Free Wordpress Themes Wordpress Templates Discount Codes How To Start a Blog Best Wordpress Hosting Best Wordpress Themes 2013 Best Wordpress Themes Premium Themes Wordpress Premium Themes Best Wordpress Deal

Archive for December 6th, 2012

  • ការផ្សាយប្រចាំថ្ងៃ ព្រ.ហ ទី០៦ ខែធ្នូ ឆ្នាំ២០១២

    Play
     
  • លោក ឈាង វុន តំណាង​រាស្រ្ត​ពី​គណបក្ស​ប្រជាជន​កម្ពុជា បាន​ថ្លែង​សុំ​ទោស​ជនជាតិ​ព្នង​ជា​សាធារណៈ​ហើយ​កាល​ពី​ព្រឹក​ថ្ងៃទី០៦ ខែ​ធ្នូ ឆ្នាំ​២០១២ ចំពោះ​ពាក្យ​សម្តី​ដែល​លោក​បាន​និយាយ​ប៉ះពាល់​ដល់​បងប្អូន​ជនជាតិ​ភាគតិច​ព្នង​កាល​ពី​ពាក់​កណ្តាល​ខែ​វិច្ឆិកា​កន្លង​ទៅ។

     
  • សួង សុភ័ណ្ឌ ទាមទារ​ឲ្យ​នាយក​រដ្ឋមន្រ្តី​ចុះ​ចេញ​ពី​តំណែង​មុន​តទល់​ក្តី​ជា​មួយ​លោក​នៅ​តុលាការ

    សួង សុភ័ណ្ឌ ទាមទារ​ឲ្យ​នាយក​រដ្ឋមន្រ្តី​ចុះ​ចេញ​ពី​តំណែង​មុន​តទល់​ក្តី​ជា​មួយ​លោក​នៅ​តុលាការ

    លោក សួង សុភ័ណ្ឌ ប្រធាន​ចលនា​យុវជន​គណបក្ស​សមរង្ស៊ី ដែល​បាន​ប្តឹង​នាយក​រដ្ឋមន្រ្តី​ខ្មែរ ហ៊ុន សែន ចំពោះ​ការ​ស្លាប់​មនុស្ស​ជាង​៣៥០​នាក់​នៅ​លើ​ស្ពាន​ពេជ្រ​កាល​ពី​ឆ្នាំ​២០១០ បាន​ទាមទារ​នៅ​ថ្ងៃ​ព្រហស្បត្តិ៍​នេះ​ឲ្យ​លោក​នាយក​រដ្ឋមន្រ្តី​ចុះ​ចេញ​ពី​តំណែង មុន​នឹង​មក​តតាំង​ក្តី​ជាមួយ​លោក​នៅ​តុលាការ។ លោក សួង សុភ័ណ្ឌ បាន​និយាយ​ប្រាប់​វិទ្យុ​ក្នុង​ស្រុក​មួយ​ថា លោក​នាយក​រដ្ឋមន្រ្តី ហ៊ុន សែន គួរ​តែ​ចុះ​ចេញ​ពី​តំណែង ដើម្បី​មក​តទល់​ជាមួយ​លោក​នៅ​ក្នុង​ស្ថាប័ន​តុលាការ​ក្នុង​នាម​ជា​ពលរដ្ឋ​ដូច​គ្នា។ ដោយ​ថា ការ​ធ្វើ​បែប​នេះ ទើប​ជា​ស្មារតី​ពិត​ប្រាកដ​របស់​មេដឹកនាំ។ សូម​បញ្ជាក់​ថា ការ​ទាមទារ​របស់​លោក សួង សុភ័ណ្ឌ នេះ គឺ​ធ្វើ​ឡើង​តែ​មួយ​ថ្ងៃ​ប៉ុណ្ណោះ មុន​ពេល​ដែល​លោក​នឹង​ត្រូវ​ចូល​បំភ្លឺ​តុលាការ​ក្រុង​ភ្នំពេញ​នៅ​ថ្ងៃ​ស្អែក​ពាក់​ព័ន្ធ​នឹង​ពាក្យ​បណ្តឹង​ប្តឹង​លោក​នាយក​រដ្ឋមន្រ្តី ហ៊ុន សែន ពី​បទ​ឃាតកម្ម​គិតទុក​ជា​មុន ករណី​មនុស្ស​រត់​ជាន់​គ្នា​លើ​ស្ពាន​ពេជ្រ ដែល​បណ្តាល​ឲ្យ​មនុស្ស​៣៥៣នាក់​ស្លាប់ និង​ជាង​៤០០​នាក់​រង​របួស​កាល​ពី​ឆ្នាំ​២០១០​នោះ៕

     
  • ច្បាប់​ថវិកាជាតិ​​ឆ្នាំ​២០១៣ ​ត្រូវ​​បាន​​អនុម័ត​​ដោយ​​រលូន​

    ច្បាប់​ថវិកាជាតិ​​ឆ្នាំ​២០១៣ ​ត្រូវ​​បាន​​អនុម័ត​​ដោយ​​រលូន​

    បើទោះ​បីជា​មាន​ការមិន​សប្បាយ​ចិត្ត​ពីសំណាក់​សមាជិក​សភា​បក្សប្រឆាំង ​តែ​​​វា​ពុំ​មែន​ជា​ការ​រំខាន​អ្វី​ធំ​ដុំ​ឡើយ​​ ទី​បំផុត​ទៅ​​សេចក្ដីព្រាង​ច្បាប់​ស្ដីពី​ថវិកាជាតិ​​ឆ្នាំ​២១០១៣​ ដែល​មាន ​៦​ ជំពូក​និង​១៨​មាត្រា​ត្រូវ​បាន​​អនុម័ត​​យ៉ាង​រលូន​​កាល​ពី​ព្រឹកមិញ​ ដោយ​សម្លេង​៩៩លើ​១០១​។​ ​សេចក្ដី​​អនុម័ត​នេះ​​មាន​​ន័យ​​ថា រដ្ឋសភា​​បាន​យល់ព្រម​ឲ្យ​រដ្ឋាភិបាល​ចាយ​វាយ​ថវិកា​​​ទំ​ហំទឹក​ប្រាក់​សរុប​ចំនួន​​១២,០៩៥,០៧៣.៣ លានរៀល​ ដែល​ស្មើ​ប្រមាណ​​៣,០០០លាន​ដុល្លារ​អាមេរិក​ សម្រាប់​ឆ្នាំ​២០១៣​ខាង​មុខ​​នេះ​ ។​ បើទោះ​បី​ជា​ពុំ​​មាន​វត្តមាន​​នៅ​​ក្នុង​​សភា​​​ក៏​​នាយក​រដ្ឋ​មន្ត្រី ​ហ៊ុន ​​សែន បាន​​បញ្ជាក់​​នៅ​​ក្នុង​​សេច​ក្ដីថ្លែង​ហេតុ​​​ដែល​ផ្ញើ​​អម​ជា​មួយ​​សេចក្ដី​ព្រាង​ច្បាប់​​នោះ​​ថា លុយ​ទាំង​នេះ​​​នឹង​ត្រូវ​​បាន​​ប្រើប្រាស​​ក្នុង​គោល​ដៅ​​ដើម្បី​បន្ត​​ផ្តល់​អា​ទិភាព​​ដល់​​ការ​​បង្កើន ​និង​លើក​កម្ពស់​គុណ​ភាព​សេវា​កម្ម​​នៅ​ក្នុង​​វិស័យ​សង្គម​កិច្ច​  ជា​ពិសេស​​វិស័យ​អប់រំ​ សុខា​ភិបាល​ ការ​កសាង​ធនធាន​មនុស្ស  ​និង ​សំណាញ់សុ​វត្ថិភាព​សង្គម​ រួម​ទាំង​​ការ​​បន្ត​អនុវត្តន៍​គោល​នយោបាយ​ផ្តល់​ដី​សម្បទាន​សង្គ​មកិច្ច ​ ដល់​​គ្រួសារ​​អតីត​​កង​កម្លាំង​ប្រ​ដាប់​​អាវុធ​  និង ​ការ​​បន្ត​ជំរុញ​ការ​អនុវត្ត​សកម្មភាព​ថ្មី លើ​​គោល​នយោបាយចា​ស់ នៃ ​កំណែ​ទម្រង់​ការ​គ្រប់គ្រង​ដីធ្លីផងដែរ  ៕​

     
  • វិភាគ ៖ ការ​ខ្ចី​បុល​​កំពុង​តែ​បង្ហាញ​​ឲ្យ​ឃើញ​ពី​កង្វះ​សមត្ថភាពធ្ងន់ របស់​កម្ពុជា​

    វិភាគ ៖ ការ​ខ្ចី​បុល​​កំពុង​តែ​បង្ហាញ​​ឲ្យ​ឃើញ​ពី​កង្វះ​សមត្ថភាពធ្ងន់ របស់​កម្ពុជា​

    នា​ព្រឹក​ថ្ងៃ​​ព្រហស្បតិ៏នេះ​ សមាជិកសភា​​ភាគច្រើន​ពី​គណបក្ស​ប្រជាជន​​កម្ពុជា​នឹង​សម្រេច​អនុម័ត​បើក​​ដៃ​​ឲ្យ​​រដ្ឋាភិបាល​ខ្ចី​លុយ​បរទេស​​យ៉ាង​ហោចណាស់​ជិត​​១ពាន់​លាន​​ដុល្លារ​ ក្នុង​គម្រោង​​ប្រមាណ​៣ពាន់លាន​​លាន​ដុល្លារ ​សម្រាប់​បង្គ្រប់​ឲ្យ​ការ​ចំណាយ​​ឆ្នាំ​​២០១៣​ ។ ​បើ​ទោះ​​បី​ជា​ពុំ​​មាន​​ការ​ចូលរួម​​ពី​បក្ស​ប្រឆាំង​ក្ដី​ ក៏​​ផែន​​ការ​នេះ​​នឹង​ទទួល​បាន​​ជោគជ័យ​ដែរ​ ។​ ​ដើម្បី​បិទបាំង​ភាព​អាម៉ាស​​ចំពោះ​ការ​​មើល​ឃើញ​​​​ពី​កង្វះ​សមត្ថភាពធ្ងន់ធ្ងរ​​របស់​មេដឹកនាំ​​រដ្ឋាភិបាល​បច្ចុប្បន្ន​​​ដែល​ពុំ​​បាន​​ច្នៃប្រមុំ​​សេដ្ឋកិច្ច​​របស់​​ខ្លួន​​ឲ្យ​​បោះជំហាន​​ទៅ​​មុខ ​ក្រៅ​តែ​​ពី​ការ​ចេះ​ត្រឹម​​លើក​ដៃ​​ខ្ចី ​ឬ​សុំ​​លុយ​​ពី​បរទេស​​​​បង្កើន​​បំណុល​​ឲ្យ​​ពល​រដ្ឋខ្មែរ​ជា​អ្នក​​សង​​នោះ រដ្ឋាភិបាល​​បាន​លើក​ឡើង​ថា ​កម្ពុជា​ទើប​តែ​ចាប់​​ផ្ដើម​​ចេញ​ពី​គំនរ​ផេះផង់​​នា​ឆ្នាំ​១៩៩៨ ។​ ដែល​នេះ​​បាន​​បង្ហាញ​​ឲ្យ​​ឃើញ​​ថា របប​ខ្មែរ​ក្រហម​​នៅ​​តែ​ជា​ភាជន៏​ ​ដ៏​សំខាន់​​​សម្រាប់​​ត្រង​​រាល់​បញ្ហា​នៃ​​​កង្វះ​សមត្ថភាព​​របស់​រដ្ឋាភិបាល ​។ ប៉ុន្តែ​ពុំ​ដូច្នេះ​​ទេ​ ប្រទេស​​មួយ​​ចំនួន​​ដែល​ធ្លាប់​​បន្តក់​លុយ​​ឲ្យ​​រដ្ឋាភិបាល​ខ្មែរ​​​ដោយ​​ផ្ទាល់​ ដូច​ជា អូស្រ្តាលី និង កាណាដា ជាដើម​ ពួក​គេ​បាន​​ដក​​ខ្លួន​​ថយ​ ដោយ​បង្វិល​​ប្រាក់​របស់គេ​​ទៅ​ផ្គត់​ផ្គង់​​ឲ្យ​ប្រទេស​​មួយ​​ចំនួន​​ដែល​ត្រូវ​ការ​ជំនួយ​​ឧបត្ថម្ភចាំបាច់​​ ។​សម្រាប់​​ប្រទេស​កម្ពុជា​​ពេលនេះ​​នៅ​​សល់​តែ​ចិន​មួយ​​​ប៉ុណ្ណោះ​ជាទីពឹង​​សំខាន់ ។​ប្រទេស​ចិន​កុម្មុយនិស្ត​​បាន​បើក​​ដៃ​​ឲ្យ​​កម្ពុជា​​ខ្ចី​លុយ​​ក្នុង​មួយ​ឆ្នាំៗ​រាប់​រយលាន​ដុល្លារ​ ​។ ​ប៉ុន្តែ​ជា​មួយ​​គ្នា​​គេ​​ក៏​កត់​សម្គាល់ឃើញ​ផងដែរ​​ថា មាន​​ក្រុម​​ហ៊ុន​ចិន​​ជា​ច្រើន​កំពុង​​តែ​បញ្រ្ចៀត​​បឺតស្រូបទាញ​​យក​​ប្រយោជន៏​ពី​កម្ពុជា ​ទាំង​ផ្នែក​​ឧស្សាហកម្មវាយនភ័ណ្ឌ រ៉ែ ព្រៃ​ឈើ ​និង ប្រេង​ជាដើម តាម​រយៈការ​លើក​ទឹកចិត្ត​ពី​រដ្ឋាភិបាល​ខ្មែរ​​ ។​ មិន​ត្រឹម​តែ​​ប៉ុណ្ណោះ​​ដូច​ពាក្យ​​ខ្មែរ​​ដែល​ថា ” ខ្មែរ​​ចេះ​តែប៉ិន ចិន​ចេះតែកត់ ” តាម​រយៈឥទ្ធិពល​នៃ​ប្រាក់​ជំនួយ​​និង​​កម្ចីទាំង​​នេះ​​ ត្រូវ​​គេ​មើល​ឃើញ​​ថា ​បាន​​ធ្វើ​​ឲ្យ​​កម្ពុជា​​​ដែល​ពុំ​​មាន​សមត្ថភាព​​គ្រប់គ្រង​ខ្លួន​ដោយ​ខ្លួន​ឯង​ ក្លាយ​ជា​កូន​ជឹង​​របស់​​ចិន​​យ៉ាងងាយស្រួល ។ ​គឺ​​ដូច​អ្វី​​ដែល​គេ​​បាន​​ឃើញ​​នៅ​​ឯ​កិច្ច​​ប្រជុំ​អាស៊ាន​​កាល​ពី​ខែ​ […]

     
  • កម្ពុជា​ជាប់​ចំណាត់​ថ្នាក់​លេខ​១៥៧​ពាក់​ព័ន្ធ​នឹង​បញ្ហា​អំពើ​ពុករលួយ

    កម្ពុជា​ជាប់​ចំណាត់​ថ្នាក់​លេខ​១៥៧​ពាក់​ព័ន្ធ​នឹង​បញ្ហា​អំពើ​ពុករលួយ

    សម្រាប់​ការ​ធ្វើ​សន្ទស្សន៍​នៅ​ឆ្នាំ​២០១២​នេះ អង្គការ​តម្លាភាព​អន្តរជាតិ​បាន​ប្រកាស​ថា ប្រទេស​កម្ពុជា​បាន​ជាប់​ចំណាត់​ថ្នាក់​លេខ​១៥៧ ក្នុង​ចំណោម​ប្រទេស​ចំនួន​១៧៦​ដែល​មាន​បញ្ហា​ខាង​អំពើ​ពុករលួយ។ អង្គការ​តម្លាភាព​កម្ពុជា ដែល​បាន​ធ្វើ​ការ​ផ្សព្វផ្សាយ​អំពី​លទ្ធផល​នេះ បាន​បញ្ជាក់​ថា នៅ​ក្នុង​សន្ទស្សន៍​ឆ្នាំ​២០១២ ប្រទេស​កម្ពុជា​ទទួល​បាន​ពិន្ទុ​២២ ដែល​បង្ហាញ​ឲ្យ​ឃើញ​នូវ​ភាព​ប្រសើរ​ជាង​មុន​បន្តិច បើ​ប្រៀប​ទៅ​នឹង​លទ្ធផល​នៅ​ក្នុង​ឆ្នាំ​២០១១។ ហើយ​ថា ប្រទេស​កម្ពុជា​នៅ​តែ​ត្រូវ​បាន​ចាត់​ទុក​ថា ជា​ប្រទេស​ដែល​មាន​អំពើ​ពុករលួយ​ខ្លាំង​នៅ​ឡើយ។ ដូច្នេះ​ដើម្បី​កាត់​បន្ថយ​អំពើ​ពុករលួយ​នៅ​ប្រទេស​កម្ពុជា អង្គការ​តម្លា​ភាព​កម្ពុជា​បាន​ផ្តល់​អនុសាសន៍​ថា ចាំបាច់​ត្រូវ​មាន​ដំណើរ​ការ​ពង្រឹង​ច្បាប់​ប្រឆាំង​អំពើ​ពុករលួយ និង​ការ​បង្កើន​សមត្ថភាព និង​លទ្ធភាព​ផ្សព្វផ្សាយ​របស់​អង្គភាព​ប្រឆាំង​អំពើ​ពុករលួយ​បន្ថែម​​ទៀត ដើម្បី​ឲ្យ​ការ​ស៊ើប​អង្កេត​សំណុំ​រឿង​អំពើ​ពុករលួយ និង​ការ​បញ្ជូន​សំណុំ​រឿង​ទាំង​នោះ​ទៅ​តុលាការ​ប្រកប​ដោយ​ប្រសិទ្ធ​ភាព។ ក្នុង​នោះ​ដើម្បី​ធានា​នូវ​តម្លាភាព និង​គណនេយ្យ​ភាព អង្គការ​តម្លា​ភាព​កម្ពុជា ក៏​បាន​ស្នើ​ឲ្យ​រដ្ឋាភិបាល អនុម័ត​ច្បាប់​ទទួល​បាន​ព័ត៌មាន​ដែល​អាច​ឲ្យ​ប្រជាពលរដ្ឋ​ទទួល​បាន​ព័ត៌មាន​សំខាន់ៗ​អំពី​គម្រោង​ថវិកា លទ្ធកម្ម និង​ដំណើរ​ការ​ដេញ​ថ្លៃ​សាធារណៈ និង​ការ​សម្រេច​ចិត្ត​ផ្នែក​ហិរញ្ញវត្ថុ​សំខាន់ៗ​ផ្សេងៗ​ទៀត ក៏​ដូច​ជា​បង្កើន​ប្រសិទ្ធ​ភាព​ក្នុង​ការ​ពង្រឹង​ការ​អនុវត្តន៍​ច្បាប់​ប្រឆាំង​អំពើ​ពុករលួយ។ ចំពោះ​បញ្ហា​នេះ លោក ព្រាប កុល នាយក​ប្រតិបត្តិ​នៃ​អង្គការ​តម្លាភាព​កម្ពុជា​បាន​និយាយ​ថា ការ​ប្រឆាំង​អំពើ​ពុករលួយ គឺ​ទាមទារ​ឲ្យ​មាន​កិច្ច​ខំ​ប្រឹង​រួម​គ្នា​រវាង​ភាគី​ពាក់​ព័ន្ធ​ទាំង​អស់ និង​ជា​ពិសេស​ប្រជាពលរដ្ឋ។ ដូច្នេះ​លោក​លើក​ទឹក​ចិត្ត​ដល់​ប្រជាពលរដ្ឋ​កម្ពុជា​ឲ្យ​ភ្ញាក់​រលឹក និង​ហ៊ាន​និយាយ​អំពី​បញ្ហា​ពុករលួយ។ លោក​បន្ត​ថា ការ​ចូល​រួម​របស់​ប្រជាពលរដ្ឋ​ក្នុង​ការ​ប្រឆាំង​អំពើ​ពុករលួយ នឹង​ឲ្យ​ពួក​គាត់​រួច​ផុត​ពី​ការ​ប្រព្រឹត្ត​អំពើ​ពុករលួយ​ដូច​ជា​ការ​ផ្តល់​ប្រាក់​កម្រៃ​ជើង​សា ឬ​សំណូក​ផ្សេងៗ៕

     
  • វេលា​ម៉ោង​៨​និង​៣០នាទី​ព្រឹកថ្ងៃទី​​៦​ធ្នូនេះ​​សភានឹង​បើកិច្ច​ប្រជុំ​ដើម្បីពិភាក្សាអនុម័ត​លើគម្រោង​ចំ​ណាយ​​ថវិកាជាតិ សម្រាប់​​ឆ្នាំ​​២០១៣​..៕

     
  • គំនិត​គួរ​ពិចារ​ណា សម្រាប់​ថ្ងៃ​ទី ​៦ ធ្នូ​

    - អ្នក​គួរ​តែ​ចេះ​សម្របសម្រួល​ការ​រស់នៅ​​​តាមកាលៈទេសៈ​  ដើម្បី​រត់​ឲ្យ​ទាន់​សភាពការណ៏​ ។ – ការ​បង្ខំចិត្ត​ធ្វើ​អ្វី​មួយ​​ដែល​អ្នក​មិន​​ចង់ធ្វើ​ មិនមែន​សុទ្ធ​តែ​ជា​​ការ​បរាជ័យ​ទេ តែ​គឺ​ជា​ជ័យជម្នះ​​បើ​អ្នក​ស្គាល់​វា​ច្បាស់​​ ។ – អ្នក​គួរ​តែ​សម្លឹង​មើល​ពី​លទ្ធផល​​ចុង​ក្រោយ​ឲ្យ​​បាន​​ច្បាស់ ​មុន​​នឹង​សម្រេចចិត្ត​ធ្វើ​អ្វី​មួយ​ ។ – ការ​តស៊ូ​របស់​អ្នក​នឹង​គ្មាន​​ន័យ​ទេ ប្រសិន​​បើ​អ្នក​ពុំ​មាន​ជំហរ​ច្បាស់លាស់​ ។ – ចូរ​អ្នក​កុំតក់​ស្លូត​ពេក ចំពោះ​អ្វី​​ដែល​អ្នក​គិតថា ​វា​​ជា​​រឿង​ដ៏គួរ​ឲ្យ​តក់ស្លុត ។