Daily Archive: Tuesday, August 19, 2014

មជ្ឈមណ្ឌល​សិទ្ធិ​មនុស្ស​កម្ពុជា​ថា បុគ្គលិក​របស់​ខ្លួន​ត្រូវ​គេ​គំរាម​កំហែង​នៅ​ខេត្ត​កោះកុង

មជ្ឈមណ្ឌល​សិទ្ធិ​មនុស្ស​កម្ពុជា (CCHR) បាន​ឲ្យ​ដឹង​នៅ​ថ្ងៃ​នេះ​ថា បុគ្គលិក​របស់​ខ្លួន​ត្រូវ​បាន​គេ​គំរាម​កំហែង ខណៈ​ចុះ​ទៅ​ប្រមូល​ឯកសារ​ស្តីពី​បញ្ហា​ដីធ្លី​នៅ​ខេត្ត​កោះកុង។ ក្នុង​សេចក្តី​ប្រកាស​ព័ត៌មាន​ចុះ​ថ្ងៃទី​១៨ ខែ​ធ្នូ ឆ្នាំ​២០១២​នេះ មជ្ឈមណ្ឌល​សិទ្ធិ​មនុស្ស​កម្ពុជា​បាន​សរសេរ​ថា កាល​ពី​ថ្ងៃទី​១៤ ខែ​ធ្នូ ឆ្នាំ​២០១២​កន្លង​ទៅ ក្រុម​ការងារ​របស់​មជ្ឈមណ្ឌល​សិទ្ធិ​មនុស្ស​កម្ពុជា​បាន​ធ្វើ​ដំណើរ​ទៅ​ដល់​ភូមិ​ព្រែកជីក ឃុំ​ជីខក្រោម ស្រុក​ស្រែ​អំបិល ខេត្ត​កោះកុង ដើម្បី​ប្រមូល​ព័ត៌មាន​អំពី​ជម្លោះ​ដីធ្លី​ពាក់​ព័ន្ធ​រវាង​ក្រុមហ៊ុន​ហេងហ៊ុយ អហ្រ្គីខលឈ័រ​គ្រុប និង​ប្រជាពលរដ្ឋ​នៅ​ក្នុង​ភូមិ​ព្រែកជិក។ ខណៈ​ដែល​ក្រុម​ការងារ​របស់​មជ្ឈមណ្ឌល​សិទ្ធិ​មនុស្ស​កម្ពុជា​កំពុង​ធ្វើ​ការ​ឃ្លាំមើល​សកម្មភាព​ឈូស​ឆាយ​ដី​ចំការ​ពី​សំណាក់​ក្រុមហ៊ុន ដែល​អ្នក​ភូមិ​អះអាង​ថា ក្រុមហ៊ុន​បាន​រិបអូស​យក ដោយ​ថត​រូប និង​វីដេអូ​នោះ មាន​មន្រ្តី​ប៉ូលិស​ប្រដាប់​អាវុធ​ម្នាក់​ក្នុង​ឯកសណ្ឋាន​បន្លំ​ជា​ទាហាន​បាន​មក​ឃ្លាំ​មើល​ពី​ចម្ងាយ។ សេចក្តី​ប្រកាស​ព័ត៌មាន​បាន​បន្ត​ថា បន្ទាប់​ពី​មន្រ្តី​ប៉ូលិស​នោះ​បង្ហាញ​ខ្លួន​បាន​បន្តិច ស្រាប់​តែ​មាន​តំណាង​ក្រុមហ៊ុន​ហេង​ហ៊ុយ​អហ្រ្គី​ខលឈ័រ​គ្រុប
Read More

លោក​នាយក​រដ្ឋមន្រ្តី​ខ្មែរ ហ៊ុន សែន បាន​ធ្វើ​ការ​បញ្ជាក់​កាល​ពី​ព្រឹក​មិញ​ថា ព្រះមេនរុ​ដែល​សាងសង់​សម្រាប់​បូជា​ព្រះ​បរម​សព​របស់​សម្តេច​ព្រះ នរោត្តម សីហនុ បាន​ចំណាយ​ថវិកា​សាងសង់​ប្រមាណ​ក្រោម​១លាន​២សែន​ដុល្លារ​ប៉ុណ្ណោះ។ ការ​បញ្ជាក់​របស់​លោក ហ៊ុន សែន នេះ គឺ​ធ្វើ​ឡើង​បន្ទាប់​ពី​មាន​ការ​អះអាង​ថា ព្រះមេនរុ​ដែល​សាងសង់​ដោយ​រដ្ឋាភិបាល​នេះ​បាន​ចំណាយ​ប្រាក់​ប្រមាណ​៥លាន​ដុល្លារ​អាមេរិក​នោះ។

Read More

ហ៊ុន សែន ថា ទ្រង់ធម្មិកោ ប្រមាថ​ព្រះរាជសព​​ទាក់​ទង​តម្លៃ​ធ្វើ​ព្រះមេរុ​​

ថ្លែងទៅកាន់​ក្រុម​អ្នកកាសែត​កាល​ពីព្រឹកមិញ​​អំឡុងការ​ត្រួតពិនិត្យ​​សកម្មភាព​​ធ្វើព្រះមេរុ ​មេដឹកនាំ​ខ្មែរ​​បាន​​លើកឡើង​ថា ​ទ្រង់ធម្មិកោ​បាន​ប្រមាថមើល​ងាយព្រះ​បរមសព ព្រះមហាក្សត្រ ​និង ព្រះរាជ​អគ្គមហេសី ទាក់ទង​ការ​វាយតម្លៃ ការសាងសង់ព្រះមេរុ ។ លោក ហ៊ុន សែន បានលើកឡើងដូច្នេះ​ថា ការ​​ចុះ​​​ផ្សាយ​នៅ​ក្នុងកាសែត​ឌឹ​ខេមបូឌា ដេលី ដោយ​ដក​ស្រង់​សម្តី​ព្រះ​អង្គម្ចាស់ ​ធម្មិកោ​ថា ការ​សាង​​សង់​ព្រះមេរុ​ គ្រោង​​ចំណាយថវិកា​​៥លាន​ដុល្លារ​អាមេរិក​នោះ​ គឺ​មិនពិតទេ។ ​ដោយ​នាយករដ្ឋមន្ត្រី​ខ្មែរ​រូបនេះ​​​​​​​បញ្ជាក់​​ថា ​ការ​សាង​សង់​​ព្រះមេរុ​នេះ​ រដ្ឋាភិបាល​​ចំណាយ​​ប្រមាណ​​ក្រោម​១លាន​២សែន​ដុល្លារ​ប៉ុណ្ណោះ ហើយ​​អ្នក​​ដែល​និយាយ​​​ថា ចំណាយ​​៥លាន​ដុ​ល្លារនោះ គឺ​ជាការ​​ប្រមាថ​​ដល់​​ព្រះបរម​សព, ​ព្រះមហាក្សត្រ​ និងព្រះ​​វររាជមាតា​​ជាតិ​​ខ្មែរ​។
Read More

មនុស្សជាង១រយនាក់នៅ​ចិន​ត្រូវបាន​ចាប់​ខ្លួន ​​ដោយ​សារ​ពាក្យ​ចចាមអារ៉ាម ​​ស្ដីពីការ​វិនាស​​​របស់​ផែន​​ដី​

ទីភ្នាក់ងារ​ព័ត៌​មានស៊ីន​ហួ​បាន​​រាយការណ៏​ឲ្យ​ដឹង​​នៅ​​ថ្ងៃអង្គារ​នេះ​​ថា ​យ៉ាងហោចណាស់​​មាន​​មនុស្ស​ជាង​១រយនាក់​​ត្រូវ​បាន​ប៉ូលិស​​ចាប់​ខ្លួន​ ដោយសារ​តែ​ឥទ្ធិពល​នៃ​​ពាក្យ​ចចាមអារ៉ាម​ ស្ដីពីការ​វិនាស​បង់​នៃ​​ផែន​ដី​ ។​​ សេចក្ដីរាយការណ៏​បាន​ឲ្យ​ដឹង​ថា ​ប៉ូលិស​បាន​រឹបអូស​ខិត្តប័ណ្ណ DVDនិង ឧបករណ៏​ផ្សេងៗទៀត​សម្រាប់​បំរើឲ្យ​​ការផ្សព្វផ្សាយ​ពាក្យចចាម​អារ៉ាម​នោះ​​ ។ ​ភាគ​ច្រើន​​នៃ​អ្នក​​ដែល​ត្រូវ​បានចាប់​ខ្លួន​​​ជា​សមាជិកនៃ​ ក្រុម​សាសនា​ Almighty God​ ។ គួរបញ្ជាក់ថា មាន​​ការផ្សព្វផ្សាយតៗគ្នា​​នៅលើប្រព័ន្ធអ៊ីនធឺណិត​​ដែលថា នៅ​មុន​​ថ្ងៃទី​២១​​ធ្នូ ​ឆ្នាំ​២០១២នេះ​​ ពួក​ជនជាតិ​ម៉ា​យ៉ាន់​បាន​ព្យាករណ៍​ទុក​​ថា ​គឺ​ជា​ពេល​អវសាន​នៃ​ផែនដី​ ។ ហើយ​​ពាក្យ​នេះ​ក៏​ត្រូវ​បាន​​សមាជិក​នៃ​ក្រុមសាសនា​ ​Almighty Godយកទៅពង្រីក​បន្ថែមទៀតថា ​ចាប់​​ពីថ្ងៃទី​​២១​ធ្នូ​​ព្រះអាទិត្យ​​នឹងឈប់​រៈ​​ ហើយអគ្គីសនី​ចាប់ផ្ដើម​ដាច់​៣ថ្ងៃ​ ​​ដែលចាំបាច់​​​ដើម្បីសង្គ្រោះ​ស្ថានការណ៏​ត្រូវ​​តែ​ក្រោកឈរ​​ប្រយុទ្ធជា​​មួយ
Read More

អង្គជំនុំ​ជម្រះ​តុលាការ​កំពូល​ ដាក់​ជន​ជាប់​ចោទ អៀង ធីរិទ្ធ ឲ្យ​ស្ថិត​ក្រោម​ការ​ត្រួត​ពិនិត្យ​តាម​ផ្លូវ​តុលាការ

អង្គជំនុំ​ជម្រះ​តុលាការ​កំពូល នៃ​សាលាក្តី​ខ្មែរ​ក្រហម​កាល​ពី​រសៀល​ថ្ងៃ​ទី១៧ ធ្នូ ម្សិលមិញ​នេះ បាន​ចេញ​សេចក្តី​សម្រេច​មួយ ដោយ​បង្គាប់​ឲ្យ​ជន​ជាប់​ចោទ អៀង ធីរិទ្ធ អតីត​រដ្ឋមន្រ្តី​ក្រសួង​សង្គម​កិច្ច នៃ​របប​ខ្មែរ​ក្រហម ស្ថិត​ក្រោម​ការ​ត្រួត​ពិនិត្យ​តាម​ផ្លូវ​តុលាការ ដោយ​រួម​បញ្ចូល​ទាំង ការ​ត្រួត​ពិនិត្យ​ផ្នែក​វេជ្ជសាស្រ្ត​ជា​រៀង​រាល់​៦ខែ​ម្តង និង​ការ​ត្រួត​ពិនិត្យ​ប្រចាំ​ខែ​ដោយ​ប៉ូលិស​យុត្តិធម៌។ ជាមួយ​គ្នា​អង្គជំនុំ​ជម្រះ​តុលាការ​កំពូល ក៏​បាន​សម្រេច​ផង​ដែរ ដោយ​ទទួល​យក​បណ្តឹង​សារទុក្ខ​ភ្លាមៗ​របស់​សហ​ព្រះរាជអាជ្ញា​ដោយ​ផ្នែក ហើយ​បាន​បដិសេធ​សេចក្តី​សម្រេច​របស់​អង្គជំនុំ​ជម្រះ​សាលា​ដំបូង​ចុះ​ថ្ងៃទី១៣ ខែ​កញ្ញា ព្រោះ​ថា អង្គជំនុំ​ជម្រះ​សាលា​ដំបូង​មិន​អាច​អនុវត្ត​យុត្តាធិការ​លើ​ជន​ជាប់​ចោទ​បាន ព្រម​ទាំង​ខ្វះ​មូល​ដ្ឋាន​ផ្លូវ​ច្បាប់​ក្នុង​ការ​សម្រេច​ដាក់​លក្ខខណ្ឌ​ដោយ​បង្ខំ​លើ​ការ​ដោះ​លែង​ជន​ជាប់​ចោទ។ គួរ​បញ្ជាក់​ថា ជន​ជាប់​ចោទ អៀង ធីរិទ្ធ អតីត​រដ្ឋមន្រ្តី​ក្រសួង​សង្គម​កិច្ច នៃ​របប​ខ្មែរ​ក្រហម
Read More

អាជ្ញាធរថៃ​រិតត្បិត​ព្រះសង្ឃខ្មែរ​មិនឲ្យ​និមន្ដ​ចូលប្រទេស

​បុព្វជិត​​ក្នុង​ចំណោម​ប្រទេស​ទាំង​១០​​​​ជាសមាជិក​អាស៊ាន​​គឺ​មានតែ​​ពី​កម្ពុជា​​ប៉ុណ្ណោះ​ ​ត្រូវ​​បាន​​រិត​ត្បិត​មុន​ពេល​​និមន្ត​ចូល​​​ប្រទេសថៃ ។ នេះ​​បើ​​តាម​​សង្ឃដីការ​​របស់​ព្រះ​សង្ឃ​​មួយ​អង្គ​ដែលកំពុង​គង់​សិក្សា​នៅ​ប្រទេសថៃ ។​ ព្រះតេជគុណព្រះនាម​ ធុនៈ មុនី ដែល​កំពុង​សិក្សា​ថ្នាក់​​អនុបណ្ឌិត​ផ្នែកព្រះពុទ្ធសាសនា​​នៅ​ប្រទេស​ថៃ​បាន​​ឲ្យ​ក្រុម​អ្នករាយការណ៏ព័ត៌មាន​​​ដឹង​​កាលពីពេល​ថ្មីៗ​នេះ​ថា អាជ្ញាធរ​ថៃ​​ប្រចាំការ​នៅ​ច្រកទ្វារ​ព្រំ​ដែន​មិនអនុញ្ញាតិ​ឲ្យ​ព្រះសង្ឃខ្មែរ​និមន្ត​​ចូល​ប្រទេស​គេឡើយ បើ​ពុំ​​មាន​ការ​ធានាអះអាង​​ពី​វត្ត​ណា​មួយ​​នៅ​​ក្នុង​ប្រទេស​ថៃ ​ខុស​ផ្ទុយ​​ពីព្រះសង្ឃ​​ប្រទេសផ្សេងទៀត​​ក្នុងអាស៊ាន​ ដែល​ពុំ​​មាន​​ការ​រិត​ត្បិត​ដូច្នេះ​​ឡើយ ។​ ហេតុនេះ​​ត្រូវបាន​​ព្រះតេជគុណ​លើកឡើង​តាម​​សម្ដី​​របស់​អាជ្ញាធរថៃ​ថា​ មក​ពី​ព្រះសង្ឃ​កម្ពុជា​ដែល​និមន្ត​ចូលប្រទេសថៃ​​មិនខិតខំ​ស្វាធ្យា​យ​​រៀន​សូត្រ​ គិតតែ​ពី​បិណ្ឌ​បាត​​និង​​​ដើរលេង​​ធ្វើ​​ឲ្យ​ប៉ះពាល់​សណ្ដាប់​ធ្នាប់​សង្គម​​របស់គេ ។ ប៉ុន្តែ​យ៉ាងណា​ក៏​ដោយ​​សម្រាប់​​ព្រះតេជគុណ​ ធុនៈ មុនី យល់​ឃើញ​​ថា ​នេះ​​ជាការរើសអើង​​មួយ​របស់​អាជ្ញាធរ​ថៃ ។​ដោយ​ព្រះអង្គមាន​​សង្ឃដីកាថា ​ថៃ​គួរ​តែដាក់​​ពិន័យ​​ដល់បុគ្គល​សង្ឃ​​ណា​ដែល​ធ្វើ​ខុស​ ដោយ​​មិន​ត្រូវ​គិតថា ​ត្រីមួយ​​កន្ត្រក​ស្អុយ​មួយ​​ស្អុយទាំងអស់​នោះទេ ។
Read More

កិច្ចសម្ភាសន៏​ជាមួយ​លោក ចាន់ សុវ៉េត មន្រ្តី​អាដហុក​ស្តីពី​ដីកា​កោះ​ហៅ​រូប​លោក​ឲ្យ​ចូល​បំភ្លឺ​នៅ​ថ្ងៃទី២៤ ធ្នូ

តុលាការ​ក្រុងភ្នំពេញ​កាល​ពី​ពេល​ថ្មីៗ​នេះ​បាន​​ចេញ​ដីកា​កោះ​ហៅ​លោក ចាន់ សុវ៉េត មន្ត្រី​ស៊ើប​អង្កេត នៃ​​អង្គការ​សិទ្ធិ​មនុស្ស​អាដហុក​​ឲ្យ​​ចូល​​ខ្លួន​​ជា​លើក​ទី២​​​ នៅ​ថ្ងៃ​ទី២៤ ខែ​​ធ្នូ ខាង​មុខ ដើម្បី​​សាកសួរ​ជុំ​​វិញ​បទ​ចោទ​ថា បាន «ផ្ដល់​ជំនួយ​ដល់​ចារី » ពាក់​ព័ន្ធ​សំណុំ​រឿង​​បង្កើត​តំបន់​អបគមន៏​​នៅ​ភូមិប្រមា ឃុំកំពង់​ដំរី ស្រុក​ឆ្លូង ខេត្តក្រចេះ។ សូម​ស្តាប់​កិច្ច​សម្ភាសន៍​ជាមួយ​លោក ចាន់ សុវ៉េត ពាក់​ព័ន្ធ​នឹង​បញ្ហា​នេះ តាម​រយៈ​ការ​សាក​សួរ​របស់​លោក យូ សារ៉ាវុឌ្ឍ ដូច​តទៅ៖
Read More

មន្រ្តី​រដ្ឋសភា​នឹង​ទទួល​គ្រឿង​ឥស្សរយស​នៅ​ថ្ងៃទី២៨ ធ្នូ

សមាជិក សមាជិការ​រដ្ឋសភា និង​មន្រ្តី​ថ្នាក់​ដឹកនាំ​អគ្គលេខាធិការដ្ឋាន​រដ្ឋសភា​ទាំង​អស់ នឹង​ត្រូវ​ទទួល​គ្រឿង​ឥស្សរ​យស​លើ​គុណ​បំណាច់​ការងារ​ជូន​ជាតិ មាតុភូមិ នៅ​ថ្ងៃទី២៨ ខែ​ធ្នូ ឆ្នាំ​២០១២​ខាង​មុខ។ នេះ​បើ​តាម​សេចក្តី​ជូន​ដំណឹង​របស់​គេហទំព័រ​រដ្ឋសភា​ជាតិ របស់​ប្រទេស​កម្ពុជា។ តាម​សេចក្តី​ជូន​ដំណឹង​ដដែល ពិធី​ទទួល​គ្រឿង​ឥស្សរ​យស នឹង​ត្រូវ​ធ្វើ​ឡើង​ក្រោម​អធិបតី​ភាព​របស់​លោក ហេង សំរិន ប្រធាន​រដ្ឋសភា​ជាតិ នៅ​វេលា​ម៉ោង​៩ព្រឹក នា​វិមាន​រដ្ឋសភា។ គួរ​រំលឹក​ថា ពិធី​ផ្តល់​គ្រឿង​ឥស្សរយស​ដល់​សមាជិក​រដ្ឋសភា​នេះ តែង​តែ​ត្រូវ​បាន​ធ្វើ​ជា​រៀង​រាល់​ឆ្នាំ។ ប៉ុន្តែ​សម្រាប់​តំណាង​រាស្រ្ត​ពី​គណបក្ស​ប្រឆាំង​មិន​ដែល​ចូល​រួម​ពិធី​នេះ​ឡើយ ដោយ​ពួក​គេ​រិះគន់​ថា វា​គ្មាន​ប្រយោជន៍៕
Read More

កម្ពុជាសន្យា​ជម្រុញទំនាក់ទំនង​​ជាមួយ​​ជប៉ុន​​ឲ្យ​​កាន់តែខ្លាំងក្លា​

នៅ​ក្នុងពីធីមួយ​ឯខេត្តកោះកុង​កាលពីម្សិលមិញ​ ជា​ផ្នែក​​នៃការ​ចូលរួម​​សារទរ​​ជោគជ័យ​​របស់​គណបក្ស​ប្រជាធិបតេយ្យសេរី (LDP ) នៃ​លោក ហ្ស៊ីនហ្ស៊ូ អាបេ (​Shinzo Abe)  ដែលទើបជាប់​ឆ្នោត​ ហើយ​នឹង​ត្រូវ​បាន​​ជ្រើសតាំង​ជានាយក​រដ្ឋមន្ត្រី​ជប៉ុន​​នាពេលឆាប់ៗ​ខាងមុខ​នេះ​​នោះ​ មេដឹកនាំ​ខ្មែរ​​បាន​​សន្យាថា​ នឹង​ជម្រុញ​​ទំនាក់ទំនង​រវាង​កម្ពុជា​​និង​ជប៉ុន​​ឲ្យ​កាន់តែ​ខ្លាំងក្លា ។ លោក ហ៊ុន សែន​ បាន​លើកឡើង​​នៅ​​ក្នុងលិខិត​​ចូលរួម​អបអរសាទរ​ជាផ្លូវការមួយ​​កាល​​ពី​​ថ្ងៃ​ទី​​១៧​ធ្នូ​ម្សិល​មិញ​​ផ្ញើ​ទៅ​កាន់​លោក ហ្ស៊ីនហ្ស៊ូ អាបេ ថា ” ទំនាក់​ទំនង​មិត្ត​ភាព​ និង​កិច្ច​សហ​ប្រតិបត្តិ​ការ​ប្រកប​ដោយ​ផ្លែ​ផ្កា​រវាង​កម្ពុជា​ និង​ជប៉ុន​​ពិត​ជា​ត្រូវ​បាន​បន្ត​​ពង្រឹង​ និង​ពង្រីក​ថែម​ទៀត​ ដើម្បី​ជា​ផល​ប្រយោជន៍​ទៅ​វិញទៅ​មក​សម្រាប់​ប្រជា​ជាតិ​ទាំង​ពីរ..”។​ ក្នុង​ឋានៈ​ជាប្រទេសម្ចាសជំនួយ​ធំទី​​២​​បន្ទាប់ពីចិន
Read More