Sunday, August 2nd 2015
 Last News :
 អតីតព្រះសង្ឃ​ខ្មែរ​ក្រោមពីរ​អង្គ ត្រូវបញ្ជូនទៅស្នងការដ្ឋាននគរបាលរាជធានី​  .....     អាជ្ញាធរថា ភ្លៀង​មួយ​មេ នៅ​ល្ងាច​ថ្ងៃទី​១​សីហា​នេះ លិច​ផ្លូវ​ជាច្រើន​នៅរាជធានី​ភ្នំពេញ​  .....     សង្គមស៊ីវិលជាង ២០អង្គការ ទូលថ្វាយព្រះមហាក្សត្រ មេត្តាមានព្រះរាជតម្រិះទៅលើការឡាយព្រះហស្ថលេខា ចំពោះច្បាប់អង្គការសមាគម​  .....     ឃាត់​ខ្លួន​សង្ឃ​២​អង្គគង់នៅវត្តអង្គតាម៉ិញ ​ករណី​រក្សាទុកថ្នាំ​ញៀន១​កញ្ចប់​តូច​​  .....     សមាជិកបក្សសង្គ្រោះជាតិ ឧត្តរមានជ័យ ៥៦៤នាក់ ចុះចូលជាមួយបក្សប្រជាជនកម្ពុជា តែសង្រ្គោះជាតិថាជាយុទ្ឋសាស្ត្ររបស់បក្សកាន់អំណាច​  .....   

មជ្ឈមណ្ឌល​សិទ្ធិ​មនុស្ស​កម្ពុជា​អំពាវនាវ​ឲ្យ​ប្រទេស​ជប៉ុន​និយាយ​ថែម​ទៀត​ពី​បញ្ហា​សិទ្ធិ​មនុស្ស និង​លទ្ធិ​ប្រជាធិបតេយ្យ​នៅ​កម្ពុជា

មជ្ឈមណ្ឌល​សិទ្ធិ​មនុស្ស​កម្ពុជា​នៅ​ថ្ងៃ​សុក្រ​នេះ បាន​ធ្វើ​ការអំពាវនាវ​មួយ​ដល់​នាយក​រដ្ឋមន្រ្តី​ជប៉ុន ដែល​ទើប​នឹង​ជាប់​ឆ្នោត​ថ្មី​គឺ​លោក ហ្ស៊ីនហ្សូ អាបេ ឲ្យ​និយាយ​ថែម​ទៀត​ពី​បញ្ហា​សិទ្ធិ​មនុស្ស និង​លទ្ធិ​ប្រជាធិបតេយ្យ​នៅ​ក្នុង​ប្រទេស​កម្ពុជា ខណៈ​ប្រទេស​នេះ​គឺ​ជា​ម្ចាស់​ជនួយ​ធំ​មួយ​របស់​ប្រទេស​កម្ពុជា​នោះ។

លោក ហ្ស៊ីនហ្សូ អាបេ នាយករដ្ឋមន្រ្តីថ្មីរបស់ប្រទេសជប៉ុន

ក្នុង​សេចក្តី​ថ្លែង​ការណ៍​ចុះ​ថ្ងៃទី២១ ខែ​ធ្នូ ឆ្នាំ​២០១២ មជ្ឈមណ្ឌល​សិទ្ធិ​មនុស្ស​កម្ពុជា​បាន​លើក​ឡើង​ថា ប្រទេស​ជប៉ុន​បាន​ដើរ​តួនាទី​ដ៏​សំខាន់​ជា​យូរ​ណាស់​មក​ហើយ​ក្នុង​ការ​ផ្តល់​នូវ​មូលនិធិ​ដល់​កម្ពុជា ទោះ​ជា​ប្រទេស​ជប៉ុន​ពុំ​សូវ​មាន​កំណត់​ត្រា​ល្អ​ក្នុង​លើក​ឡើង​ពី​បញ្ហា​សិទ្ធិ​មនុស្ស និង​លទ្ធិ​ប្រជាធិបតេយ្យ​ក្តី។ មជ្ឈមណ្ឌល​សិទ្ធិ​មនុស្ស​កម្ពុជា​បាន​បន្ត​ថា ប្រសិន​ជា​ប្រទេស​ជប៉ុន​បន្ត​ផ្តល់​ជំនួយ​ដែល «ពុំ​មាន​ភ្ជាប់​ចំណង» និយាយ​ម្យ៉ាង​ទៀត ការ​អនុវត្តន៍​តាម​គំរូ​របស់​ប្រទេស​ចិន​នោះ មិន​ត្រឹម​តែ​សិទ្ធិ​មនុស្ស​នឹង​ត្រូវ​បាន​បន្ត​រំលោភ​បំពាន​នោះ​ទេ តែ​ជំនួយ​ទាំង​នោះ ក៏​នឹង​បង្កើត និង​បណ្តុះ​ឲ្យ​មាន​វប្បធម៌​ពឹង​ផ្អែក​ប្រទេស​ដទៃ​ទាំង​ស្រុង។ តែ​ផ្ទុយ​ទៅ​វិញ ប្រសិន​បើ​ប្រទេស​ជប៉ុន​អាច​ដាក់​សម្ពាធ​ជាក់​លាក់​លើ​រាជរដ្ឋាភិបាល​កម្ពុជា ដើម្បី​អភិវឌ្ឍ និង​ពង្រឹង​នីតិរដ្ឋ​ក្នុង​ប្រទេស​កម្ពុជា ហើយ​បើ​ប្រទេស​ជប៉ុន​ដាក់​លក្ខខណ្ឌ​លើ​ជំនួយ និង​វិនិយោគទុន នៅ​គ្រា​ដែល​ខ្លួន​មាន​សិទ្ធិ​ធ្វើ​យ៉ាង​ដូច្នោះ នោះ​បញ្ហា​នេះ​នឹង​មិន​ត្រឹម​តែ​បម្រើ​ឲ្យ​ប្រជាពលរដ្ឋ​ខ្មែរ​ប៉ុណ្ណោះ​ទេ តែ​ថែម​ទាំង​បម្រើ​ឲ្យ​ធុរកិច្ច​ទាំង​ឡាយ​របស់​ជប៉ុន ដែល​សង្ឃឹម​ថា នឹង​វិនិយោគ​នៅ​ប្រទេស​កម្ពុជា​ផង​ដែរ។

លោក អ៊ូ វីរៈ ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា​បាន​និយាយ​នៅ​ក្នុង​សេចក្តី​ថ្លែង​ការណ៍​ថា «ប្រទេស​ជប៉ុន​មិន​ត្រូវ​ខ្លាច​ក្នុង​ការ​លើក​ឡើង​ប្រឆាំង​នឹង​ការ​រំលោភ​បំពាន​សិទ្ធិ​មនុស្ស​ជា​ច្រើន ដែល​កំពុង​តែ​កើត​មាន​ឡើង​ក្នុង​ប្រទេស​កម្ពុជា​ជា​ប្រចាំ​នោះ​ទេ។ ក្នុង​នាម​ជា​មិត្ត និង​សម្ព័ន្ធ​មិត្ត​អស់​ជា​ច្រើន​ទស្សវត្សរ៍​មក​ហើយ​នោះ ប្រជាពលរដ្ឋ​ខ្មែរ​ទន្ទឹង​មើល​ប្រទេស​ជប៉ុន ដូច​ជា​ភ្លើង​សញ្ញា​នៃ​ការ​គោរព​សិទ្ធិ​មនុស្ស និង​លទ្ធិ​ប្រជាធិបតេយ្យ…»។ «ប្រទេស​ជប៉ុន​មិន​ត្រូវ​ឲ្យ​កម្ពុជា​ធ្លាក់​ថម​ថយ​នោះ​ទេ និង​គួរ​តែ​ចាប់​ផ្តើម​ប្រើ​នូវ​អនុភាព​របស់​ខ្លួន ក្នុង​ការ​ជួយ​ជម្រុញ​ការ​អភិវឌ្ឍន៍​នៅ​កម្ពុជា»៕

comment closed

Copyright © 2010-2015 · The Free Press Magazine · All Rights Reserved.
Develop by Sek Sathya