Featured articles

Daily Archive: Saturday, January 31, 2015

ព្រះរាជ​អាជ្ញា​រង​អម​សាលា​ដំបូង​ក្រុង​ភ្នំពេញ​គឺ​លោក សុខ រឿន បាន​ចេញ​ដីកា​រួច​ហើយ ដោយ​កោះ​ហៅ​លោក សួង សុភ័ណ្ឌ ប្រធាន​ចលនា​យុវជន​គណបក្ស​សមរង្ស៊ី ឲ្យ​ចូល​ខ្លួន​ទៅ​បំភ្លឺ​នៅ​ព្រឹក​ថ្ងៃទី​០៧ ខែ​ធ្នូ ខាង​មុខ ពាក់​ព័ន្ធ​នឹង​ពាក្យ​បណ្តឹង​របស់​លោក ដែល​ប្តឹង​លោក​នាយក​រដ្ឋមន្រ្តី ហ៊ុន សែន ពី​បទ​ឃាតកម្ម​គិត​ទុក​ជា​មុន ក្នុង​ករណី​មនុស្ស​ជាន់​គ្នា​ស្លាប់​នៅ​លើ​ស្ពាន​ពេជ្រ​កាល​ពី​ឆ្នាំ​២០១០។

Read More

តុលាការ​អន្តរជាតិ​នឹង​លើក​យក​សំណុំ​រឿង​ប្រាសាទ​ព្រះវិហារ​មក​បើក​សវនាការ​នៅ​ខែ​មេសា​ឆ្នាំ​ក្រោយ

តុលាការ​អន្តរជាតិ (ICJ) គ្រោង​នឹង​លើក​យក​សំណុំ​រឿង​ព្រំដែន​រវាង​ប្រទេស​កម្ពុជា និង​ថៃ ត្រង់​តំបន់​ប្រាសាទ​ព្រះវិហារ​មក​បើក​សវនាការ​នៅ​ខែ​មេសា ឆ្នាំ​ក្រោយ​នេះ។ តាម​សេចក្តី​ប្រកាស​របស់ ICJ សវនាការ​សំណុំ​រឿង​ព្រំដែន​ប្រាសាទ​ព្រះវិហារ​រវាង​ប្រទេស​កម្ពុជា និង​ថៃ គ្រោង​នឹង​ធ្វើ​ឡើង​ពី​ថ្ងៃទី១៥ ដល់​ថ្ងៃទី១៩ ខែ​មេសា ឆ្នាំ​ក្រោយ ក្នុង​ទីក្រុង Hague ប្រទេស​នី​ឌឺឡេន។ បើ​តាម​សេចក្តី​ប្រកាស​របស់ ICJ ដដែល​ ប្រទេស​ដែល​មាន​ជម្លោះ​ព្រំដែន​ទាំង​ពីរ គឺ​កម្ពុជា និង​ថៃ នឹង​ត្រូវ​បាន​ផ្តល់​ឱកាស​ចំនួន​២ដង​ដើម្បី​បង្ហាញ​នូវ​សក្ខីកម្ម​របស់​ខ្លួន​ពាក់​ព័ន្ធ​ទៅ​នឹង​ផ្ទៃ​ដី​ក្បែរ​តំបន់​ប្រាសាទ​ព្រះវិហារ។ ក្នុង​នោះ​ប្រទេស​កម្ពុជា​ធ្វើ​ការ​បក​ស្រាយ​នៅ​ថ្ងៃ​ចន្ទ ទី១៥ ខែ​មេសា និង​ថ្ងៃ​ព្រហស្បតិ៍
Read More

បក្សសម​រង្ស៊ី ថា​ ​ករណី​ប្ដឹង​នាយករដ្ឋមន្ត្រី​មិនទាក់ទង​​នឹង​​បក្ស​ទេ

ប្រធាន​ក្រុម​អ្នក​តំណាង​រាស្រ្ត​​គណបក្ស​សមរ​ង្ស៊ី​​​បាន​បញ្ជាក់​​នៅ​ថ្ងៃ​អង្គារ​នេះ​​ថា ការ​​ដាក់​ពាក្យ​​ប្ដឹង​នាយក​រដ្ឋមន្ត្រី ​ឲ្យ​ទទួល​​ខុស​ត្រូវ​​ចំពោះព្រឹត្តិការណ៏​ស្លាប់​​ដ៏​អណោច​អធម៌​​នៅ​លើស្ពាន​កោះពេជ្រ​កាល​ពី​ជាង​២​ឆ្នាំមុន ​​មិនមែន​​ជា​យុទ្ធសាស្ត្រ នយោ​បាយ​​របស់​គណបក្ស​ប្រឆាំង​​នេះ​​ទេ។ លោក សុន​ ឆ័យ បាន​​បញ្ជាក់​ប្រាប់​ក្រុម​អ្នក​កាសែត​ថា” លោក សួង សុ​ភ័ណ្ឌ ប្រធាន​ចលនា​​យុវជន​គណបក្ស​សម រង្ស៊ី បាន​​ប្ដឹង​​នាយករដ្ឋមន្រ្ដី មិន​មែន​ជា​ការ​ណែនាំ​​របស់​​គណបក្ស សម រង្ស៊ី ទេ  ។ រឿង​​លោក សុភ័ណ្ឌ​ ខ្លួន​​ឯង​យល់​ថា ត្រូវ​តែប្ដឹង អាហ្នឹង ​ជា​​សិទ្ធិ​​របស់​​គាត់ ជា​​យោបល់​ ជា
Read More

សាលាក្រុង​បញ្ឈប់​មិន​ឲ្យ​ប្រើប្រាស់​ចិញ្ចើម​ផ្លូវ​ព្រះមុនីវង្ស​ជា​ទីតាំង​អាជីវកម្ម និង​ចំណត​រថយន្ត

សាលាក្រុង​ភ្នំពេញ​កាល​ពី​ពេល​ថ្មីៗ​នេះ​បាន​ដាក់​បញ្ជា​ហើយ​ចំពោះ​ម្ចាស់​អាជីវកម្ម​ទាំង​អស់​ដែល​ស្ថិត​នៅ​តាម​បណ្តោយ​មហាវិថី​ព្រះមុនីវង្ស ឲ្យ​បញ្ឈប់​ការ​យក​ចិញ្ចើម​ផ្លូវ និង​ទ្រូង​ផ្លូវ សម្រាប់​ប្រកប​អាជីវកម្ម និង​ចំណត​រថយន្ត​ចាប់​ពី​ថ្ងៃទី​១៥ ខែ​ធ្នូ ឆ្នាំ​២០១២ តទៅ។ តាម​សេចក្តី​ជូន​ដំណឹង​របស់​សាលាក្រុង​ ការ​បញ្ឈប់​មិន​ឲ្យ​ម្ចាស់​អាជីវកម្ម​ប្រើប្រាស់​ចិញ្ចើម​មហាវិថី​ព្រះមុនីវង្ស​សម្រាប់​ប្រកប​អាជីវកម្ម និង​ទ្រូង​ផ្លូវ​សម្រាប់​ចត​រថយន្ត នោះ​ក៏​ព្រោះ​តែ​មើល​ឃើញ​ថា កន្លង​មក​វា​បាន​បណ្តាល​ឲ្យ​មាន​ការ​កក​ស្ទះ ព្រម​ទាំង​បង្ក​ឲ្យ​កើត​មាន​គ្រោះ​ថ្នាក់​ចរាចរណ៍​ជាយ​ថា​ហេតុ។ តាម​សេចក្តី​ជូន​ដំណឹង​​​ដដែល ​ករណី​​ម្ចាស់​អាជីវកម្ម​មិន​គោរព​តាម​ការ​ណែ​នាំ​នេះ សាលា​ក្រុង​ភ្នំពេញ​​​​បាន​បញ្ជាក់​ថា ខ្លួន​នឹង​ចាត់​វិធាន​ការ​រដ្ឋបាល​តាម​ច្បាប់​ចំពោះ​អ្នក​ដែល​មិន​គោរព ហើយ​និង​មិន​ទទួល​ខុស​ត្រូវ​ចំពោះ​ការ​ខាតបង់ ឬ​ខូច​ខាត​ទ្រព្យ​សម្បត្តិ​ទាំង​ឡាយ​ដែល​កើត​មាន​ក្នុង​ពេល​អនុវត្ត​វិធាន​ការ​ឡើយ៕
Read More

រ៉ុង ឈុន ស្នើ​​ឲ្យ​​ក្រសួង​អប់រំ​ចាត់វិធាន​ការ​​​ករណី​​​​ទារ​លុយ​​ដើម្បី​​តម្លើង​​កាំប្រាក់​​នៅ​​​​វិទ្យាល័យ​​ព្រះ​សីហនុ​​​

ប្រធាន​សមាគម​គ្រូបង្រៀន​​កម្ពុជា​ឯករាជ្យ ​នា​ព្រឹក​ថ្ងៃ​អង្គារនេះ ​បាន​​ដាក់​ការទាមទារ​​ឲ្យ​​ក្រសួង​​អប់​រំ​ចាត់​វិធានការ​​ស៊ើប​អង្កេត​​​​ករណី​​ពុករលួយ​​របស់​​នាយកវិទ្យាល័យ​ព្រះសីហនុ ក្នុងខេត្តកំពង់ចាម ​​ដែល​​ រង​ការ​ចោទ​ថា​ បាន​ទារ​លុយ​​ពី​លោក​គ្រូ-អ្នក​គ្រូ​ក្នុង​វិទ្យាល័យ​នោះ​​​ម្នាក់ៗ​​ចំនួន​៦ម៉ឺន​រៀល​ជា​ថ្នូរ​នឹង​ការ​រត់ការ ​តម្លើង​កាំប្រាក់ ។​ លោក រ៉ុង ឈុន បាន​លើក​ឡើង​​នៅ​ក្នុង​លិខិត​​មួយ​​ច្បាប់ ​​ផ្ញើ​ទៅ​កាន់​​រដ្ឋមន្ត្រី​ក្រសួង​អប់រំ​​ថា ​សមាគម​គ្រូ​បង្រៀន​កម្ពុជា​ឯករាជ្យ ​បាន​ទទួល​លិខិត​​អនាមិក​​មួយ​​ច្បាប់​តាម​​សារអេឡិចត្រូ​និក ​ពី​លោក​គ្រូ​-អ្នក​គ្រូ​វិទ្យាល័យ​ព្រះសីហនុ ក្រុង កំពង់​ចាម​ ដែល​លើក​ឡើង​​ពីវិទ្យាល័យ​​នេះ​ តម្រូវ​​ឲ្យ​​លោក​គ្រូ-អ្ន​ក​គ្រូ​​បង់​លុយ​ ៦​ម៉ឺនរៀល​​ដើម្បី​​រត់​​ការ​តម្លើង​កាំប្រាក់ ។​ ចំពោះ​ករណី​នេះ ​សមាគមគ្រូប​ង្រៀន​​កម្ពុជាឯករាជ្យ​​បាន​​ចាត់​ទុក​ថា ​វា​គឺ​​​ជា​រឿង​ខុសច្បាប់ ឬ​អាច​ចាត់​ទុក​​​​ជា​ការ​ប្រព្រឹត្ត​អំពើពុករលួយ​ ​ដែលទាម​​ទារ​​​ចាំបាច់​​ឲ្យ​​ក្រសួងអប់​រំ​​យុវជន​​និង​កីឡា
Read More

សហជីព​អំពាវនាវ​ឲ្យ​ចាត់​វិធាន​ការ​រោងចក្រ ខនប្រេស ហូលឌីង ចំពោះ​ការ​រើស​អើង

សហជីព​សេរីកម្មករ នៃ​ព្រះរាជាណាចក្រ​កម្ពុជា​កាល​ពី​ថ្ងៃទី២៦ និង ៣០ វិច្ឆិកា ថ្មីៗ​នេះ បាន​ផ្ញើ​លិខិត​ពីរ​ដាច់​ដោយ​ឡែក​ពី​គ្នា​ទៅ​កាន់​នាយកដ្ឋាន​អធិការកិច្ច​ការងារ នៃ​ក្រសួង​ការងារ និង​សមាគម​រោងចក្រ​កាត់​ដេរ​នៅ​កម្ពុជា ឲ្យ​ធ្វើ​ការ​ត្រួតពិនិត្យ និង​ចាត់​វិធាន​ការ​ចំពោះ​រោងចក្រ​ឈ្មោះ ខនប្រេស​ហូលឌីង មាន​ទីតាំង​នៅ​ភូមិ​ទួលរកា សង្កាត់​ចាក់​អង្រែក្រោម ខណ្ឌ​មាន​ជ័យ ដែល​បាន​រើស​អើង​ស្ត្រី​ភេទ និង​សហជីព។ លិខិត​របស់​សហជីព​សេរីកម្មករ នៃ​ព្រះរាជាណាចក្រ​កម្ពុជា​បាន​ឲ្យ​ដឹង​ថា កម្មករ​ចំនួន​៣នាក់​នៃ​រោងចក្រ​ខនប្រេស​ហូលឌីង​ត្រូវ​បាន​ថៅកែ​បញ្ឈប់​ពី​ការងារ ព្រោះ​តែ​ពួក​គេ​ចូល​រួម​ចលនា​សហជីព​សេរីកម្មករ។ ក្នុង​នោះ​កម្មការិនី​ម្នាក់​ត្រូវ​បាន​ក្រុមហ៊ុន​បញ្ជា​ឲ្យ​រំលូត​កូន ជា​ថ្នូរ​ដើម្បី​បន្ត​ការងារ​ក្នុង​រោងចក្រ​នេះ​ទៀត។ ប៉ុន្តែ​នៅ​ពេល​ដែល​កម្មការិនី​រូប​នោះ​រំលូត​កូន​រួច​ហើយ ក៏​ក្រុមហ៊ុន​នេះ​មិន​បាន​អនុញ្ញាត​ឲ្យ​បន្ត​ការងារ​ឡើយ ដោយ​ទាមទារ​ឲ្យ​គាត់​លា​ឈប់​ពី​តួនាទី​សហជីព​ថែម​ទៀត។ ចំពោះ​ទង្វើ​ទាំង​អស់​នេះ សហជីព​សេរីកម្មករ​បាន​ចាត់​ទុក​ថា
Read More

មន្ត្រី​សាលាក្ដី​ខ្មែរ​ក្រហម​​ភាគី​កម្ពុជា ​នឹង ​ប្រឈម​​បញ្ហា​គ្មាន​​ប្រាក់​បៀវត្យរ៏​

មន្ត្រី​សាលាក្ដី​​ខ្មែរ​ក្រហម​ភាគី​​​បាន​​ប្រកាស​​នៅ​​​ថ្ងៃ​​​អង្គារ​​នេះ ​​ពី​ភាពអាសន្ន​​ដែល​ថា ​ពួក​គេ​អាច​នឹង​ប្រឈម​​​​​ចំពោះ​​​​បញ្ហា​​មិន​ទទួល​​បានប្រាក់​​បៀវត្យរ៏​សម្រាប់​​ខែ​ធ្នូ​នេះ​ និង ​ខែ​ទៅ​មុខ​ទៀតក្នុង​ឆ្នាំ​២០១៣ ប្រសិន​​បើ​​ជំនួយ​​ថវិការ​ពី​បរទេស​ ​នៅ​តែ​មិនទាន់​​មាន​​ភាព​ច្បាស់​លាស់​ និង យឺតយ៉ាវ​​នោះ ។​ លោក ឌឹម សុវណ្ណ​រ៉ុម ប្រធាន​​ផ្នែក​​សាធារណៈ​របស់​សាលាក្ដី​បានថ្លែងថា​ មន្រ្តីពីភាគី​កម្ពុជា​​ប្រមាណ​៣រយនាក់ ​នឹង​មិន​មាន​​ប្រាក់ខែ​សម្រាប់​ខែ ធ្នូ ឆ្នាំ ២០១២​ នេះទេ ហើយ​​នៅ​​ឆ្នាំ ​២០១៣​ អាច​នឹង គ្មាន​​ថវិការ​តែម្ដង​ ដោយ​សារ​តែ​សាលាក្ដី​ពុំទាន់​ទទួលបាន​ថវិការ​គ្រប់គ្រាន់​ពី​ម្ចាស់ជំនួយ​ ។ គួរ​បញ្ជាក់​ថា ​នៅ​ឆ្នាំ
Read More

សេដាក​បង្រៀន​យុវជន​ឲ្យ​យល់​ដឹង​ពី​គ្រោះ​ថ្នាក់​នៃ​ថ្នាំ​កសិកម្ម

ដើម្បី​ចូល​រួម​ចំណែក​ក្នុង​យុទ្ធនាការ​សប្តាហ៍​គ្មាន​ប្រើប្រាស់​ថ្នាំ​កសិកម្ម ដែល​កំពុង​រៀបចំ​ធ្វើ​ឡើង​នៅ​ពាស​ពេញ​ពិភព​លោក មជ្ឈមណ្ឌល​សិក្សា​និង​អភិវឌ្ឍន៍​កសិកម្ម​កម្ពុជា ហៅ​កាត់​ថា សេដាក ​គ្រោង​រៀបចំ​សិក្ខាសាលា​មួយ​​​សម្រាប់​ក្រុម​យុវជន​ឲ្យ​យល់​ដឹង​ពី​គ្រោះ​ថ្នាក់​នៃ​ថ្នាំ​កសិកម្ម។ តាម​សេចក្តី​ប្រកាស​របស់​អង្គការ​សេដាក សិក្ខាសាលា​ស្តីអំពី «ការ​ចូល​រួម​របស់​យុវជន​ក្នុង​ការ​អភិវឌ្ឍ​សហគមន៍​ដែល​គ្មាន​ថ្នាំ​ពុល​កសិកម្ម» នឹង​​គ្រោង​​រៀបចំ​ធ្វើ​ឡើង​នៅ​ថ្ងៃទី​០៥ ខែ​ធ្នូ ឆ្នាំ​២០១២​ស្អែក​នេះ​នៅ​ការិយាល័យ​របស់​ខ្លួន​ក្នុង​ទីក្រុង​ភ្នំពេញ ដោយ​អ្នក​ចូល​រួម​ប្រមាណ​៨០​នាក់ រួម​មាន​តំណាង​យុវជន​ជន​បទ​មក​ពី​តាម​បណ្តា​ខេត្ត​ចំនួន​១៣ និង​និស្សិត​មក​ពី​សាកល​វិទ្យាល័យ​ផ្សេងៗ​ក្នុង​ទីក្រុង​ភ្នំពេញ។ គោល​បំណង​សំខាន់​របស់​សិក្ខាសាលា​នេះ​ត្រូវ​បាន​បញ្ជាក់​ថា ដើម្បី​បង្ហាញ​បទ​ពិសោធន៍ និង​ការ​ចូល​រួម​ចំណែក​របស់​យុវជន​ក្នុង​ការ​លើក​ស្ទួយ​ជីវភាព​កសិករ, បង្កើន​ការ​យល់​ដឹង​អំពី​មហន្ត​រាយ នៃ​ការ​ប្រើប្រាស់​ថ្នាំ​ពុល​កសិកម្ម និង​អំពាវនាវ​ដល់​យុវជន​ជន​បទ​ចូល​រួម​អនុវត្ត និង​ផ្សព្វផ្សាយ​ពី​ការ​ធ្វើ​កសិកម្ម​សរីរាង្គ និង​ដើម្បី​និរន្តរភាព ការ​ចិញ្ចឹម​ជីវិត និង​សុវត្ថិភាព​ចំណី​អាហារ។ លោក យ៉ង សាំងកុមារ
Read More

បក្ស​ប្រឆាំង​ថា ​នឹង​មាន​​យុទ្ធសាស្ត្រថ្មី​ៗ​​សម្រាប់​ទាក់ទាញ​ការ​គាំ​ឲ្យ​​​ប្រសើរ​ជាង​មុន​​

ក្រុម​មន្ត្រី​គណបក្ស​សង្គ្រោះជាតិ​ដែល​ជា​បណ្ដុំ​​នៃ​គណបក្សប្រឆាំង​​ចំនួន​ពីរ​​ក្នុង​ប្រទេស​កម្ពុជា​​បាន​ថ្លែង​​ឲ្យ​​ដឹង​ថា ​គេ​មាន​​យុទ្ធសាស្ត្រ​នយោ​បាយ​ថ្មីៗ​ជា​ច្រើន ​ដើម្បី​ទាក់ទាញ​​ការ​គាំទ្រ​​ពី​ប្រជាពល​រដ្ឋ​ជា​ជាង​ផ្តោត​​​សំខាន់​​ទៅ​លើ​​តែ​ការ​ប្រឆាំង​មួយ​​មុខ ។​ លោក សុន​ ឆ័យ​ ប្រធាន​​ក្រុម​​អ្នក​តំណាង​រាស្ត្រ គណបក្ស​សម រង្ស៊ី បាន​ថ្លែង​ប្រាប់​​ក្រុម​​អ្នក​កាសែត​កាល​ពីម្សិលមិញ​​ថា ” យើង​ត្រូវ​តែ​មាន​ភាព​​ចាស់ទុំ​​​នៅ​ក្នុង​វិធី​​​ដែល​យើង​លើក​ជា​បញ្ហា​ជម្រាប​ទៅ​សាធារណៈជន  ។​យើង​កំពុង​តែ​ធ្វើ​ការ​ផ្លាសប្ដូរ​ដោយ​​មិន​​ផ្ដោត​​សំខាន់​ទៅ​តែ​​ការ​ប្រឆាំង​មួយ​មុខ​ប៉ុណ្ណោះ​ទេ ។ យើង​កំពុង​តែឈាន​ទៅ​រក​ជ័យជម្នះ​​នា​ពេល​ខាងមុខ  ”  ។ បើ​តាម​​អ្នក​តំណាងរាស្ត្រ​រូប​​នេះ​​ថា ​គោល​​ការ​ថ្មី​ទាំង​​នោះ​​មាន​​រាប់​បញ្ចូល​ទាំង​ការ​​ជម្រុញ​​ឲ្យ​​មាន​​ការ​កែ​​លម្អរ​ឡើង​វិញ​​ ចំពោះ​ផែន​​ការ​របស់​​រោងម៉ាស៊ីម​កិន​​ស្រូវ ​ដែល​ជា​អ្នក​កំណត់​តម្លៃ​ស្រូវ​​របស់​កសិករ​ បញ្ហាជី តម្លៃប្រេងឥន្ធៈ ដីធ្លី​ និង ការ​ធ្វើ​​យ៉ាងណា​​ដើម្បី​​ឲ្យ​​កសិករ ​ទទួល​​បាន​​កម្ចី​ឥណទាន​ខ្នាត​​តូច​​ជា​ក្រុម
Read More