Free Wordpress Themes Wordpress Templates Discount Codes How To Start a Blog Best Wordpress Hosting Best Wordpress Themes 2013 Best Wordpress Themes Premium Themes Wordpress Premium Themes Best Wordpress Deal

Archive for December 22nd, 2012

  • ការផ្សាយប្រចាំថ្ងៃសៅរ៏ ទី២២ ខែធ្នូ ឆ្នាំ២០១២

    Play
     
  • ឥណ្ឌាព្រម​ឲ្យ​កម្ពុជា​ខ្ចីលុយ​​៥៧លាន​​ដុល្លារ​​សម្រាប់​​ត​បណ្ដាញ​អគ្គីសនី​ និង ប្រព័ន្ធធារាសាស្ត្រ​

    ឥណ្ឌាព្រម​ឲ្យ​កម្ពុជា​ខ្ចីលុយ​​៥៧លាន​​ដុល្លារ​​សម្រាប់​​ត​បណ្ដាញ​អគ្គីសនី​ និង ប្រព័ន្ធធារាសាស្ត្រ​

    គណៈប្រតិភូ​មួយ​ក្រុម​​ដឹកនាំ​​ដោយ​នាយករដ្ឋមន្ត្រី​ បានវិលត្រឡប់​មក​ដល់ប្រទេសកម្ពុជាវិញ​ហើយ​កាល​​ពី​ព្រលប់​​ថ្ងៃទី​២១ធ្នូម្សិលមិញ​ បន្ទាប់​ពី​​ទៅ​ចូលរួម​កិច្ចប្រជុំ​កំពូល​លើកទី​២០​​នៃ​ទំនាកទំនង​​​អាស៊ាន-​ឥណ្ឌា ក្នុង​ទី​ក្រុង ញូវដែលី ប្រកប​ដោយជោគ​ជ័យ ។​ លោក ហោ ណាំហុង រដ្ឋមន្ត្រីក្រសួង​ការបរទេសកម្ពុជា​​បាន​ថ្លែងប្រាប់​ក្រុមអ្នករាយ​ការណ៏ព័ត៌​មាន​​ឯព្រលាន​យន្តហោះ​អន្តរជាតិភ្នំពេញ​ថា ​នៅ​ក្នុងជំនួប​​រវាង​លោក​នាយករដ្ឋមន្ត្រី​ខ្មែរ ​ហ៊ុន សែន និង នាយករដ្ឋមន្ត្រី​ឥណ្ឌា ម៉ាន់ ​ម៉ូ​ហាន់​ស៊ី​ង ឥណ្ឌាបាន​យល់ព្រមផ្ដល់​ប្រាក់​កម្ចីឥណ្ឌទាន​​​ដល់​​កម្ពុជា​៥៧លាន​ដុល្លារ ​សម្រាប់​ការ​​ត​ភ្ជាប់​បណ្តាញ​អគ្គិសនីពី​ខេត្តក្រចេះ​ទៅ​ស្ទឹងត្រែង និង​សាង​សង់​ប្រព័ន្ធ​ធារាសាស្ត្រ​​​នៅ​​ស្ទឹង​​សា​សាប់ ។​ លើសពីនេះ​​ក្នុងឋានៈជាប្រធានអាស៊ាន​​ជិតផុត​អាណតិ​​ កម្ពុជា​ក៏​​បាន​ដាក់​ការជម្រុញ​ផង​ដែរ​​ធ្វើ​យ៉ាង​ណា​ឲ្យ​​ទំហំទឹកប្រាក់​ពាណិជ្ជ​កម្ម​ឥណ្ឌា-អាស៊ាន​ កើន​​ដល់១ពាន់លាន​ដុល្លារ​ក្នុង​ឆ្នាំ​២០១៥​ និង ឆ្នាំ ២០២២ កើនដល់​២០០ពាន់លាន​ដុល្លារ ​ខណៈ​បច្ចុប្បន្ន​​មាន​ត្រឹម​តែ​ជាង​​៧០ពាន់​លាន​ដុល្លារ​នោះ​ ។ បើតាមលោក ហោ ណាំហុង ថា  ជាមួយគ្នា​លោក ហ៊ុន សែន​ ក៏​បាន​អំពាវនាវ​​​ដែរ​ឲ្យ​ឥណ្ឌា​សាងសង់​​​ផ្លូវ​​ហាយវេដែល​​មាន​នៅ​ក្នុងគម្រោងរបស់​ខ្លួន​ស្រាប់​ ភ្ជាប់ពី​​ ឥណ្ឌា ចូល​ភូមា ថៃ ហើយ​​ បន្ត​​មក ឡាវ​ និង កម្ពុជា ៕

     
  • កម្ពុជា​មាន​អ្នក​ប្រើប្រាស់​ទូរស័ព្ទ​ចល័ត​ជាង​២០លាន​គ្រឿង

    កម្ពុជា​មាន​អ្នក​ប្រើប្រាស់​ទូរស័ព្ទ​ចល័ត​ជាង​២០លាន​គ្រឿង

    ប្រទេស​កម្ពុជា​បច្ចុប្បន្ន​មាន​អ្នក​ប្រើប្រាស់​ទូរស័ព្ទ​ចល័ត​ចំនួន​ជាង​២០លាន​គ្រឿង និង​ទូរស័ព្ទ​ខ្សែ​ចំនួន​ជាង​៥ពាន់​គ្រឿង ខណៈ​ដែល​ប្រជាជន​កម្ពុជា​មាន​ចំនួន​តែ​ជាង​១៤,៧លាន​នាក់​ប៉ុណ្ណោះ។ នេះ​បើ​តាម​ការ​ថ្លែង​ឲ្យ​ដឹង​របស់​លោក សូរ ឃុន រដ្ឋមន្រ្តី​ក្រសួង​ប្រៃសណីយ៍ និង​ទូរគមនាគមន៍។ បើ​តាម​លោក សូរ ឃុន នៅ​ប្រទេស​កម្ពុជា​បច្ចុប្បន្ន​មាន​ក្រុមហ៊ុន​ទូរស័ព្ទ​កំពុង​ប្រតិបត្តិការ​ចំនួន​៨។ ហើយ​សេវា​ទូរស័ព្ទ​អចល័ត​បាន​គ្រប​ដណ្តប់​ប្រមាណ​៨០ភាគរយ​នៃ​ផ្ទៃប្រទេស។ ចំពោះ​ការ​រីក​ចម្រើន​នៃ​វិស័យ​ទូរគមនាគមន៍​ក្នុង​ប្រទេស​កម្ពុជា​នេះ លោក កែវ វុឌ្ឍិន រដ្ឋលេខាធិការ​ក្រសួង​ប្រៃសណីយ៍​បាន​ឲ្យ​ដឹង​ថា ក្នុង​រយៈ​ពេល​១១ខែ​ឆ្នាំ​២០១២​នេះ ក្រសួង​ប្រៃសណីយ៍​រក​ចំណូល​បាន​២០,៥លាន​ដុល្លារ​អាមេរិក លើស​ផែន​ការ​កំណត់​ដែល​ត្រឹម​១៧,៥​លាន​ដុល្លារ​អាមេរិក​ប៉ុណ្ណោះ។ គួរ​បញ្ជាក់​ថា បើ​តាម​គម្រោង រដ្ឋាភិបាល​គ្រោង​នឹង​ចុះ​បញ្ជី​ក្រុមហ៊ុន​ទូរគមនាគមន៍​កម្ពុជា​ទៅ​ក្នុង​ផ្សារ​ភាគ​ហ៊ុន។ ប៉ុន្តែ​បើ​តាម​លោក សូរ ឃុន ពេល​វេលា​ជាក់​លាក់ នៃ​ការ​ចូល​ទី​ផ្សារ​ភាគ​ហ៊ុន​របស់​ក្រុមហ៊ុន​ទូរគមនាគមន៍​កម្ពុជា​នៅ​មិន​ទាន់​ជាក់​លាក់​នៅ​ឡើយ​ទេ ព្រោះ​កំពុង​ស្ថិត​ក្នុង​ការ​វាយ​តម្លៃ​ទ្រព្យ​សម្បត្តិ៕

     
  • សុខភាព ៖ តន្ត្រី​អាច​ជួយ​ដល់​អ្នកជំងឺ​

    សុខភាព ៖ តន្ត្រី​អាច​ជួយ​ដល់​អ្នកជំងឺ​

    តាម​ការសិក្សា​ចុងក្រោយ​នៅ​ចក្រភព​អង់គ្លេស​បានបង្ហាញ​ថា ការ​ចាក់​តន្ត្រី​ឲ្យ​អ្នកជំងឺ​កំពុង​ព្យាបាល​នៅ​មន្ទីរពេទ្យ​ស្តាប់​វា​អាច​ជួយ​ឲ្យ​ពួកគេ​ដកដង្ហើម​កាន់តែ​ងាយស្រួល ។​ ក្រុម ​អ្នក​ជំនាញ​នៅ​បណ្ណាល័យ​ខូ​ក្រេ​នី​បាន​ថ្លែងថា តន្ត្រី​អាច​មាន​ប្រសិទ្ធ​ភាព​ល្អ ជា​ឱសថ​ដើម្បី​ធ្វើ​ឲ្យ​អ្នកជំងឺ​បាន​ធូរ​ស្រាកស្រាន្ត ក្នុង​អំឡុង​ពេល​អ្នកជំងឺ​ធ្ងន់​កំពុង​បញ្ចូល​ខ្យល់​ដកដង្ហើម។ អ្នកជំងឺ​ធ្ងន់ធ្ងរ​ជាង ២០០ នាក់ ដែល​បាន​ស្តាប់​តន្ត្រី​អាច​កាត់បន្ថយ នូវ​អារម្មណ៍​អន្ទះអន្ទែង​សម្រួល​ចង្វាក់​ដង្ហើម និង​បេះដូង។​ ក្រុម ​វេជ្ជបណ្ឌិត​បាន​គាំទ្រ​ការចាក់​តន្ត្រីបុរាណ​បែប​បស្ចិមប្រទេស ដូចជា តន្ត្រី​ព្យា​ណូ ឬក៏​បទ​ភ្លេង​ណា​ដែល​ស្រទន់​ស្រួល​ស្តាប់ ព្រោះ​តន្ត្រី​អាចជួយ​សម្រួល​អារម្មណ៍​របស់​អ្នកជំងឺ ដែល​ស្ថិតក្នុង​សភាព​ធ្ងន់ធ្ងរ។ ការ​ជ្រើសរើស​ប្រភេទ​តន្ត្រី​ខុស​ក៏​អាច​ធ្វើ​ឲ្យ​រំជួលចិត្ត​អ្នកជំងឺ និង​អាច​ធ្វើ​ឲ្យ​ពួកគេ​បង្កើន​អារម្មណ៍​តានតឹង​កាន់តែ​ខ្លាំង​ឡើង​ផង​ដែរ៕ (ប្រភព http://health.cen.com.kh)