន កាល​ពី​ថ្ងៃទី២០ ខែ​កុម្ភៈ
Read More