Free Wordpress Themes Wordpress Templates Discount Codes How To Start a Blog Best Wordpress Hosting Best Wordpress Themes 2013 Best Wordpress Themes Premium Themes Wordpress Premium Themes Best Wordpress Deal

Archive for December 26th, 2012

  • អ្នកស្រី ទឹម ​សាក់មុនី នៃ សហគមន៏បុរីកីឡា​​ត្រូវបាន​តុលាការក្រុងភ្នំពេញ​សម្រេច​ដោះលែង​ឲ្យ​មាន​សេរីភាពវិញ​​ហើយ នាល្ងាច​ថ្ងៃទី ​២៦ធ្នូ។ ​ដោយឡែក​លទ្ធផល​​​សំណុំរឿង​​អ្នកស្រី យ៉ោម បុប្ផា សកម្មជន​​ដីធ្លី ​នៃ ​សហគមន៏បឹងកក់​មិនទាន់​បាន​​ដឹង​នៅឡើយ​ទេ ដោយ​តុលាការ​នឹង​បន្តសវនាការ​នៅ​ថ្ងៃ​ព្រហស្បតិ៍នេះទៀត។

     
  • ក្រុមមន្ត្រី ថា​ ច្រកអានសេះ​ ត្រូវបានភាគី​ថៃ​ បើក​​ឲ្យ​ដំណើរការ​​ឡើងវិញ​​ហើយ​

    ក្រុម​មន្ត្រីបាន​និយាយ​ថា ​ច្រកអានសេះ​​នៃ​​ខេត្តព្រះវិហារ ​​ និង​ខាងថៃជាប់​​ខេត្ត អូរប៊ុន ត្រូវ​បានបើក​ឲ្យ​ដំណើរការ​ជាធម្មតាឡើងវិញ​ហើយ កាល​ពី​វេលាម៉ោង​ប្រមាណ​៣រសៀល​​ថ្ងៃ​ពុធ​នេះ​បន្ទាប់​ពី​មាន​ការចរចារ​សម្រប​សម្រួល​ជាមួយ​ភាគីថៃ។ លោក អ៊ុំ ម៉ារ៉ា ចៅហ្វាយ​ខេត្តព្រះវិហារ​​បាន​និយាយ​ថា ​ទាហ៊ាន​ឈុតខ្មៅថៃ​​បាន​បិទច្រកនេះឯកតោភាគី​​កាល​ពី​ថ្ងៃអង្គារម្សិលមិញ​ ដោយ​សារតែ​ពួកគេ​មិនសប្បាយចិត្ត​រឿង​ដែល​ភាគីកម្ពុជា​​កសាងផ្លូវ​​ទៅ​កាន់​តំបន់នោះ និង ជួសជុលកែលម្អរប៉ុស្តិ៏ព្រំ​ដែន ​របស់​​ខ្លួន​​ដោយ​​មិន​បាន​ផ្ដល់​​ដំណឹងទៅពួកគេ ​។​ប៉ុន្តែ​បន្ទាប់​ពីមាន​​ការចរចារសម្រប​សម្រួល ​ឥឡូវ​​ច្រកអានសេះ​បាន​​បើក​ឲ្យ​ដំណើរការជាធម្មតាឡើងវិញ​ហើយ៕

     
  • ការផ្សាយប្រចាំថ្ងៃ ពុធទី២៦ ខែធ្នូ ឆ្នាំ២០១២

    Play
     
  • សាលាក្តី​តែង​តាំង​ចៅក្រម​បន្ថែម​សម្រាប់​អង្គជំនុំ​ជម្រះ​តុលាការ​កំពូល

    សាលាក្តី​តែង​តាំង​ចៅក្រម​បន្ថែម​សម្រាប់​អង្គជំនុំ​ជម្រះ​តុលាការ​កំពូល

    សាលាក្តី​ខ្មែរ​ក្រហម​បាន​ប្រកាស​នៅ​ថ្ងៃ​នេះ​ថា ឧត្តម​ក្រុម​ប្រឹក្សា នៃ​អង្គចៅក្រម បាន​ធ្វើ​ការ​តែងតាំង​ចៅក្រម​ចំនួន​ពីរ​រូប​បន្ថែម​ទៀត​សម្រាប់​អង្គជំនុំ​ជម្រះ​តុលាការ​កំពូល បន្ទាប់​ពី​មាន​ការ​តែងតាំង​ដោយ​អគ្គលេខាធិការ​អង្គការ​សហ​ប្រជាជាតិ។ តាម​សេចក្តី​ជូន​ដំណឹង​របស់​សាលាក្តី​ខ្មែរ​ក្រហម លោកស្រី​ចៅក្រម Florence Ndepele Mwachande Mumba មក​ពី​ប្រទេស​ហ្សំប៊ី ត្រូវ​បាន​តែង​តាំង​ជា​ចៅក្រម​ជំនុំ​ជម្រះ​តុលាការ​កំពូល ជំនួស​លោក​ចៅក្រម Motoo Noguchi ដែល​បាន​លា​ឈប់​ក្នុង​ខែ​កក្កដា ឆ្នាំ​២០១២​កន្លង​ទៅ​នេះ។ លោក​ស្រី​ចៅក្រម Mumba ត្រូវបាន​ផ្តល់​នីតិសម្បទា​ដោយ​គណៈមេធាវី នៅក្នុងឆ្នាំ ១៩៧៣។ ហើយ​លោកស្រី​ធ្លាប់​ធ្វើជា​នាយិកា​នៃ​នាយកដ្ឋាន​ជំនួយ​ផ្នែកច្បាប់ (ឆ្នាំ ១៩៧៧) ដែល​ជាស្ត្រី​ដំបូង​កាន់​តួនាទី​ជា​ចៅក្រម​តុលាការ​ជាន់ខ្ពស់ (ឆ្នាំ១៩៨០) មន្ត្រី​ទទួល​បណ្តឹង​ប្រជាពលរដ្ឋ(ឆ្នាំ១៩៨៩) ចៅក្រម​តុលាការ​កំពូល (១៩៩៧) ចៅក្រម​នៅ​សាលាក្តី​ព្រហ្មទណ្ឌ​អន្តរជាតិ​នៃ​អង្គការ​សហប្រជាជាតិ​សម្រាប់​អតីត​ប្រទេស​យូហ្គោស្លាវី (ឬតុលាការ UNICTY) (ឆ្នាំ១៩៩៧-២០០៥) អនុប្រធាន​តុលាការ UNICTY (ឆ្នាំ១៩៩៩-២០០០) ចៅក្រម​នៃ​អង្គជំនុំជម្រះ​សាលា​ឧទ្ធរណ៍​នៃ​តុលាការ UNICTY និង​សាលាក្តី​អង្គការ​សហប្រជាជាតិ​សម្រាប់​ប្រទេស​រ៉្វាន់ដា (ឆ្នាំ២០០៣-២០០៥) និង​ប្រធាន​គណៈកម្មការ​បោះឆ្នោត​នៃ​ប្រទេស​ហ្សំប៊ី(ឆ្នាំ២០០៨-២០១០)។ ក្នុង​នោះ​លោកស្រី​ធ្លាប់​ធ្វើជា​ក្រុមប្រឹក្សា​នៃ​គណៈ​កម្មការ​អង្គការ​សហប្រជាជាតិ​ស្តីពី​ឋានៈ​ស្ត្រី (ឆ្នាំ ១៩៩២-១៩៩៥) ជា​មន្ត្រី​ជំនាញ​ផ្នែកច្បាប់​ក្នុង​គណៈ​កម្មាធិការ​ព្រាង​ពិធីសារ​នៃ​ប្រទេស​អាហ្វ្រិក ដើម្បី​តាក់តែង​ធម្មនុញ្ញ ប្រទេស​អាហ្វ្រិក​ស្តីពី​ពលរដ្ឋ​និង​សិទ្ធិមនុស្ស ពាក់ព័ន្ធនឹង​ការ​បង្កើត​តុលាការ​សិទ្ធិមនុស្ស​នៃ​ប្រទេស​អាហ្វ្រិក […]

     
  • សមាជិក​សមាជិកា​រដ្ឋសភា​នឹង​ទទួល​គ្រឿង​ឥស្សរិយយស​លើក​ទី២​នៅ​ចុង​សប្តាហ៍​នេះ

    សមាជិក​សមាជិកា​រដ្ឋសភា​នឹង​ទទួល​គ្រឿង​ឥស្សរិយយស​លើក​ទី២​នៅ​ចុង​សប្តាហ៍​នេះ

    តាម​សេចក្តី​ប្រកាស​ព័ត៌មាន​របស់​អគ្គលេខធិការ​ដ្ឋាន​រដ្ឋសភា​បាន​ឲ្យ​ដឹង​ថា នៅ​រសៀល​ថ្ងៃទី២៨ ខែ​ធ្នូ ឆ្នាំ​២០១២​ចុង​សប្តាហ៍​នេះ សមាជិក​សមាជិកា​រដ្ឋសភា​នីតិកាល​ទី៤​ចំនួន​១២២​រូប ព្រម​ទាំង​មន្រ្តី​ជាន់​ខ្ពស់​៣៩រូប នឹង​ទទួល​គ្រឿង​ឥស្សរិយយស​ជា​លើក​ទី២។ តាម​សេចក្តី​ប្រកាស​ព័ត៌មាន​ដដែល ការ​រៀបចំ​ពិធី​បំពាក់​គ្រឿង​ឥស្សរិយយស​នេះ គឺ​ធ្វើ​ឡើង​ទៅ​តាម​មាត្រា២៦ នៃ​ច្បាប់​ស្តីពី​លក្ខន្តិកៈ​តំណាង​រាស្រ្ត ដែល​បាន​ចែង​ថា តំណាង​រាស្រ្ត​ក្នុង​ដំណែង​ត្រូវ​ទទួល​បាន​នូវ​គ្រឿង​ឥស្សរិយយស​២ដង​ក្នុង​មួយ​អាណត្តិ។ គ្រឿង​ឥស្សរិយយស​ដែល​ត្រូវ​បំពាក់​ជូន​សមាជិក​សមាជិកា​រដ្ឋសភា​នៅ​ចុង​សប្តាហ៍​នេះ​រួម​មាន ក).គ្រឿង​ឥស្សរិយយស ជា​តូបការ ចំនួន៤៦រូប,  ខ).គ្រឿង​ឥស្សរិយយស ព្រះ​រាជាណាចក្រ​កម្ពុជា​ថ្នាក់​មហាសេរីវឌ្ឍន៍​ ចំនួន​១១រូប,  គ).គ្រឿង​ឥស្សរិយយស មុនីសារាភ័ណ្ឌ ថ្នាក់​មហា​សេរី​វឌ្ឍន៍ ចំនួន​១រូប,  ឃ).គ្រឿង​ឥស្សរិយយស ព្រះរាជាណាចក្រ​កម្ពុជា​ថ្នាក់​មហា​សេនា ចំនួន​១៣​រូប,  ង).គ្រឿង​ឥស្សរិយយស មុនីសារាភ័ណ្ឌ​ ថ្នាក់​មហាសេនា ចំនួន​២រូប,  ច).គ្រឿង​ឥស្សរិយយស ព្រះរាជាណាចក្រ​កម្ពុជា​ថ្នាក់​ធិបឌិន្ទ ចំនួន​២៥រូប,  ឆ).គ្រឿង​ឥស្សរិយយស មុនីសារាភ័ណ្ឌ ថ្នាក់​ធិបឌិន្ទ ចំនួន​៤រូប,  ជ).គ្រឿង​ឥស្សរិយយស សុវត្ថារា ថ្នាក់​ធិបឌិន្ទ ចំនួន​១រូប,  ឈ).គ្រឿង​ឥស្សរិយយស ព្រះរាជាណាចក្រ​កម្ពុជា ថ្នាក់​សេនា ចំនួន​១៨រូប និង ញ).គ្រឿង​ឥស្សរិយយស មុនី​សារាភ័ណ្ឌ ថ្នាក់​សេនា […]

     
  • កម្មករ​៤នាក់​របួស និង​សន្លប់​ក្នុង​ការ​តវ៉ា​ពីរកន្លែង​ផ្សេង​គ្នា

    កម្មករ​៤នាក់​របួស និង​សន្លប់​ក្នុង​ការ​តវ៉ា​ពីរកន្លែង​ផ្សេង​គ្នា

    តាម​សេចក្តី​រាយ​ការណ៍​ឲ្យ​ដឹង​ថា នៅ​ថ្ងៃ​ពុធ​នេះ យ៉ាង​ហោច​ណាស់​កម្មករ​ចំនួន​៤នាក់​បាន​រង​របួស និង​សន្លប់ ក្នុង​ការ​តវ៉ា​នៅ​រោងចក្រ​ពីរ​ផ្សេង​គ្នា គឺ​រោងចក្រ Conpress Holding ក្នុង​ខណ្ឌ​មាន​ជ័យ និង​រោងចក្រ​ស្ទើហ្រ្វេង ក្នុង​ស្រុក​អង្គស្នួល ខេត្ត​កណ្តាល ដើម្បី​ទាមទារ​ឲ្យ​តំណាង​ពួក​គេ​បាន​ចូល​ធ្វើ​ការ​វិញ។ បើ​តាម​មន្រ្តី​សហជីព​សេរីកម្មករ នៃ​ព្រះរាជាណាចក្រ​កម្ពុជា​ឲ្យ​ដឹង​ថា កម្មករ​ចំនួន​២នាក់ នៃ​រោងចក្រ Conpress Holding បាន​រង​របួស​ដោយ​ភាគី​រោងចក្រ​បាន​គប់​ដុំ​ថ្ម​សំដៅ​លើ ខណៈ​ក្រុម​កម្មករ​ធ្វើ​ការ​តវ៉ា​នៅ​ខាង​មុខ​រោងចក្រ​ដោយ​ដុត​សំបក​កង់​ម៉ូតូ។ ដោយ​ឡែក​កម្មករ​ចំនួន​២នាក់​ទៀត នៃ​រោងចក្រ​ស្ទើហ្រ្វេង​បាន​រងរបួស​រហូត​សន្លប់ បន្ទាប់​ពី​សមត្ថកិច្ច​ស្រុក​អង្គស្នួល​បាន​វាយ​ដំ​លើ​ពួក​គេ ខណៈ​ក្រុម​កម្មករ​កំពុង​ធ្វើ​ការ​តវ៉ា​នៅ​ខាង​មុខ​រោងចក្រ​ដូច​គ្នា​នោះ។ តំណាង​ក្រុម​កម្មករ​បាន​និយាយ​ថា ពួក​គេ​នឹង​ធ្វើ​ការ​តវ៉ា​លុះ​ត្រា​តែ​ការ​ទាមទារ​របស់​ពួក​គេ​បាន​សម្រេច បើ​ទោះ​បី​ជា​មាន​ការ​គំរាម​កំហែង​ដោយ​ហិង្សា​ក៏​ដោយ៕

     
  • ការ​ធ្វើ​បាតុកម្ម​​នៅ​ថ្ងៃទី៣០ ធ្នូ ត្រូវ​អនុញ្ញាត​ឲ្យ​ធ្វើ​នៅ​ទីលាន​ប្រជាធិបតេយ្យ

    ការ​ធ្វើ​បាតុកម្ម​​នៅ​ថ្ងៃទី៣០ ធ្នូ ត្រូវ​អនុញ្ញាត​ឲ្យ​ធ្វើ​នៅ​ទីលាន​ប្រជាធិបតេយ្យ

    បន្ទាប់​ពី​ធ្វើ​ការ​ពិភាក្សា​អស់​រយៈ​ពេល​១ម៉ោង​កាល​ពី​រសៀល​ថ្ងៃ​ម្សិលមិញ​ចំពោះ​គម្រោង​ធ្វើ​បាតុកម្ម​អហិង្សា​ទាម​ទារ​តម្លើង​ប្រាក់​ឈ្នួល​ជូន​កម្មករ​របស់​សម្ព័ន្ធ​សហជីព​កម្ពុជា នា​ថ្ងៃទី៣០ ខែ​ធ្នូ ខាង​មុខ សាលាក្រុង​ភ្នំពេញ​បាន​សម្រេច​ហើយ ដោយ​អនុញ្ញាត​ឲ្យ​ធ្វើ​នៅ​ទីលាន​ប្រជាធិបតេយ្យ។ តាម​កំណត់​ហេតុ​ប្រជុំ​របស់​សាលាក្រុង​ភ្នំពេញ ការ​ធ្វើ​បាតុកម្ម​អហិង្សា​នៅ​ថ្ងៃទី៣០ ខែ​ធ្នូ ឆ្នាំ​២០១២ នឹង​ត្រូវ​អនុញ្ញាត​ឲ្យ​ធ្វើ​នៅ​ទីលាន​ប្រជាធិបតេយ្យ​ក្នុង​ចំនួន​មនុស្ស​២៥០នាក់​ដោយ​ពុំ​មាន​ការ​ដង្ហែ​ក្បួន​ឡើយ។ ប៉ុន្តែ​សម្ព័ន្ធ​សហជីព​កម្ពុជា​អាច​ចាត់​តំណាង​ចំនួន​២០នាក់​ធ្វើ​ដំណើរ​ដោយ​ថ្មើ​ជើង​សំដៅ​ទៅ​ដើម​ពោធិ៍​មុខ​វត្ត​បទុមវតី ដើម្បី​ប្រគល់​ញត្តិ​ជូន​ខុទ្ទកាល័យ​នាយក​រដ្ឋមន្រ្តី និង​បន្ត​ទៅ​ដាក់​ញត្តិ​នៅ​រដ្ឋសភា​ជាតិ។ ក្នុង​នោះ​បាតុកម្ម​នេះ នឹង​មិន​អនុញ្ញាត​ឲ្យ​ធ្វើ​សកម្មភាព​ដើម្បី​បម្រើ​ឲ្យ​ឆន្ទៈ​នយោបាយ​របស់​គណបក្ស​ណា​មួយ ឬ​ធ្វើ​ការ​វាយ​ប្រហារ​ដល់​ព្រះមហាក្សត្រ រាជរដ្ឋាភិបាល ប្រទេស​ជិត​ខាង និង​ឥស្សរជន​ជាន់​ខ្ពស់​ណា​ម្នាក់​ឡើយ។ គួរ​បញ្ជាក់​ថា បើ​តាម​គម្រោង​របស់​សម្ព័ន្ធ​សហជីព​កម្ពុជា បាតុកម្ម​អហិង្សា​ដែល​គ្រោង​ធ្វើ​នៅ​ថ្ងៃទី៣០ ខែ​ធ្នូ ឆ្នាំ​២០១២ ​ដើម្បី​ទាមទារ​ឲ្យ​មាន​ការ​តម្លើង​ប្រាក់​ឈ្នួល​អប្បបរមា​ជូន​កម្មករ​និយោជិត​ចំនួន​១៥០​ដុល្លារ​ក្នុង​មួយ​ខែ​សម្រាប់​ឆ្នាំ​២០១៣​នោះ នឹង​ធ្វើ​ឡើង​នៅ​សួន​ច្បារ​មុខ​តុលាការ​កំពូល រួច​ដង្ហែ​ក្បួន​យក​ញត្តិ​ប្រគល់​ជូន​នាយក​រដ្ឋមន្រ្តី និង​បន្ត​ប្រគល់​ជូន​អ្នក​តំណាង​រាស្រ្ត​នៅ​រដ្ឋសភា​ជាតិ៕

     
  • នាម៉ោង ២ រសៀល​ថ្ងៃទី​ ២៦ ធ្នូ នេះ តុលាការក្រុងភ្នំពេញ​ នឹង បើកសវនាការ​លើសំណុំរឿង​​អ្នក​ស្រី យ៉ោម​ បុប្ផា ( សកម្មជនដីធ្លីនៃសហគមន៏បឹងកក់ ) និង អ្នកស្រី ទឹម សាក់មុនី ( សកម្មជនដីធ្លីនៃសហគមន៏​បុរីកីឡា )….៕

     
  • CCHR ៖ ជន​ល្មើស​វាយ​ប្រហារ​ដោយ​អាស៊ីដ​មិនដែល​​ត្រូវ​បាន​ចាប់​ខ្លួន​ឡើយ

    CCHR ៖ ជន​ល្មើស​វាយ​ប្រហារ​ដោយ​អាស៊ីដ​មិនដែល​​ត្រូវ​បាន​ចាប់​ខ្លួន​ឡើយ

    មជ្ឈមណ្ឌល​សិទ្ធិ​មនុស្ស​កម្ពុជា (CCHR) តាម​រយៈ​វិចារណកថា​របស់​ខ្លួន​ចុះ​ថ្ងៃទី២៥ ខែធ្នូ ឆ្នាំ២០១២​បាន​លើក​ឡើង​ថា រយៈ​ពេល​១ឆ្នាំ​បន្ទាប់​ពី​ច្បាប់​អាស៊ី​ត្រូវ​បាន​អនុម័ត ជន​ល្មើស​មិន​ដែល​ត្រូវ​បាន​ចាប់​ខ្លួន​ឡើយ ដែល​នេះ​វា​បាន​បង្ហាញ​ពី​ភាព​អសកម្ម នៃ​ការ​អនុវត្តន៍​ច្បាប់​ស្តីពី​ការ​គ្រប់គ្រង​អាស៊ីដ​ខ្លាំង។ ការ​លើក​ឡើង​បែប​នេះ គឺ​ធ្វើ​ឡើង​បន្ទាប់​ពី​មាន​សេចក្តី​រាយ​ការណ៍​ថា កាល​ពី​យប់​ថ្ងៃទី២១ ខែ​ធ្នូ ឆ្នាំ​២០១២ នារី​អាយុ​២០ឆ្នាំ​ម្នាក់​នៅ​ខេត្ត​ព្រះសីហនុ​បាន​ស្លាប់ បន្ទាប់​ពី​ត្រូវ​វាយ​ប្រហារ​ដោយ​ទឹក​អាស៊ីដ​យ៉ាង​ឃោរឃៅ ហើយ​ជន​ល្មើស​បាន​រត់​គេច​ខ្លួន​បាត់។ តាម​ទិន្នន័យ​របស់​មជ្ឈមណ្ឌល​សិទ្ធិ​មនុស្ស​កម្ពុជា ក្នុង​ឆ្នាំ​២០១២​នេះ ការ​វាយ​ប្រហារ​ដោយ​ទឹក​អាស៊ី​បាន​កើត​ឡើង​ចំនួន​៦ករណី។ ប៉ុន្តែ​គ្មាន​ករណី​ណា​មួយ​ក្នុង​ចំណោម​ទាំង​៦ករណី​នោះ ត្រូវ​បាន​គេ​នាំ​យក​ទៅ​កាន់​តុលាការ​ឡើយ ទោះ​បី​ជា​មាន​ច្បាប់​ស្តីពី​ការ​គ្រប់គ្រង​អាស៊ីដ​ខ្លាំង ដែល​បាន​អនុម័ត​កាល​ពី​ដើម​ខែ​ធ្នូ ឆ្នាំ​២០១១​ក៏​ដោយ។ កញ្ញា សន រ៉ាមណា មន្រ្តី​សម្រប​សម្រួល​គម្រោង​របស់​មជ្ឈមណ្ឌល​សិទ្ធិ​មនុស្ស​កម្ពុជា​បាន​និយាយ​ថា «រដ្ឋាភិបាល​គួរ​តែ​ចាត់​វិធានការ​បន្ថែម ដើម្បី​ធានា​ថា ច្បាប់​គ្រប់គ្រង​អាស៊ីដ ដែល​បាន​អនុម័ត​រយៈ​ពេល​មួយ​ឆ្នាំ​បើ​គិត​មក​ដល់​ខែ​នេះ ដើម្បី​ធានា​ថា ច្បាប់​នេះ​ត្រូវ​បាន​ប្រើប្រាស់​ដើម្បី​ផ្តន្ទា​ទោស​ជន​ល្មើស​នៃ​ករណី​វាយ​ប្រហារ​ដោយ​អាស៊ីដ»។ កញ្ញា​បន្ត​ថា «ខណៈ​ពេល​ដែល​យើង​ទទួល​បាន​នូវ​ការ​លើក​ទឹកចិត្ត​ដែល​រដ្ឋាភិបាល​បាន​ឈាន​មួយ​ជំហាន​ក្នុង​ការ​អនុម័ត​ច្បាប់​គ្រប់គ្រង​អាស៊ីដ យើង​មាន​ការ​ព្រួយ​បារម្ភ​ថា ច្បាប់​គ្រប់គ្រង​អាស៊ីដ​មិន​ត្រូវ​បាន​អនុវត្ត​នៅ​ឡើយ»៕

     
  • តុលាការ​ខេត្ត​រតនគិរី​ ​ដក​បទចោទ​ពី​​សកម្មជនសិទ្ធិមនុស្ស ​និង អ្នក​កាសែតទាក់ទងសំណុំ​រឿង​បរិ​ហា​កេ​រ្ដិ៏

    ការិយាល័យព្រះរាជអាជ្ញា​​អម​សាលាដំបូង​​ខេត្តរតនគិរី​​កាល​ពី​​សប្ដាហ៏​កន្លងទៅ​ ត្រូវ​​គេរាយ​ការណ៏​ថា​ បាន​​សម្រេច​ដក​​បទចោទ​​​ពី​​សកម្មជន​សិទ្ធិ​មនុស្ស​ ៣នាក់ ​និង អ្នកកាសែត​ម្នាក់​​ទាក់ទង​សំណុំ​​រឿង​បរិហាកេរ្តិ៏ ​និង ញុះញង់​ ឲ្យ​​មាន​​អំពើ​ហឹង្សា។​ លោក គិត  ចែម មេឃុំ​បាតាង ស្រុក លំផាត់ មក​ពី​គណបក្សប្រជាជន ​កាល​ពី​​ឆ្នាំ​ ២០០៩ ​​បាន​ដាក់​ពាក្យ​ប្ដឹង​ចោទ​​លោក ប៉ែន ប៊ុណ្ណារ៏ អតីត​អ្នកសម្របសម្រួល​អង្គការសិទ្ធិមនុស្សអាដហុក​ប្រចាំ​ខេត្ត​រតនគិរី លោក ឆាយ ធី សហការីរប​​​​​ស់​លោក និង ជាសកម្មជនសិទ្ធិមនុស្ស​​របស់​អង្គការ​អាដហុក​ លោក អ៊ូ វិរៈ ប្រធាន​មជ្ឈមណ្ឌលសិទ្ធិ​មនុស្សកម្ពុជា និង លោក ជា រដ្ឋា អ្នក​រាយការណ៏ព័ត៌​មាន​របស់​​វិទ្យុអាស៊ីសេរី  ពី​បទ​បរិហាកេរ្តិ៏​ និង ញុះញង់​​ជនជាតិភាគតិចទំពួន​ ឲ្យ​​តវ៉ា​​ប្រឆាំង​ដោយ​ហឹង្សា​ចំពោះ​ភាគីជម្លោះ​ដីធ្លី​​ជាយូរមកហើយ​​របស់គេ​គឺ ក្រុម​​ហ៊ុនចំការកៅស៊ូ ​(DM Group)។​ បើទោះ​បីជាពុំទាន់មាន​ដីការ​លើកលែង​​បទចោទប្រកាន់​ជាផ្លូវការក្ដី​​ក៏​​លោក ឆា​យ ធី បានថ្លែង​ប្រាប់​ក្រុម​អ្នកកាសែត​កាល​ពី​ម្សិលមិញថា​លោក​បានទទួលទូរស័ព្ទ​ពីព្រះរាជអាជ្ញារង អម​​សាលាដំបូង​ខេត្ត​​រតនគិរី​​កាល​ពី​ថ្ងៃ​សុក្រ​ថា ​តុលាការ​បានលុប​ចោល​ការចោទប្រកាន់​លើ​លោក​ហើយ​។​ដោយ​លោក​​បាន​​បន្តថា […]