ថ្ងៃ | ទស្សនាទិដ្ឋភាពចរាចរណ៍ក្នុងរាជធានី​ភ្នំពេញ
 មន្ត្រីរាជ​រដ្ឋាភិបាល ក្នុងអាណត្តិទី៥ ថៅកែ​រោងចក្រ និង​សហជីព ជួបប្រជុំ​ពិគ្រោះ​យោបល់ ស្តីពី​ការកំណត់​ប្រាក់ខែ​កម្មករ​នា​ព្រឹក​នេះ​​  ||   

កម្ពុជាសន្យា​ជម្រុញទំនាក់ទំនង​​ជាមួយ​​ជប៉ុន​​ឲ្យ​​កាន់តែខ្លាំងក្លា​

នៅ​ក្នុងពីធីមួយ​ឯខេត្តកោះកុង​កាលពីម្សិលមិញ​ ជា​ផ្នែក​​នៃការ​ចូលរួម​​សារទរ​​ជោគជ័យ​​របស់​គណបក្ស​ប្រជាធិបតេយ្យសេរី (LDP ) នៃ​លោក ហ្ស៊ីនហ្ស៊ូ អាបេ (​Shinzo Abe)  ដែលទើបជាប់​ឆ្នោត​ ហើយ​នឹង​ត្រូវ​បាន​​ជ្រើសតាំង​ជានាយក​រដ្ឋមន្ត្រី​ជប៉ុន​​នាពេលឆាប់ៗ​ខាងមុខ​នេះ​​នោះ​ មេដឹកនាំ​ខ្មែរ​​បាន​​សន្យាថា​ នឹង​ជម្រុញ​​ទំនាក់ទំនង​រវាង​កម្ពុជា​​និង​ជប៉ុន​​ឲ្យ​កាន់តែ​ខ្លាំងក្លា ។

លោក ហ្សីនហ្ស៊ូ អាបេ ដែល នឹង ត្រូវតែងតាំង ជានាយករដ្ឋមន្ត្រី ជប៉ុន នា ពេលឆាប់ៗ ខាង មុខនេះ

លោក ហ៊ុន សែន​ បាន​លើកឡើង​​នៅ​​ក្នុងលិខិត​​ចូលរួម​អបអរសាទរ​ជាផ្លូវការមួយ​​កាល​​ពី​​ថ្ងៃ​ទី​​១៧​ធ្នូ​ម្សិល​មិញ​​ផ្ញើ​ទៅ​កាន់​លោក ហ្ស៊ីនហ្ស៊ូ អាបេ ថា ” ទំនាក់​ទំនង​មិត្ត​ភាព​ និង​កិច្ច​សហ​ប្រតិបត្តិ​ការ​ប្រកប​ដោយ​ផ្លែ​ផ្កា​រវាង​កម្ពុជា​ និង​ជប៉ុន​​ពិត​ជា​ត្រូវ​បាន​បន្ត​​ពង្រឹង​ និង​ពង្រីក​ថែម​ទៀត​ ដើម្បី​ជា​ផល​ប្រយោជន៍​ទៅ​វិញទៅ​មក​សម្រាប់​ប្រជា​ជាតិ​ទាំង​ពីរ..”។​

ក្នុង​ឋានៈ​ជាប្រទេសម្ចាសជំនួយ​ធំទី​​២​​បន្ទាប់ពីចិន ​​លោក​​នាយក​រដ្ឋមន្ត្រី​ខ្មែរ​​ធ្លាប់​​បាន​​លើក​ឡើង​ដោយ​​ក្ដីរំពឹង​​ថា ​​ទោះ​​បី​ជាជប៉ុន​​មាន​ការផ្លាសប្ដូរ​មេដឹកនាំ​របស់ខ្លួន​យ៉ាងណាក្ដី​​ក៏​កញ្ចប់​ជំនួយ​របស់​ប្រទេស​នេះ​​មក​កាន់​កម្ពុជា​​មិនប្រែប្រួលដែរ ៕

Copyright © 2010-2014 · The Free Press Magazine · All Rights Reserved.
-