ឆ្លងកាត់វិញ្ញាសារដ៏តានតឹងអំឡុងការបោះឆ្នោតជាតិកាលពីថ្ងៃពុធម្សិលមិញលោកស្រី ប៉ាក ហ្គឺន-ហ្យេ ពីគណបក្សអភិរក្សនិយម បានទទួលជោគជ័យដ៏ត្រចះត្រចង់ ដែលនឹងក្លាយជាប្រធានាធិបតីស្ត្រីលើកទីមួយនៃប្រវត្តិសាស្ត្រប្រទេសមហាអំណាចសេដ្ឋកិច្ចទី៤នៅអាស៊ីមួយនេះ ។
លោកស្រី ប៉ាក ពេលទទួលបាន ជោគជ័យ អំឡុង ការ បោះ ឆ្នោត កាលពី ម្សិលមិញ
ទីភ្នាក់ងារព័ត៌មានចិនស៊ិនហូ បានរាយការណ៏នៅថ្ងៃព្រហស្បតិ៏នេះថា ជាមួយនឹងសម្លេងឆ្នោត ៩៤,៥ភាគរយ លោក ស្រីប៉ាក ដែលមានវ័យ ៦០ឆ្នាំ ហើយក៏ជាកូន ស្រីរបស់អតីតមេដឹកនាំ ផ្តាច់ការកូរ៉េខាងត្បូង លោក ផាក ជុងហេ ដែលសរុប ទៅបានឈ្នះ លើគូ ប្រជែងជាមួយ នឹងសម្លេង ៥១,៧ភាគរយ ក្លាយជាមនុស្សដំបូង ដែលទាក់ទាញ់ការគាំទ្រ ច្រើនជាងពាក់កណ្តាល នៃសម្លេងឆ្នោតទំាងអស់ ចាប់តំាងពីមាន ការបោះឆ្នោតតាមប្រព័ន្ធ ប្រជាធិបតេយ្យ ដែលផ្ដើមកាលពី ឆ្នាំ១៩៨៧មក។
លោកស្រី ប៉ាក បានយកឈ្នះលើគូប្រជែងមកពីគណបក្ស បង្រួបបង្រួម ដើម្បីប្រជាធិបតេយ្យ របស់លោក មូន ជែ-អ៊ីន ដែលទទួលបាន សម្លេងគំាទ្រតែ ៤៧,៩ភាគរយ៕
