Free Wordpress Themes Wordpress Templates Discount Codes How To Start a Blog Best Wordpress Hosting Best Wordpress Themes 2013 Best Wordpress Themes Premium Themes Wordpress Premium Themes Best Wordpress Deal

Archive for December 21st, 2012

  • សាលាក្តី​ខ្មែរ​ក្រហម​កំពុង​ប្រឈម​ខ្លាំង​ចំពោះ​កង្វះ​ថវិកា

    សាលាក្តី​ខ្មែរ​ក្រហម​កំពុង​ប្រឈម​ខ្លាំង​ចំពោះ​កង្វះ​ថវិកា

    អង្គជំនុំ​ជម្រះ​វិសាមញ្ញ​ក្នុង​តុលាការ​កម្ពុជា ឬ​សាលាក្តី​ខ្មែរ​ក្រហម បាន​ប្រកាស​ជា​ផ្លូវ​ការ​នៅ​ថ្ងៃ​សុក្រ​នេះ​ថា ខ្លួន​កំពុង​ជួប​បញ្ហា​កង្វះ​សាច់​ប្រាក់​ដ៏​ធ្ងន់ធ្ងរ​មួយ ពោល​គឺ​កង្វះ​សាច់​ប្រាក់​សម្រាប់​បើក​ប្រាក់​ខែ​ដល់​បុគ្គលិក​ជាតិ​ចាប់​ពី​អ្នក​បើកបរ រហូត​ដល់​ព្រះរាជ​អាជ្ញា ចៅក្រម គិត​ចាប់​ពី​ខែ​ធ្នូ ឆ្នាំ​២០១២​នេះ​តទៅ។ លោក ក្រាញ់ តូនី ប្រធាន​ការិយាល័យ​រដ្ឋបាល​ស្តីទី នៃ​សាលាក្តី​ខ្មែរ​ក្រហម បាន​ធ្វើ​ការ​បញ្ជាក់​នៅ​ក្នុង​កិច្ច​ប្រជុំ​​មួយ​​នា​ថ្ងៃទី២១ ខែ​ធ្នូ ឆ្នាំ​២០១២​នេះ​ថា ភាគី​ជាតិ​អាច​នឹង​ជួប​ប្រទះ​​បញ្ហា​សាច់​ប្រាក់​ដើម្បី​បើក​ប្រាក់​ខែ​​ដល់​បុគ្គលិក​សម្រាប់​ខែ​ធ្នូ​នេះ ព្រោះ​ផ្នែក​ថវិកា និង​ហិរញ្ញវត្ថុ​កំពុង​ធ្វើ​ការងារ​ជាមួយ​ម្ចាស់​ជំនួយ និង​អ្នក​គ្រប់​គ្រង​ថវិកា ដើម្បី​ទទួល​បាន​ថវិកា​ដែល​នៅ​សល់​ប្រមាណ​៣សែន​ដុល្លារ​អាមេរិក​​ដែល​ស្ថិត​នៅ​ក្នុង​គម្រោង​គាំទ្រ​ដោយ​សហភាព​អឺរ៉ុប។ ដោយ​ឡែក​ចំពោះ​គម្រោង​ថវិកា​ឆ្នាំ​២០១៣ លោក ក្រាញ់ តូនី បាន​ឲ្យ​ដឹង​ថា ភាគី​ជាតិ​ត្រូវ​ការ​ថវិកា​ចំនួន ៩,៥លាន​ដុល្លារ​អាមេរិក។ ប៉ុន្តែ​ខុស​ប្លែក​ពី​ឆ្នាំ​មុនៗ រហូត​មក​ទល់​ពេល​នេះ មិន​ទាន់​មាន​ការ​សន្យា​ជាក់​លាក់​ណាមួយ​ពី​ប្រទេស​ម្ចាស់​ជំនួយ​ដល់​ភាគី​ជាតិ នៃ​សាលាក្តី​ខ្មែរ​ក្រហម​នៅ​ឡើយ​ទេ លើក​លែង​តែ​ការ​សន្យា​ដែល​មាន​រួច​ហើយ​ចំនួន​២,៥លាន​ដុល្លារ ដែល​ក្នុង​នោះ​រដ្ឋាភិបាល​កម្ពុជា​១,៨លាន​ដុល្លារ និង​រដ្ឋាភិបាល​អាឡឺម៉ង់​៧សែន​ដុល្លារ។ បើ​តាម​លោក ក្រាញ់ តូនី សម្រាប់​ឆ្នាំ​២០១៣​ខាង​មុខ បុគ្គលិក​​ទាំង​អស់​របស់​សាលាក្តី​ខ្មែរ​ក្រហម​អាច​ប្រឈម​នឹង​ការ​មិន​ទទួល​បាន​ប្រាក់​ខែ​ចាប់​ពី​ខែ​មករា ឆ្នាំ​២០១៣​តទៅ រហូត​ដល់​មាន​ការ​ផ្តល់​វិភាគ​ទាន​ថ្មី​នា​ពេល​ខាង​មុខ។ គួរ​បញ្ជាក់​ថា ប្រភព​ថវិកា​សំខាន់​សម្រាប់​សាលាក្តី​កាត់​ទោស​អតីត​មេដឹកនាំ​ខ្មែរ​ក្រហម គឺ​បាន​មក​ពី​ថវិកា​បដិភាគ​របស់​រដ្ឋាភិបាល​កម្ពុជា និង​ថវិកា​ស្ម័គ្រ​ចិត្ត​ពី​ប្រទេស​ជា​មិត្ត ដែល​មាន​ដូច​ជា ជប៉ុន សហភាព​អឺរ៉ុប […]

     
  • ឧប​នាយក​​រដ្ឋ​​មន្រ្តី​​យឹម​ ឆៃ​​លី​ ​បញ្ចេញ​កណ្តាប់​ដៃ​​ដែក​​បង្រ្កាប​​បទ​​ល្មើស​​នេ​សាទ​​ខុស​​ច្បាប់​

    ឧប​នាយក​​រដ្ឋ​​មន្រ្តី​​យឹម​ ឆៃ​​លី​ ​បញ្ចេញ​កណ្តាប់​ដៃ​​ដែក​​បង្រ្កាប​​បទ​​ល្មើស​​នេ​សាទ​​ខុស​​ច្បាប់​

    ការ​​នេ​​សាទ​​ទ្រង់​​ទ្រាយ​​ធំ​​យ៉ាង​​អនា​​ធិប​​តេយ្យ​​ដោយ​​ក្រុម​​ឈ្មួញ​​ទុច្ខ​រិត​​ ​ដែល​​អាង​​ខ្នង​​អ្នក​មាន​​អំណាច​​ កំពុង​​​ត្រូវ​បាន​​​បង្រ្កាប​​តាម​​រយៈ​​អនុ​​សាសន៍​​របស់​​ឧប​​នាយក​​រដ្ឋ​​មន្រ្តី​​ យឺម​​ ​ឆៃលី​​ ​ប្រធាន​​ក្រុម​​ប្រឹក្សា​​ស្តារ​​និង​​អភិ​វឌ្ឍន៍​​​វិស័យ​​កសិកម្ម​​ ​និង​​ជន​​បទ​​ ​​។​ ​កាល​​ពី​​ថ្ងៃ​​១៨​​ធ្នូ​​ លោក​​ណៅ​​ ​​ធួក​​ ​ប្រធាន​​​រដ្ឋ​​​បាល​​​ជល​​​ផល​​​ ​​​និង​​​លោក​​​ប៉ោ​​ ​​ទី្រ​​ រដ្ឋ​​លេខា​​ធិការ​​ក្រ​សួង​​កសិ​កម្ម​​  បាន​​ចុះ​​ត្រួត​​ពិនិត្យ​​ការ​​ធ្វើ​​អធិការ​​កិច្ច​​លើ​​បង្រ្កាប​​បទ​​ល្មើស​​នេ​​សាទ​​នៅ​​ខេត្ត​​កំពង់​​ចាម​​។​​ ​មន្រ្តី​​រដ្ឋ​​បាល​​ជល​​ផល​ ​បាន​​អោយ​​ដឹង​​ថា​ ការ​​​ចុះ​​​ធ្វើ​​​អធិ​ការ​​​កិច្ច​​​ការបង្រ្កាប​​បទ​​​​ល្មើស​​​នេ​​​សាទ​​​នេះ​ធ្វើ​​​​ឡើង​​​នៅ​​​តាម​​​ចំណុច​​​សំខាន់​​ៗ​​ក្នុង​​ភូមិ​​សាស្ត្រ​​ខេត្ត​​​កំពង់​ចាម​​​​ ​​មាន​​ជា​​អាទិ័​​ ចំណុច​​បឹង​​បាក់​​រទេះ​​ ​​ស្ថិត​​ក្នុង​​ភូមិ​​អូរ​​ស្វាយ​​ ឃុំ​ព្រែក​កុយ​ ​ស្រុក​កង​មាស​ ​ឃុំ​រាំង​ជ្រៃ​ ​ឃុំ​ច្បារ​អំពៅ​ ​ស្រុក​បា​ធាយ​ ។ មន្ត្រី​​ដដែល​​បាន​​អោយ​​ដឹង​​ថា​​ ​​លទ្ធ​​ផល​​ក្នុង​​ការ​​បង្ក្រាប​​បាន​​នៅ​​ក្នង​​ដំណើរ​​ធ្វើ​​អធិការ​​កិច្ច​​លើ​​អធិការ​​កិច្ច​​នេះ​គឺគេបានរឹបអូស​នូវ​ឡូ​​ស្បៃ​​មុង​​​១០​​ឡូត៍​ ​ប្រវែង​​៥០០​​ម៉ែត្រ​​ អួន​​ស្បៃ​​មុង​​មួយ​​គ្រឿង​​ ​ប្រវែង​​១០០​​ម៉ែត្រ​​ របាំង​​ត្រចៀក​​ដំរី​​៣​​កន្លែង​ ​ប្រវែង​​៣០​​ម៉ែត្រ​​ ​។ ​លើស​ពី​នេះ ប្រតិ​ភូ​ពិនិត្យ​អធិការ​កិច្ច​បាន​បញ្ជា​អោយ​ចាក់​​​ត្រី​​​ចំរុះ​​​ ទម្ងន់​​៥០​​​គីឡូ​ក្រាម​​ទៅ​​​ក្នុង​​អាង​​​ធម្ម​​ជាតិ​​​ និង​​​​ចាប់​​​បាន​​ជន​​ល្មើស​​ចំនួន​​​១​នាក់​​ដើម្បី​​យក​​ទៅ​​អប់រំ​​ណែ​​នាំ​​ ​។​ ក្រុម​​ត្រួត​​ពិនិត្យ​​អធិការ​​កិច្ច​​នេះ​​ក៏​​បាន​​ចុះ​​ទៅ​​តាម​​បណ្តា​​ចំណុច​​គោល​​ដៅ​​ត្រួត​​ពិនិត្យ​​មួយ​​ចំនួន​​ទៀត​​ ​​ដូច​ជា​​នៅ​​ស្រុក​​កោះ​​ធំ​ ​​ខេត្ត​​កណ្តាល​​ ​​ជា​​ដើម​​ ​​។ ​នេះ​​បើ​យោង​​តាម​​មន្រ្តី​​នៃ​​ក្រុម​​ប្រឹក្សា​​ស្តារ​​ ​និង​​អភិវឌ្ឍន៍​​វិស័យ​​កសិ​កម្ម​​ ​និង​​ជន​​បទ​​ ​​។​​ នេះ​គឺ​ជា​ការ​កត់​សម្គាល់​លើក​ដំបូង​ទៅ​លើ​ចំណាត់​ការ​ដ៏​ម៉ឺង​ម៉ាត់​របស់​ប្រធាន​ក្រុម​ប្រឹក្សា​ដែល​គ្រប់​គ្រង​ក្រសួង​ចំនូន​៦​ […]

     
  • ការផ្សាយប្រចាំថ្ងៃសុក្រ ទី២១ ខែធ្នូ ឆ្នាំ២០១២

    Play
     
  • ស្រ្តី​សកម្មជន​ដីធ្លី​ចំនួន​២រូប​ត្រូវ​បាន​ចង​ក្រង​ជា​ប្រវត្តិ​សង្ខេប

    ស្រ្តី​សកម្មជន​ដីធ្លី​ចំនួន​២រូប​ត្រូវ​បាន​ចង​ក្រង​ជា​ប្រវត្តិ​សង្ខេប

    ស្រ្តី​ជា​សកម្មជន​ដីធ្លី​ចំនួន​២រូប​ដែល​កំពុង​ជាប់​ពន្ធនាគារ​ព្រៃស គឺ​អ្នកស្រី យ៉ោម បុប្ឆា នៃ​តំបន់​បឹងកក់ និង​អ្នកស្រី ទឹម សាក់មុនី នៃ​តំបន់​បុរីកីឡា ហើយ​ដែល​ត្រូវ​បាន​ផ្តល់​នាម​ជា​អ្នក​ទោស​មនសិការ​ដោយ​អង្គការ​លើក​លែង​ទោស​អន្តរជាតិ ត្រូវ​បាន​អង្គការ​លីកាដូ​ចង​ក្រង​ជា​ប្រវត្តិសង្ខេប​ និងធ្វើ​ការ​ផ្សព្វផ្សាយ​នៅ​ថ្ងៃ​នេះ ខណៈ​ដែល​តុលាការ​នឹង​ធ្វើ​ការ​កាត់​ទោស​ពួក​គេ​នៅ​សប្តាហ៍​ក្រោយ។ អ្នកស្រី យ៉ោម បុប្ឆា អាយុ​២៩ឆ្នាំ ដែល​ត្រូវ​ចាប់​ខ្លួន​កាល​ពី​ថ្ងៃទី០៤ ខែ​កញ្ញា ឆ្នាំ​២០១២ ត្រូវ​បាន​រៀបរាប់​ក្នុង​របាយ​ការណ៍​ថា គឺ​ជា​សកម្មជន​ដីធ្លី​ម្នាក់​ដែល​ពូកែ​និយាយ ហើយ​ជា​បុគ្គល​សំខាន់​នៅ​ក្នុង​យុទ្ធនាការ​ដ៏​យូរ​អង្វែង​របស់​សហគមន៍​បឹងកក់ ដើម្បី​ប្រឆាំង​នឹង​ការ​បណ្តេញ​ចេញ​ដោយ​បង្ខំ។ អ្នកស្រី​ត្រូវ​បាន​គេ​ដាក់​ឲ្យ​ជាប់​ពាក់​ព័ន្ធ​នឹង​បទ​ល្មើស​វាយ​បុគ្គល ដែល​ត្រូវ​បាន​សង្ស័យ​ថា ជា​ចោរ​លួច​ជំនួស​វិញ ដោយ​យោង​តាម​មាត្រា​២១៨ នៃ​ក្រម​ព្រហ្មទណ្ឌ។ ចំណែក​អ្នកស្រី ទឹម សាក់មុន្នី អាយុ​៦៤ឆ្នាំ ​ត្រូវ​បាន​ចាប់​ខ្លួន​កាល​ពី​ថ្ងៃទី០៥ ខែ​កញ្ញា ឆ្នាំ​២០១២ បន្ទាប់​ពី​អ្នកស្រី យ៉ោម បុប្ឆា ក៏​ត្រូវ​រៀបរាប់​ក្នុង​របាយ​ការណ៍​ដែល​ថា គឺ​ជា​អ្នក​តំណាង​ដ៏​លេច​ធ្លោ​ម្នាក់ នៃ​សហគមន៍​បុរីកីឡា​នៅ​ក្នុង​ជម្លោះ​ដីធ្លី​ដ៏​រ៉ាំរ៉ៃ​ជាមួយ​ក្រុមហ៊ុន​ផាន​អ៊ីម៉ិច។ អ្នកស្រី​ត្រូវ​បាន​ចាប់​ខ្លួន​ក្រោម​បណ្តឹង​របស់​អ្នកស្រី ស៊ុយ សុផាន ប្រធាន​ក្រុមហ៊ុន​ផាន​អ៊ីម៉ិច ក្រោយ​ពី​អ្នកស្រី​បាន​បដិសេធ​មិន​ទទួល​យក​សំណង​ជា​លុយ​ចំនួន​១ពាន់​ដុល្លារ និង​កូន​ផ្ទះ​តូច​មួយ​នៅ​តំបន់​ទីលំនៅ​ថ្មី​ទួល​សំបូរ ចម្ងាយ​២៥គីឡូម៉ែត្រ​ពី​រាជធានី​ភ្នំពេញ បន្ទាប់​ពី​ក្រុមហ៊ុន​បាន​បង្ខំ​បណ្តេញ​ក្រុម​គ្រួសារ​អ្នកស្រី​ចេញ​ពី​ផ្ទះ​នៅ​តំបន់​បុរីកីឡា […]

     
  • លោក ហ៊ុន សែន ផ្ញើ​សារ​អបអរ​​ប្រធានាធិបតី​កូរ៉េ​ខាង​ត្បូង​ដែល​ទើប​ជាប់​ឆ្នោត​ថ្មី

    លោក ហ៊ុន សែន ផ្ញើ​សារ​អបអរ​​ប្រធានាធិបតី​កូរ៉េ​ខាង​ត្បូង​ដែល​ទើប​ជាប់​ឆ្នោត​ថ្មី

    លោក​នាយក​រដ្ឋមន្រ្តី​ខ្មែរ ហ៊ុន សែន កាល​ពី​ថ្ងៃ​ម្សិលមិញ បាន​ផ្ញើ​សារ​អបអរ​មួយ​ទៅ​កាន់​លោកស្រី Park Geun-hye ដែល​ទើប​ជាប់​ឆ្នោត​ជា​ប្រធានាធិបតី​ថ្មី​របស់​ប្រទេស​កូរ៉េ​ខាង​ត្បូង។ សារ​របស់​លោក ហ៊ុន សែន ចុះ​ថ្ងៃទី២០ ខែ​ធ្នូ ឆ្នាំ​២០១២ បាន​សរសេរ​ថា «តាង​នាម​រាជរដ្ឋាភិបាល និង​ប្រជាជន​កម្ពុជា ខ្ញុំ​មាន​សេចក្តី​សោមនស្ស​រីករាយ​យ៉ាង​ក្រៃលែង សូម​សម្តែង​នូវ​អំណរ​សាទរ​យ៉ាង​កក់ក្តៅ​បំផុត​ជូន​ចំពោះ​លោក​ជំទាវ ក្នុង​ឱកាស​ដ៏​រីករាយ ដែល​លោក​ជំទាវ​បាន​ទទួល​ជោគ​ជ័យ​ក្នុង​ការ​បោះឆ្នោត… ដោយ​ដណ្តើម​បាន​នូវ​ការ​គាំទ្រ​ពី​ប្រជាជន​សម្រាប់​ដឹកនាំ​ប្រទេស​ក្នុង​ឋានៈ​ជា​ប្រធានាធិបតី​ជា​ស្រ្តី​ភេទ​លើក​ទី​មួយ នៃ​សាធារណរដ្ឋ​កូរ៉េ»។ «ខ្ញុំ​ជឿជាក់​យ៉ាង​មុត​មាំ​ថា ក្រោម​ការ​ដឹកនាំ​ដ៏​ឈ្លាស​វៃ​របស់​លោក​ជំទាវ ទំនាក់​ទំនង​មិត្តភាព​ដ៏​វិសេស​វិសាល និង​កិច្ច​សហ​ប្រតិបត្តិការ​ប្រកប​ដោយ​ផ្លែ​ផ្កា​រវាង​ព្រះរាជាណាចក្រ​កម្ពុជា និង​សាធារណរដ្ឋ​កូរ៉េ ពិត​ជា​ត្រូវ​បាន​បន្ត​ពង្រឹង និង​ពង្រីក​ថែម​ទៀត ដើម្បី​ជា​ផល​ប្រយោជន៍​ទៅ​វិញ​ទៅ​មក​សម្រាប់​ប្រជាជន​យើង​ទាំង​ពីរ»។ លោក ហ៊ុន សែន បាន​បន្ត​ថា «ខ្ញុំ​សង្ឃឹម​ថា នឹង​ធ្វើ​ការងារ​យ៉ាង​ជិត​ស្និត​ជា​មួយ​លោក​ជំទាវ ដើម្បី​ធ្វើ​ឲ្យ​ចំណង​ទាក់ទង​រវាង​ប្រជាជន​យើង​កាន់​តែ​មាន​ភាព​ស្អិត​រមួត និង​ជំរុញ​កិច្ច​សហប្រតិបត្តិ​ការ​រវាង​ប្រទេស​យើង​ទាំង​ពីរ​ឲ្យ​កាន់​តែ​មាន​ការ​រីក​ចំរើន​កាន់​តែ​ខ្លាំងក្លា​ថែម​ទៀត​លើ​គ្រប់​វិស័យ​ទាំង​អស់»។ គួរ​បញ្ជាក់​ថា លោកស្រី Park Geun-hye អាយុ​៦០ឆ្នាំ​កូនស្រី​អតីត​មេដឹកនាំ​ផ្តាច់​ការ​កូរ៉េ​ខាង​ត្បូង ផាក ជុងហេ មក​ពី​គណបក្ស​អភិរក្ស​និយម បាន​ឈ្នះ​ការ​បោះឆ្នោត​ប្រធានាធិបតី​កាល​ពី​ថ្ងៃពុធ ក្នុង​សំឡេង​ឆ្នោត​៩៤,៥​ភាគរយ ខណៈ​ដែល​គូ​ប្រជែង​របស់​អ្នកស្រី​មក​ពី​គណបក្ស​បង្រួបបង្រួម​ដើម្បី​ប្រជាធិបតេយ្យ​បាន​ទទួល​សំឡេង​គាំទ្រ​ត្រឹម​៤៧,៩​ភាគ​រយ​នោះ៕

     
  • មជ្ឈមណ្ឌល​សិទ្ធិ​មនុស្ស​កម្ពុជា​អំពាវនាវ​ឲ្យ​ប្រទេស​ជប៉ុន​និយាយ​ថែម​ទៀត​ពី​បញ្ហា​សិទ្ធិ​មនុស្ស និង​លទ្ធិ​ប្រជាធិបតេយ្យ​នៅ​កម្ពុជា

    មជ្ឈមណ្ឌល​សិទ្ធិ​មនុស្ស​កម្ពុជា​អំពាវនាវ​ឲ្យ​ប្រទេស​ជប៉ុន​និយាយ​ថែម​ទៀត​ពី​បញ្ហា​សិទ្ធិ​មនុស្ស និង​លទ្ធិ​ប្រជាធិបតេយ្យ​នៅ​កម្ពុជា

    មជ្ឈមណ្ឌល​សិទ្ធិ​មនុស្ស​កម្ពុជា​នៅ​ថ្ងៃ​សុក្រ​នេះ បាន​ធ្វើ​ការអំពាវនាវ​មួយ​ដល់​នាយក​រដ្ឋមន្រ្តី​ជប៉ុន ដែល​ទើប​នឹង​ជាប់​ឆ្នោត​ថ្មី​គឺ​លោក ហ្ស៊ីនហ្សូ អាបេ ឲ្យ​និយាយ​ថែម​ទៀត​ពី​បញ្ហា​សិទ្ធិ​មនុស្ស និង​លទ្ធិ​ប្រជាធិបតេយ្យ​នៅ​ក្នុង​ប្រទេស​កម្ពុជា ខណៈ​ប្រទេស​នេះ​គឺ​ជា​ម្ចាស់​ជនួយ​ធំ​មួយ​របស់​ប្រទេស​កម្ពុជា​នោះ។ ក្នុង​សេចក្តី​ថ្លែង​ការណ៍​ចុះ​ថ្ងៃទី២១ ខែ​ធ្នូ ឆ្នាំ​២០១២ មជ្ឈមណ្ឌល​សិទ្ធិ​មនុស្ស​កម្ពុជា​បាន​លើក​ឡើង​ថា ប្រទេស​ជប៉ុន​បាន​ដើរ​តួនាទី​ដ៏​សំខាន់​ជា​យូរ​ណាស់​មក​ហើយ​ក្នុង​ការ​ផ្តល់​នូវ​មូលនិធិ​ដល់​កម្ពុជា ទោះ​ជា​ប្រទេស​ជប៉ុន​ពុំ​សូវ​មាន​កំណត់​ត្រា​ល្អ​ក្នុង​លើក​ឡើង​ពី​បញ្ហា​សិទ្ធិ​មនុស្ស និង​លទ្ធិ​ប្រជាធិបតេយ្យ​ក្តី។ មជ្ឈមណ្ឌល​សិទ្ធិ​មនុស្ស​កម្ពុជា​បាន​បន្ត​ថា ប្រសិន​ជា​ប្រទេស​ជប៉ុន​បន្ត​ផ្តល់​ជំនួយ​ដែល «ពុំ​មាន​ភ្ជាប់​ចំណង» និយាយ​ម្យ៉ាង​ទៀត ការ​អនុវត្តន៍​តាម​គំរូ​របស់​ប្រទេស​ចិន​នោះ មិន​ត្រឹម​តែ​សិទ្ធិ​មនុស្ស​នឹង​ត្រូវ​បាន​បន្ត​រំលោភ​បំពាន​នោះ​ទេ តែ​ជំនួយ​ទាំង​នោះ ក៏​នឹង​បង្កើត និង​បណ្តុះ​ឲ្យ​មាន​វប្បធម៌​ពឹង​ផ្អែក​ប្រទេស​ដទៃ​ទាំង​ស្រុង។ តែ​ផ្ទុយ​ទៅ​វិញ ប្រសិន​បើ​ប្រទេស​ជប៉ុន​អាច​ដាក់​សម្ពាធ​ជាក់​លាក់​លើ​រាជរដ្ឋាភិបាល​កម្ពុជា ដើម្បី​អភិវឌ្ឍ និង​ពង្រឹង​នីតិរដ្ឋ​ក្នុង​ប្រទេស​កម្ពុជា ហើយ​បើ​ប្រទេស​ជប៉ុន​ដាក់​លក្ខខណ្ឌ​លើ​ជំនួយ និង​វិនិយោគទុន នៅ​គ្រា​ដែល​ខ្លួន​មាន​សិទ្ធិ​ធ្វើ​យ៉ាង​ដូច្នោះ នោះ​បញ្ហា​នេះ​នឹង​មិន​ត្រឹម​តែ​បម្រើ​ឲ្យ​ប្រជាពលរដ្ឋ​ខ្មែរ​ប៉ុណ្ណោះ​ទេ តែ​ថែម​ទាំង​បម្រើ​ឲ្យ​ធុរកិច្ច​ទាំង​ឡាយ​របស់​ជប៉ុន ដែល​សង្ឃឹម​ថា នឹង​វិនិយោគ​នៅ​ប្រទេស​កម្ពុជា​ផង​ដែរ។ លោក អ៊ូ វីរៈ ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា​បាន​និយាយ​នៅ​ក្នុង​សេចក្តី​ថ្លែង​ការណ៍​ថា «ប្រទេស​ជប៉ុន​មិន​ត្រូវ​ខ្លាច​ក្នុង​ការ​លើក​ឡើង​ប្រឆាំង​នឹង​ការ​រំលោភ​បំពាន​សិទ្ធិ​មនុស្ស​ជា​ច្រើន ដែល​កំពុង​តែ​កើត​មាន​ឡើង​ក្នុង​ប្រទេស​កម្ពុជា​ជា​ប្រចាំ​នោះ​ទេ។ ក្នុង​នាម​ជា​មិត្ត និង​សម្ព័ន្ធ​មិត្ត​អស់​ជា​ច្រើន​ទស្សវត្សរ៍​មក​ហើយ​នោះ ប្រជាពលរដ្ឋ​ខ្មែរ​ទន្ទឹង​មើល​ប្រទេស​ជប៉ុន ដូច​ជា​ភ្លើង​សញ្ញា​នៃ​ការ​គោរព​សិទ្ធិ​មនុស្ស និង​លទ្ធិ​ប្រជាធិបតេយ្យ…»។ «ប្រទេស​ជប៉ុន​មិន​ត្រូវ​ឲ្យ​កម្ពុជា​ធ្លាក់​ថម​ថយ​នោះ​ទេ និង​គួរ​តែ​ចាប់​ផ្តើម​ប្រើ​នូវ​អនុភាព​របស់​ខ្លួន ក្នុង​ការ​ជួយ​ជម្រុញ​ការ​អភិវឌ្ឍន៍​នៅ​កម្ពុជា»៕

     
  • ប្រធាន​សហព័ន្ធ​នាំ​អង្គរ​ចេញ​​កម្ពុជា​​លោក គឹម សាវុធ បាន​​ថ្លែង​ថា​ មូល​ហេតុ​ដែល​នាំ​ឲ្យ​ស្រូវ​របស់ប្អូន​ប្រជាកសិករធ្លាក់ថ្លៃ គឺ​ដោយ​សារតែ​រដូវប្រមូលផលស្រូវ ចាប់ផ្តើមទូទាំងប្រទេស។

     
  • កិច្ច​សន្ទនា​នយោបាយ ៖ អំពើ​ពុករលួយ​ក្នុង​ការ​ធ្វើ​លិខិត​ឆ្លង​ដែន

    កិច្ច​សន្ទនា​នយោបាយ ៖ អំពើ​ពុករលួយ​ក្នុង​ការ​ធ្វើ​លិខិត​ឆ្លង​ដែន

    បច្ចុប្បន្ន​នេះ​ប្រជាជន​ខ្មែរ​ប្រមាណ​ជាង​២០% កំពុង​បន្ត​រស់នៅ​ក្រោម​បន្ទាត់​នៃ​ភាពក្រីក្រ​នៅឡើយ ហើយ​ក្រៅពីនោះ​ពលរដ្ឋ​ភាគច្រើន​មាន​ចំណូល​តិចតួច​ប៉ុណ្ណោះ។ ប៉ុន្តែ​បើ​និយាយ​ពី​ការធ្វើ​លិខិត​ឆ្លងដែន​នៅ​កម្ពុជា​វិញ គឺ​មាន​តម្លៃ​ខ្ពស់​បើ​ប្រៀបធៀប​ទៅ​នឹង​ប្រទេស​ជឿនលឿន​ផ្សេង​ទៀត។ ក្រុម​អ្នក​សេដ្ឋកិច្ច​បាន​និយាយ​ថា ការ​ធ្វើ​លិខិតឆ្លងដែន​ក្នុង​តម្លៃ​ថោក​ ឬ​ក្នុង​តម្លៃ​សមរម្យ​នឹង​អាច​ចូលរួម​កាត់បន្ថយ​ភាព​ក្រីក្រ​ និង​អាច​កាត់​បន្ថយ​ការ​ឆ្លង​ដែន​ខុសច្បាប់​របស់​ប្រជាពលរដ្ឋ​ខ្មែរ​បាន។ សូម​ស្តាប់​កិច្ច​សន្ទនា​រវាង​លោក ចាន់ សុវ៉េត មន្ត្រី​អង្គការ​អាដហុក​ និង​លោក យូ សារ៉ាវុឌ្ឍ អំពី​បញ្ហា​នេះ​ដូច​តទៅ៖

    Play
     
  • ឈ្មួញ​ថា ស្រូវធ្លាក់​ថ្លៃ​មកពី​រដូវ​ប្រមូល​ផល ហើយ​កសិករ​ប្រមូល​​បាន​ផលច្រើន​

    ឈ្មួញ​ថា ស្រូវធ្លាក់​ថ្លៃ​មកពី​រដូវ​ប្រមូល​ផល ហើយ​កសិករ​ប្រមូល​​បាន​ផលច្រើន​

    ជាការ​ឆ្លើយ​តប​​ចំពោះពាក្យ​ត្អូញ​ត្អែ​រ​របស់​កសិករ ​ពី​តម្លៃស្រូវ​ធ្លាក់​នោះ​ ប្រធាន​សហព័ន្ធ​នាំ​អង្គរ​ចេញ​​កម្ពុជា​ដែលទើប​ជាប់ឆ្នោតថ្មី ​បាន​លើកឡើងថា​ គឺ​​បណ្ដាល​មក​ពី​​រដូវ​នេះ​​​ ជា​រដូវ​ប្រមូលផល ​ហើយ​​កសិករ ​ប្រមមូល​ផល​បាន​ច្រើន​។ លោក គឹម សាវុធ បាន​​ថ្លែងប្រាប់​​ក្រុម​អ្នករាយ​ការណ៏ព័ត៌​​មាន​​កាល​ពីម្សិលមិញ​ថា​ មូល​ហេតុ​ដែល​នាំ​ឲ្យ​ស្រូវ​របស់ប្អូន​ប្រជាកសិករធ្លាក់ថ្លៃ ក៏ដោយ​សារតែ​រដូវប្រមូលផលស្រូវ ចាប់ផ្តើមទូទាំងប្រទេស ដែល​ធ្វើ​ឲ្យប្រជាកសិករ​​ទទួលបានទិន្នផលដំណាលគ្នា ធ្វើ​ឲ្យ​ស្រូវចេញ លក់ពេញទីផ្សារ « វាជាទូទៅ ទៅហើយ ឲ្យ​តែ​ដល់​រដូវប្រមូលផល គឺ​វាតែងតែធ្លាក់ថ្លៃ បែបនេះ»។ គេ​នៅ​​ចាំ​បាន​ថា ​កាល​ពីប៉ុន្មាន​​ឆ្នាំ​​មុន​​លោក​ ចម ប្រសិទ្ធ​ រដ្ឋមន្ត្រីក្រសួងពាណិជ្ជកម្ម​ បាន​ធ្វើការ​ស្ដី​បន្ទោសកសិករ​ខ្មែរ​ ក្នុង​ស្ថាន​ភាព​​ដែល​កម្ពុជា​​មិន​អាច​នាំ​អង្ករ​​ទៅ​កាន់ទី​ផ្សារ​ក្រៅប្រទេសបាន​ គឺ​មក​ពី​កសិករ​​ខ្មែរ​​ប្រើ​ប្រាសពូជមិន​ត្រឹមត្រូវ​ ឬ ពូជ បន្លេមបន្លំ ពិបាក​កំណត់​ស្តង់ដារ​អង្ករ។ ប៉ុន្តែ​យ៉ាងណាក៏​ដោយ​​ក្រុម​មន្ត្រី​អង្គការ​ក្រៅ​រដ្ឋាភិបាល ​ដែលបំរើ​ការ​លើផ្នែក​កសិកម្ម​​បាន​​និយាយ​ថា ​ក្នុង​ស្ថាន​ភាព​​ដែល​ប្រទេសជិតខាង​​មាន ​វៀតណាម និង ថៃ ជាដើម គេ​ធ្វើស្រែតាម​បែប​វិទ្យាសាស្ត្រ​ទំនើប​ទៅ​​ហើយ តែ​ដោយ​ឡែក​​កសិករ​ខ្មែរ ​នៅ​​តែ​បន្តធ្វើស្រែតាម​យកថាកម្ម ពឹងមេឃ ពឹង​ផ្កាយ​នៅឡើយ ។​ដូច្នេះ​ចាំបាច់​ណាស់​​ដើម្បី​លើក​ទឹក​ចិត្ត​ជួយ​ទប់ស្កាត់​​​កុំឲ្យពួកគាត់​​បោះបង់​ដីស្រែ​ ដោយ​ទៅ​​ធ្វើ​ចំណាក​ស្រុក​ប្រថុយ​ប្រថាន​​ស្វែងរក​ការងារនៅ​ក្រៅប្រទេស […]

     
  • សុខភាព ៖ ការ​ពិត​របស់​ផ្លែ​ធូរេន​

    សុខភាព ៖ ការ​ពិត​របស់​ផ្លែ​ធូរេន​

    ធូ​រេន​គឺជា​ផ្លែ​ឈើ​ដែល​ផ្លែ​តាម​រដូវ​កាល​ជាពិសេស​ចាប់ពី​ខែមិថុនា ដល់​ខែ​សីហា ព្រមទាំង​ផ្លែ​ជួន​គ្នា​ជាមួយនឹង​ផ្លែឈើ​ក្នុង​តំបន់​ត្រូពិច​ផ្សេងៗ​ទៀត​ដែរ​ដូចជា ផ្លែស្វាយ និង​ផ្លែ​ខ្នុរ​។​ ​ផ្លែ​នេះ​មាន​លក្ខណៈ​ប្លែក​ពី​គេ​ត្រង់​មាន​ទំហំ​ធំ​, ក្លិន សម្បក​គួរអោយ​ភ័យខ្លាច​។ វា​អាច​មាន​ប្រវែង​បណ្តោយ​រហូតដល់ ៣០​សង់ទីម៉ែត្រ និង​កម្រាស់​មុខកាត់ ១៥​សង់ទីម៉ែត្រ ហើយ​ទម្ងន់​របស់​វា​ជាធម្មតា​ពី មួយ ទៅ​បួន​គីឡូក្រាម​។​ ​អត្ថប្រយោជន៍​ចំពោះ​សុខភាព​ – ផ្លែ​ធូរេន​មិន​ខុស​ពី​ផ្លែ ចេក​, ផ្លែ​ប័រ និង​ផ្លែ​ខ្នុរ​នោះទេ គឺ​សម្បូរ​សារធាតុ​ធ្វើអោយ​មាន​កម្លាំង​, ជាតិ​រ៉ែ និង​វីតាមីន​។ ផ្លែ​ធូរេន ១០០​ក្រាម​ផ្តល់​កាល់ឡូរី​រហូតដល់ ១៤៧​កាល់​ឡូរី​។​ – សាច់​របស់​វា​មាន​លក្ខណៈ​ទន់ ងាយស្រួល​ដល់​កា​រំលាយ​បាន​ទៅ​ជា​ជាតិ​ស្ករ​ប្រភេទ Fructose និង Sucrose សម្រាប់បំ​លែង​ទៅ​ជា​ថាមពល និង​ពង្រឹង​ដល់​សុខភាព​រាងកាយ​។ ទោះបីជា​វា​ផ្ទុក​ទៅដោយ​ជាតិ​ខ្លាញ់​ដ៏​ច្រើន វា​ក៏​មិន​មាន​ជាតិ​ខ្លាញ់​ប្រភេទ Saturated Fats និង​កូ​ឡេ​ស្តេ​រ៉ុល​ដែរ​។​ – ផ្លែ​ធូរេន​សម្បូរ​ទៅ​ដោយ​ជាតិ​សរសៃ សម្រាប់​ធ្វើ​អោយ​លាមក​ទន់​ល្អ​។ ជាតិ​សរសៃ​ជួយ​ការពារ​ភ្នាស់​សម្បោរ​ក្នុង​ពោះវៀនធំ​តាមរយៈ​ការកាត់បន្ថយ​ការប៉ះពាល់ និង​ការ​តោង​នៃ​សារធាតុបង្កមហារីក​ក្នុង​ពោះវៀនធំ​។​ – ធូ​រេន​គឺជា​ប្រភពដ៏​ល្អ​មួយ​នៃ​អង់​ទី​អុកស៊ី​ដង់​វីតាមីន C ។ ការ​ទទួលទាន​អាហារ​សម្បូរ​វីតាមីន […]