ថ្ងៃ | ទស្សនាទិដ្ឋភាពចរាចរណ៍ក្នុងរាជធានី​ភ្នំពេញ
 មុខតំណែងនាយករដ្ឋមន្រ្តី ត្រូវទទួលបានប្រាក់បំណាច់មុខងារក្នុងមួយខែៗ ៣.៦៧៥.០០០រៀល, ឧបនាយករដ្ឋមន្រ្តី ២.៨០០.០០០រៀល, ទេសរដ្ឋមន្រ្តី ២.៤៥០.០០០រៀល, រដ្ឋមន្រ្តី ២.១០០.០០០រៀល, រដ្ឋលេខាធិការ ១.៧៥០.០០០រៀល និងអនុរដ្ឋលេខាធិការ ១.៤០០.០០០រៀល៕​ ||​  ||   

សុខភាព ៖ ការព្យាបាល​សម្រាប់​អ្នកជំងឺ​ទឹកនោម​ផ្អែម​ដែល​មាន​ជាតិ​ស្ករ​ចុះ​ទាប

ការធ្លាក់​ចុះ​កម្រិត​ជាតិ​ស្ករ​ទាប នៅក្នុង​ឈាម (Hypoglycemia) ពេល​ខ្លះ​ក៏​ត្រូវបាន​គេ​ហៅ​ផងដែរ​ថា ជា​ប្រតិកម្ម​របស់​អាំង​ស៊ុយ​លីន ។ វា​កើត​មាន​បាន នៅពេលដែល ជាតិ​គ្លុយកូស នៅក្នុង​ឈាម​អ្នក​ធ្លាក់ចុះ ទាប ជាង​ធម្មតា​។ បើ​ទោះ​ជា​អ្នក​អាច ធ្វើ​រាល់​អ្វីៗ ដែល​អាច​ជួយ​គ្រប់គ្រង​ជំងឺ​ទឹកនោម​ផ្អែម​បាន ក៏ ការ ធ្លាក់ចុះ​ជាតិ​ស្ក​រនេះ អាច​កើតមាន ហើយ​វា​អាច​នឹង​ត្រូវបាន​គេ​ធ្វើការ ព្យាបាល​បាន និង ត្រូវ​ចាត់វិធានកា​រណ៍ ដោះស្រាយ អោយ​បាន​ភ្លាមៗ មុនពេល​ដែល​ស្ថានការណ៍ កាន់តែ​អាក្រក់​ជាង​នេះ ។​

​ប្រសិនបើ​អ្នក​បាន​ចាំ​ពី ពេលវេលា​នៃ​ការត្រួតពិនិត្យ​ជាតិ​ស្ករ​នៅក្នុង​ឈាម តាម​អ្វី​ដែល​គ្រូពេទ្យ​បាន​ប្រាប់ នោះ​អ្នក​ឱកាស របស់​អ្នក ក្នុងការ​ប្រឈម​នឹង​បញ្ហា​នេះ អាច​នឹង​ទាប​ជាង​មុន​បាន​។ លទ្ធផល​របស់ គ្លុយកូស​ទាប នៅក្នុង​ឈាម ក៏​នឹង​អាច​ប្រាប់​អ្នក​បាន​ផង​ដែរ​ថា អ្នកនឹង​ត្រូវការ ការព្យាបាល​វា​។​

​ប្រសិនបើ​អ្នក​មាន​រោគសញ្ញា​ណាមួយ នៃ​ការធ្លាក់​ចុះ​កម្រិត​ជាតិ​ស្ករ​នៅក្នុង​ឈាម នោះ​អ្នក​គួរតែ ធ្វើការ ត្រួតពិនិត្យ​នូវ កម្រិត​ជាតិ​ស្ករ​ក្នុង​ឈាម​អ្នក អោយបាន​ត្រឹមត្រូវ ។ ប្រសិនបើ​លទ្ធផល បន្ទះ​តេស្ត​ឈាម បាន​ប្រាប់​អ្នក​ថា ជាតិ​ស្ករ​របស់​អ្នក ចុះ​ទាប​ខ្លាំង​នោះ អ្នក​ត្រូវ​ប្រញាប់​ធ្វើការ​ព្យាបាល​អោយបាន​ជា បន្ទាន់ ។ សមាគមន៍​ជំងឺ​ទឹកនោម​ផ្អែម​អាមេរិក បាន​និយាយថា ប្រសិនបើ​អ្នក មាន​អារម្មណ៍​ថា អ្នក​មាន​ប្រតិកម្ម នៃ​ជាតិ​ស្ករ ក្នុង​ឈាម តែ​អ្នក​មិន​អាច​ធ្វើការ​ពិនិត្យ​ជាតិ​ស្ករ​ក្នុង​ឈាម​របស់​អ្នក បាន​ភ្លាមៗ នោះ​វា​ជា ការប្រសើរ ដែល​អ្នក​ត្រូវ​ធ្វើការ​ព្យាបាល​រោគសញ្ញា​នៃ​ប្រតិកម្ម​នេះ ជាជាង រង់ចាំ​រហូតដល់​អ្នក អាច​ត្រួតពិនិត្យ​ជាតិ​ស្ករ​ក្នុង​ឈាម​បាន​។

​តើ​អ្នក​អាច​ធ្វើការ​ព្យាបាល ការធ្លាក់​ចុះ​កម្រិត​ជាតិ​ស្ករ​ក្នុង​ឈាម​បាន​ដោយ​របៀប​ណា​?

​អ្វី​ដែល​អ្នក​ត្រូវ​ធ្វើជា​ចំបង​នោះ​គឺ អ្នក​ត្រូវ​ធ្វើ​យ៉ាងណា អោយ​កម្រិត​ជាតិ​ស្ករ​នៅក្នុង​ឈាម​នេះ អាច​ត្រលប់​ឡើង​ខ្ពស់​មក រក​សភាព​ធម្មតា​វិញ ។ វិធី​ដែល​លឿន​បំផុត​នោះ​គឺ អ្នក​ត្រូ​វញុំា​របស់​អ្វី​ផ្អែមៗ ដែល​មាន​ផ្ទុក​ជាតិ​ស្ករ​ក្នុងនោះ ។ សមាគមន៍ ជំងឺ​ទឹកនោម​ផ្អែម​អាមេរិក ក៏​បាន​ណែនាំ​ទៀត​ផង​ដែរ​ថា ៖

- ​អ្នក​អាច​លេបថ្នាំ​គ្រាប់​គ្លុយកូស ៣​គ្រាប់ (​វា​អាច​រក​ទិញ​បាន នៅតាម​ឱសថស្ថាន​នានា​)

- ​ទឹក​ផ្លែឈើ​ស្រស់ កន្លះ​កែវ​

- ​បៀម​ស្ករ​គ្រាប់​ផ្អែម អោយបាន ៥ ទៅ ៦​គ្រាប់

​អ្នក​គួរ​ធ្វើការ​ពិភាក្សា​ជាមួយ​អ្នកជំនាញ​ផ្នែក​អាហារ​បំប៉ន និង អ្នកផ្តល់​សេវាកម្ម​ផ្នែក​សុខភាព ដើម្បី​ទទួល បាន​នូវ​ដំបូន្មាន​ល្អៗ អំពី​អ្វី​ដែល​អ្នក គួរ​បរិភោគ ដើម្បី​អាច​ដោះស្រាយ បញ្ហា​នៃ​ការធ្លាក់ចុះ កម្រិត​ជាតិ​ស្ករ នៅក្នុង​ឈាម ។​

​ចូរ​ប្រាកដថា អ្នក​តែងតែ​មាន​នូវ ស្ករ​គ្រាប់​ផ្អែម​ប្រភេទ​ណាមួយ ដាក់​តាម​ខ្លួន​ជានិច្ច ដើម្បី​បង្ការ​នូវ បញ្ហា​នេះ ។ ​ធ្វើការ​ត្រួតពិនិត្យ​ជាតិ​ស្ករ​, ព្យាបាល​វា និង រង់ចាំ​អោយ​បាន​រយៈពេល ២០​នាទី​​បន្ទាប់​​ពី​អ្នក​បាន​ត្រួតពិនិត្យ​ជាតិ​ស្ករ នៅក្នុង​ឈាម និង បាន​ធ្វើការ​ព្យាបាល​វា រួចហើយ នោះ​អ្នក ត្រូវ​រង់ចាំ រយៈពេល​ចន្លោះ​ពេល​ពី ១៥ ទៅ ២០​នាទី ដើម្បី​ធ្វើ​ការត្រួតពិនិត្យ​ជាតិ​ស្ករ​របស់​អ្នក​សារ​ឡើង វិញ​ម្តង​ទៀត ។ ប្រសិនបើ​កម្រិត​គ្លុយកូស​នៅក្នុង​ឈាម នៅតែ​ទាប​ដដែល នោះ​អ្នក​ត្រូវ​ចាប់ផ្តើម ធ្វើការ សាកល្បង​ព្យាបាល​វា​ឡើងវិញ រួច​រង់ចាំ រយៈពេល ១៥ ទៅ ២០​នា​ទៅ និង ធ្វើតេស្ត​ឈាម​ពិនិត្យមើល ជាតិ​ស្ករ​ម្តងទៀត ។​

​អ្នក​ត្រូវ​ចងចាំ និង អនុវត្ត​អោយ​ច្បាស់ នូវ​ពេលវេលា ដែល​អ្នក​ត្រូវ​បរិភោគ​អាហារ ។ អាហារ​ចំបង និង អាហារសម្រន់​ដែល​ទៀងពេល​របស់​អ្នក គឺ​មាន​សារៈសំខាន់​បំផុត ក្នុង​ការរក្សា​កម្រិត​ជាតិ​ស្ករ ក្នុង​ឈាម របស់​អ្នក អោយបាន​ស្ថេរភាព តាម​ដែល​អាច​ធ្វើបាន ។ ការធ្លាក់​ចុះ​កម្រិត​ជាតិ​ស្ករ ក្នុង​ឈាម​អាច​ប៉ះពាល់​ដល់  សិរីរៈ​នៅក្នុង​រាងកាយ ជាពិសេស​នោះ គឺ​ខួរក្បាល​របស់​អ្នក ។

​អ្នក​ត្រូវ​យកចិត្តទុកដាក់​ជា​ចំបង​នូវ បញ្ហា​នៃ​ការធ្លាក់​ចុះ​កម្រិត​ជាតិ​ស្ករ​នៅក្នុង​ឈាម​

​ការធ្លាក់​ចុះ​កម្រិត​ជាតិ​ស្ករ នៅក្នុង​ឈាម ប្រសិនបើ​មិន​អាច​ធ្វើការ​ព្យាបាល បាន​ភ្លាមៗ​ទេ នោះ​ស្ថានភាព ជា​ទូទៅ​របស់​អ្នកជំងឺ​នឹង​កាន់តែ​អាក្រក់​ឡើង ហើយ​អ្នកជំងឺ​នឹង​អាច​សន្លប់​បាន​ផង​ដែរ ។​ ​អ្នកជំងឺ​ដែល​បាន​សន្លប់​ដោយ​សារ ការធ្លាក់​ចុះ​កម្រិត​ជាតិ​ស្ករ​នេះ នឹង​ត្រូវ​ធ្វើការ​ព្យាបាល​អោយបាន ភ្លាមៗ ដូច​ជា​ការ ចាក់​ថ្នាំ គ្លុយ​កា​ហ្គុ​ង ឬ ជា​ការបញ្ជូន​ទៅកាន់​បន្ទប់សង្គ្រោះបន្ទាន់​ជាដើ​ម ។​

​តើ​ថ្នាំ​ចាក់ គ្លុយ​កា​ហ្គុ​ង អាច​ជួយ​អ្វី​បាន​ខ្លះ​ដល់​អ្នក​?

​ការចាក់​ថ្នាំ​គ្លុយ​កា​ហ្គុ​ង​នេះ គឺ​ប្រៀប​បាន​ទៅនឹង អាំង​ស៊ុយ​លីន​ដែរ ។​តែ​ទោះជា​យ៉ាងណាក៏ដោយ គ្លុយ​កា​ហ្គុ​ង គឺ​អាច​បង្កើន​កម្រិត​ជាតិ​ស្ករ នៅក្នុង​ឈាម​បាន​។ អ្នក​គួរ​ធ្វើការ​សាកសួរ​គ្រូពេទ្យ​ថា តើ​អ្នក អាច​ទិញ​វា ទុក​ប្រើ​បាន​ដោយ​ខ្លួនឯង បាន​ដែរឬទេ​?

​ការ​មិន​បាន​ដឹងខ្លួន​ជា​មុន​អំពី​បញ្ហា​នៃ​ការធ្លាក់​ចុះ​កម្រិត​ជាតិ​ស្ករ​ក្នុង​ឈាម​

​វា​ពិតជា​អាចទៅរួច ហើយ​នឹង​គ្មាន​អ្វី ដែល​មាន​លក្ខណៈ​មិន​ធម្មតា​នោះទេ ដែលថា មនុស្ស​ម្នាក់​អាច នឹង​សន្លប់​បាន និង មិន​ដែល​បាន​សម្គាល់​ទាល់តែ​សោះ​ថា ពួកគេ​បាន​រងគ្រោះ ពី​បញ្ហា​នៃ​ការធ្លាក់​ចុះ​ជាតិ ស្ករ​នេះ ។ ចំណុច​នេះ ត្រូវបាន​គេ​ហៅថា ការ​មិន​បាន​ដឹងខ្លួន​ជា​មុន ពី​ស្ថានភាព​នៃ​ការធ្លាក់​ចុះ​កម្រិត​ជាតិ ស្ករ​ក្នុង​ឈាម ។​

​ការធ្លាក់​ចុះ​កម្រិត​ជាតិ​ស្ករ​នៅក្នុង​ឈាម ដែល​មិន​បានដឹងខ្លួន​ទាល់តែ​សោះ​នោះ ជាធម្មតា តែងតែ​កើត មាន​ចំពោះ​អ្នកជំងឺ ដែល​បាន​រស់នៅ ក្នុង​រយៈពេល​យូរ​មក​ហើយ​ជាមួយ​នឹង​ជំងឺ​ទឹកនោម​ផ្អែម​នេះ និង ជាមួយ​ក្រុម​អ្នកជំងឺ​ដែល​បាន​ទទួលរង ការខូចខាត​សសៃប្រសាទ​, អ្នកជំងឺ​ទឹកនោមផ្អែម ដែល​បាន​ប្រើ​ថ្នាំ​បញ្ចុះ​សម្ពាធ​ឈាម និង ចំពោះ​អ្នកជំងឺ​ដែល​កំពុង ស្ថិត​ក្នុង​ការគ្រប់គ្រង​កម្រិត​គ្លុយកូស ក្នុង​ឈាម​យ៉ាង តឹងរឹង​ផងដែរ ។​

​រោគសញ្ញា​របស់​ការធ្លាក់​ចុះ​កម្រិត​ជាតិ​ស្ករ នៅក្នុង​ឈាម​មាន​ដូចជា ៖

- ​មាន​អារម្មណ៍​ថា ឈឺ​ចាក់ៗ នៅ​ជុំវិញ​មាត់​
- ​វិលមុខ ឬ ធី​ង​ធោង​
- ​បែក​ញើស​
- ​ញ័រ​ខ្លួន ឬ ញ័រ​ដៃជើង​
- ​ឈឺក្បាល​
- ​ស្បែក​ស្លេកស្លាំង​
- ​ឆាប់​ខឹង មួ​ម៉ៅ មាន​អារម្មណ៍មិនល្អ
- ​ប្រកាច់​
- ​មានការ​ភ័ន្តច្រលំ​
- ​ធ្វើ​អ្វីៗ​បាន​ដោយ​ឆ្គាំឆ្គង​
- ​ស្រែក​ឃ្លាន​ខ្លាំង ៕

​អត្ថបទ​ត្រួតពិនិត្យ​ដោយ​វេជ្ជ​.​ងួន សេ​រ័ត្ន​
(ដក​ស្រង់​ពី​គេហទំព័រ Health.com.kh)

Copyright © 2010-2014 · The Free Press Magazine · All Rights Reserved.
-