Friday, July 31st 2015
 Last News :
 ជនបរទេស​ចំនួន​១១​នាក់​ ជាប់គាំងក្នុងជណ្តើរយន្ត នៅសណ្ឋាគារហង្សនាគ​  .....     សាលា​ឧទ្ធរណ៍សម្រេចបន្ត​ជាប់​ឃុំ​ជនជាប់ចោទប៉ុនប៉ង​ផ្ដួល​រំលំ​រដ្ឋាភិបាល ៧​នាក់ដដែល ​​  .....     លោកសត្យា រ័ក្ស ពិធីករវិទ្យុបាយ័ន បានទទួលមរណភាព ដោយ​រោគាពាធ​  .....     ក្រសួង​រៀបចំ​ដែនដី បដិសេធ របាយការណ៏​វិវាទ​ដីធ្លី​​របស់​លីកាដូ​  .....     ភ្លៀង​​​ធ្លាក់​មួយ​មេនៅ​រសៀល​នេះ បណ្តាល​ឲ្យលិច​ទឹកនិង​ស្ទះផ្លូវតំបន់​មួយ​ចំនួន ក្នុងរាជធានីភ្នំពេញ​  .....   

វិភាគ ៖ នីតិរដ្ឋនៅ​កម្ពុជា​​កំពុង​ត្រូវ​បាន​​ចំអក​

ដោយ ស.បទុម

Wednesday 19 December 2012 - 8:24 am - ផ្សាយក្នុងផ្នែក ៖ បទវិភាគ

ជិត​មួយ​ឆ្នាំ​ហើយ​ ដែល​បណ្ដាមជ្ឈដ្ឋានជាតិ និង អន្តរជាតិ​​បាន​ផ្ចង់អារម្មណ៏​​យ៉ាងយកចិត្តទុកដាក់​ទៅ​​លើ​​សំណុំរឿង​​របស់​អតីត​អភិបាលក្រុងបាវ៉ិត​​ ដែល​បានប្រើកាំភ្លើង​បាញ់​ទៅលើ​កម្មករ​​ឲ្យ​​រងរបួស​ធ្ងន់​​​ថា តើ​​​​កម្ពុជា​​​ដែល​​ត្រូវ​បានអះអាង​ថា ​ជានីតិ​រដ្ឋ​​នឹង​ចាត់​ការរឿងនេះ​​ដោយ​របៀបណា ?

កម្មការិនី ដែលរងគ្រោះ ដោយគ្រាប់កាំភ្លើងរបស់ ឈូក បណ្ឌិត នៅ តែ ដង្ហោយ រក យុត្តិធម៌

នៅ​ក្នុង​ប្រទេសកម្ពុជា​​ការបាញ់​បោះសេរី​ ដោយ​​មិនប៉ះពាល់​ដល់មនុស្ស​ គឺ​ត្រូវ​​ប្រឈម​​នឹង​​ទោស​ព្រហ្មទណ្ឌ​​រូច​ទៅ​ហើយ ​។ តែ​ទំនងលើសពីនេះលោក ឈូក បណ្ឌិត​ បានបាញ់​ធ្វើ​​ឲ្យ​កម្មការិនី​៣នាក់​រងរបូសធ្ងន់​​ អំឡុងកូដកម្មមួយ​​នៅ​ក្នុងតំបន់សេដ្ឋកិច្ចពិសេស​ Manhatan កាល​ពីថ្ងៃទី​ ២០​ខែកុម្ភៈ​ឆ្នាំ​២០១២​ ។

ភ្លាមៗ​បន្ទាប់ពីការបាញ់​​លោក ស ខេង ឧបនាយករដ្ឋមន្ត្រី​​និង​​ជារដ្ឋមន្ត្រី​​ក្រសួង​មហាផ្ទៃ​បាន​ប្រកាស​យ៉ាង​ច្បាស់​ណាស់ថា​ គឺ​​មាន​តែលោក ​ឈូក បណ្ឌិត ម្នាក់គត់​​ជា​អ្នក​ទទួលខុស​​​​ត្រូវ​​ចំពោះ​ការ​បាញ់​នេះ ។ លើស​ពីនេះ​​ទៀត​​ក្រុម​​របស់​​លោក ឈូក បណ្ឌិត​ ក៏​បាន​ស្វះស្វែង​​រក​ការ​សម្រប​សម្រួល​ជាមួយ​​ជនរងគ្រោះ​​ ដោយ​ស្នើសុំ​ឲ្យ​​ទម្លាក់​​ចោល​​ការប្ដឹងផ្ដល់​​ដោយ​ប្ដូរមក​ទទូល​យក​សំណងជំនួសវិញ​​។​នេះ​ជា​ការ​បញ្ជាក់​បានថា ​សូម្បី​​តែ​លោក ឈូក បណ្ឌិត ​ខ្លួន​ឯង​​ក៏​បាន​ទទួលស្គាល់ដែរ​​ថា​លោក ពិត​ជា​បាន​ប្រព្រឹត្ត​​កំហុស​បែប​នោះមែន​។

ប៉ុន្តែ​វា​បាន​​​ក្លាយ​ទៅ​​ជា​រឿងគួរឲ្យភ្ញាក់ផ្អើល​​ កាល​ពីម្សិលមិញ​​លោក ហ៊ីង ប៊ុនជា ព្រះ​រាជ​អាជ្ញា​អម​សាលា​ដំបូង​​ខេត្ត​ស្វាយរៀង​ បាន​ចេញ​មុខ​​មកអះអាងថា​ ដោយ​​គ្មានភស្តុតាងគ្រប់គ្រាន់​​លោក ឈូក បណ្ឌិត​ ត្រូវ​​បាន​តុលាការ លើកលែង​​ការចោទ​​ប្រកាន់​ហើយ ​​តាំងតែ​ពីសប្ដាហ៏មុន​ម៉្លេះ ។​​

ការ​សម្រច​នេះ​​បាន​ធ្វើ​​ឲ្យ​​មានភាពភាន់ភាំង​​យ៉ាងខ្លាំង ​ចំពោះ​​តម្លៃ​នីតិរដ្ឋនៅ​កម្ពុជា​​ថា តើ​​មាន​ន័យ​ដូចម្ដេច ? ដែល​ជា​​មួយ​​គ្នា​វា​ក៏បានជះ​​ឥទ្ធិពល​​ដ៏អាក្រក់ផងដែរ​​ទៅ​​លើ​មេ​ដឹកនាំ​ខ្មែរ​​ដែល​ជាញយ​​ដង​ធ្លាប់​​បាន​ប្រើពាក្យ ” កម្ពុជា ជា នីតិរដ្ឋ ” ឬជា រដ្ឋ​​ដែល​យក​ច្បាប់​ជាធំ ,​ តើ​ទិដ្ឋភាព​បៃបនេះ​​ឬ​ដែល​បញ្ជាក់​ពី​ការ​គោរពច្បាប់ ? ៕

comment closed

Copyright © 2010-2015 · The Free Press Magazine · All Rights Reserved.
Develop by Sek Sathya