ថ្ងៃ | ទស្សនាទិដ្ឋភាពចរាចរណ៍ក្នុងរាជធានី​ភ្នំពេញ
 សមាគម​រោងចក្រកាត់ដេរ​នៅ​កម្ពុជា (GMAC) បាន​ឲ្យ​ដឹងថា រោងចក្រកាត់ដេរទូទាំងប្រទេស នឹងបើក​ដំណើរ​ការធម្មតា​ឡើងវិញ​ នៅថ្ងៃទី២១ ខែមេសា ឆ្នាំ២០១៤៕​  ||   

ឧប​នាយក​​រដ្ឋ​​មន្រ្តី​​យឹម​ ឆៃ​​លី​ ​បញ្ចេញ​កណ្តាប់​ដៃ​​ដែក​​បង្រ្កាប​​បទ​​ល្មើស​​នេ​សាទ​​ខុស​​ច្បាប់​

លោក ណៅ ធួក និង លោក ប៉ោ ទ្រី ចុះ ពិនិត្យ ការ ធ្វើ អធិ ការ កិច្ច ការ នេ សាទ ខុស ច្បាប់ នៅ ខេត្ត កំពង់ ចាម កាល ពី ថ្ងៃ ទី ១៨ ធ្នូ

ការ​​នេ​​សាទ​​ទ្រង់​​ទ្រាយ​​ធំ​​យ៉ាង​​អនា​​ធិប​​តេយ្យ​​ដោយ​​ក្រុម​​ឈ្មួញ​​ទុច្ខ​រិត​​ ​ដែល​​អាង​​ខ្នង​​អ្នក​មាន​​អំណាច​​ កំពុង​​​ត្រូវ​បាន​​​បង្រ្កាប​​តាម​​រយៈ​​អនុ​​សាសន៍​​របស់​​ឧប​​នាយក​​រដ្ឋ​​មន្រ្តី​​ យឺម​​ ​ឆៃលី​​ ​ប្រធាន​​ក្រុម​​ប្រឹក្សា​​ស្តារ​​និង​​អភិ​វឌ្ឍន៍​​​វិស័យ​​កសិកម្ម​​ ​និង​​ជន​​បទ​​ ​​។​

​កាល​​ពី​​ថ្ងៃ​​១៨​​ធ្នូ​​ លោក​​ណៅ​​ ​​ធួក​​ ​ប្រធាន​​​រដ្ឋ​​​បាល​​​ជល​​​ផល​​​ ​​​និង​​​លោក​​​ប៉ោ​​ ​​ទី្រ​​ រដ្ឋ​​លេខា​​ធិការ​​ក្រ​សួង​​កសិ​កម្ម​​  បាន​​ចុះ​​ត្រួត​​ពិនិត្យ​​ការ​​ធ្វើ​​អធិការ​​កិច្ច​​លើ​​បង្រ្កាប​​បទ​​ល្មើស​​នេ​​សាទ​​នៅ​​ខេត្ត​​កំពង់​​ចាម​​។​​
​មន្រ្តី​​រដ្ឋ​​បាល​​ជល​​ផល​ ​បាន​​អោយ​​ដឹង​​ថា​ ការ​​​ចុះ​​​ធ្វើ​​​អធិ​ការ​​​កិច្ច​​​ការបង្រ្កាប​​បទ​​​​ល្មើស​​​នេ​​​សាទ​​​នេះ​ធ្វើ​​​​ឡើង​​​នៅ​​​តាម​​​ចំណុច​​​សំខាន់​​ៗ​​ក្នុង​​ភូមិ​​សាស្ត្រ​​ខេត្ត​​​កំពង់​ចាម​​​​ ​​មាន​​ជា​​អាទិ័​​ ចំណុច​​បឹង​​បាក់​​រទេះ​​ ​​ស្ថិត​​ក្នុង​​ភូមិ​​អូរ​​ស្វាយ​​ ឃុំ​ព្រែក​កុយ​ ​ស្រុក​កង​មាស​ ​ឃុំ​រាំង​ជ្រៃ​ ​ឃុំ​ច្បារ​អំពៅ​ ​ស្រុក​បា​ធាយ​ ។
មន្ត្រី​​ដដែល​​បាន​​អោយ​​ដឹង​​ថា​​ ​​លទ្ធ​​ផល​​ក្នុង​​ការ​​បង្ក្រាប​​បាន​​នៅ​​ក្នង​​ដំណើរ​​ធ្វើ​​អធិការ​​កិច្ច​​លើ​​អធិការ​​កិច្ច​​នេះ​គឺគេបានរឹបអូស​នូវ​ឡូ​​ស្បៃ​​មុង​​​១០​​ឡូត៍​ ​ប្រវែង​​៥០០​​ម៉ែត្រ​​ អួន​​ស្បៃ​​មុង​​មួយ​​គ្រឿង​​ ​ប្រវែង​​១០០​​ម៉ែត្រ​​ របាំង​​ត្រចៀក​​ដំរី​​៣​​កន្លែង​ ​ប្រវែង​​៣០​​ម៉ែត្រ​​ ​។ ​លើស​ពី​នេះ ប្រតិ​ភូ​ពិនិត្យ​អធិការ​កិច្ច​បាន​បញ្ជា​អោយ​ចាក់​​​ត្រី​​​ចំរុះ​​​ ទម្ងន់​​៥០​​​គីឡូ​ក្រាម​​ទៅ​​​ក្នុង​​អាង​​​ធម្ម​​ជាតិ​​​ និង​​​​ចាប់​​​បាន​​ជន​​ល្មើស​​ចំនួន​​​១​នាក់​​ដើម្បី​​យក​​ទៅ​​អប់រំ​​ណែ​​នាំ​​ ​។​
ក្រុម​​ត្រួត​​ពិនិត្យ​​អធិការ​​កិច្ច​​នេះ​​ក៏​​បាន​​ចុះ​​ទៅ​​តាម​​បណ្តា​​ចំណុច​​គោល​​ដៅ​​ត្រួត​​ពិនិត្យ​​មួយ​​ចំនួន​​ទៀត​​ ​​ដូច​ជា​​នៅ​​ស្រុក​​កោះ​​ធំ​ ​​ខេត្ត​​កណ្តាល​​ ​​ជា​​ដើម​​ ​​។ ​នេះ​​បើ​យោង​​តាម​​មន្រ្តី​​នៃ​​ក្រុម​​ប្រឹក្សា​​ស្តារ​​ ​និង​​អភិវឌ្ឍន៍​​វិស័យ​​កសិ​កម្ម​​ ​និង​​ជន​​បទ​​ ​​។​​

នេះ​គឺ​ជា​ការ​កត់​សម្គាល់​លើក​ដំបូង​ទៅ​លើ​ចំណាត់​ការ​ដ៏​ម៉ឺង​ម៉ាត់​របស់​ប្រធាន​ក្រុម​ប្រឹក្សា​ដែល​គ្រប់​គ្រង​ក្រសួង​ចំនូន​៦​ ​នៃ​ប្រទេស​កម្ពុជា​មួយ​នេះ​ ទៅ​លើ​ការ​នេសាទ​ ខុស​ច្បាប់​ទ្រង់​ទ្រាយ​ធំ ​បន្ទាប់​ពី​សំណុំ​រឿង​ពុក​រលួយ​ឡូតិ៍​នេសាទ​ខុស​ច្បាប់​នៅតាម​បណ្តា​ខេត្ត​ខ្លះ​មិន​អាច​បំបែក​បាន ដោយ​សារ​តែ​ស្តេច​ត្រាញ់​ប្រចាំ​តំបន់​មួយ​​ចំនួន​មាន​ខ្នង​ក្រាស់​ៗ​ ​ដែល​មន្ត្រី​បង្រ្កាប​បទ​ល្មើស​ខ្លះ​មាន​ការ​រួញ​រា​ មិន​ហ៊ាន​ប៉ះ​ពាល់​ ។​
យោង​តាម​ប្រសាសន៍​របស់​លោក​ទេស​រដ្ឋ​មន្ត្រី​អៀង​ មូលី​ អនុ​ប្រធាន​ទី១​ នៃ​ក្រុម​ប្រឹក្សា​ស្តារ​ ​និង​អភិវឌ្ឍន៍​វិស័យ​កសិកម្ម​ និង​ជន​បទ​ ​ក្រុម​ការ​ងារ​ពិសេស​មួយ​ រួម​​ ​មាន​សមាស​ភាព​ពី​ក្រុម​ប្រឹក្សា​នេះ​ រដ្ឋ​បាល​ជល​ផល​ ​មន្រ្តី​ក្រសួង​កសិកម្ម​ ​កង​រាជ​អាវុធ​ហត្ថ​ ​ប៉ូ​លីស​ ​អាជ្ញាធរ​ដែន​ដី​ និង​ស្ថាប័ន​ពាក់​ព័ន្ធ​ បាន​ត្រូវ​បង្កើត​ឡើង​តាម​រយៈ​សេចក្តី​សំរេច​​មួយ​របស់​លោក​ឧប​នាយក​រដ្ឋ​មន្ត្រី​យឹម ​ឆៃលី​ ​ដើម្បី​ចុះ​ពិនិត្យ​ការ​បង្រ្កាប​បទ​ល្មើស​នេ​សាទ​នៅ​តាម​ចំណុច​កត់​សម្គាល់​មួយ​ចំនួន​ បន្ទាប់​ពី​ការ​ដាក់​ចេញនូវអនុសាសន៍​របស់​លោក​នាយក​រដ្ឋមន្ត្រី​ហ៊ុន​សែន​ ​កាល​ពី​ខែ​វិច្ឆិកា​នេះ​ ​។
ក្រុម​ប្រឹក្សា​ស្តារ​ ​និង​អភិវឌ្ឍន៍​វិស័យ​កសិកម្ម​ និង​ជន​បទ​ ​មាន​អាណត្តិ​គ្រប់​គ្រង​ក្រសួង​ចំនួន​៦​ ​រួមមានក្រសួង​កសិកម្ម​ ​អភិ​វឌ្ឍន៍​ជន​បទ​ ​សុខា​ភិបាល​ បរិ​ស្ថាន​ ធន​ធាន​ទឹក​ និង​គម​នាគមន៍​, នេះ​បើយោង​តាម​ប្រសាសន៍​របស់​លោក​ទេស​រដ្ឋ​មន្រ្តីអៀង​ ​មូលី​ ៕​

Copyright © 2010-2014 · The Free Press Magazine · All Rights Reserved.
-