Friday, May 29th 2015
 Last News :
 ព្រះរាជ​ពិធីរាប់បាត្រ​ ព្រះសង្ឃមួយ​ម៉ឺន​អង្គ ​នៅ​មុខ​ព្រះបរមរាជវាំងនឹង​រៀប​ចំ​ធ្វើ​នៅ​ថ្ងៃ​៣​មិថុនា​  .....     គ្រោះ​​ថ្នាក់​​ចរាចរណ៏ ខែឧសភា ស្លាប់២៣២ របួស៨៨៦​  .....     ថៃ​​ចូលភ្ជួរ​ដី​ធ្វើស្រែ​នៅ​តំបន់ហាមឃាត់​ក្បែរ​បង្គោល​សីមា​លេខ​៤៥​  .....     លោកសុខសង្វារ កូនប្រុស​លោក​សុខអាន ត្រូវបានតែងតាំង​ជា​អគ្គនាយករង​អាជ្ញាធរ​ជាតិ​អប្សរា​  .....     លទ្ធ​ផល​នៃកិច្ច​ប្រជុំ​លើក​ទី​៥៣ នៃ​ក្រុមប្រឹក្សា​ជាតិប្រឆាំងអំពើពុករលួយ​ ​ថ្ងៃទី​២៨ ឧសភា​  .....   

ហីកូណូដា​ លាពី​ប្រធាន​បក្ស​បន្ទាប់​ពី​ចាញ់​ឆ្នោត

ដោយ ក.សំណាង

Monday 17 December 2012 - 10:57 am - ផ្សាយក្នុងផ្នែក ៖ ព្រឹត្តិការណ៍អន្តរជាតិ

លទ្ធផល​​នៃ​​ការបោះ​ឆ្នោត​​ក្នុង​ប្រទេសជប៉ុន​​កាល​ពី​ថ្ងៃអាទិត្យម្សិលមិញ​ បានឈានទៅ​​​បញ្ចប់​​អំណាច​​ដឹកនាំ​ប្រទេស​​របស់​គណបក្ស ​(DPJ) នឹង​ជំនួស​​ដោយគណបក្សគណបក្ស​ប្រជាធិបតេយ្យ​សេរី ​(LDP) ​ដែល ​ធ្លាប់​បាន​គ្រប់គ្រង​​អំណាច​​ដ៏​យូរ ​​ដឹកនាំ​ដោយ​លោក ​ស៊ីន​ហ្សូ អាបេ វិញ ។​ការបរាជ័យ​នេះ​​ក៏​បាន​ជម្រុញ​ឲ្យ​​លោក យ៉ូ​ស៊ី​ហ៊ី​កុ ណូ​ដា លាឈប់​ពីតួនាទី​​ជាប្រធានគណបក្ស​ (DPJ) ផងដែរ ។

លោក យ៉ូ ស៊ី ហ៊ី កុ ណូ ដា ដែលថា នឹងលាឈប់ ពី តួនាទី ជា ប្រធាន គណបក្ស DPJ កាល ពី ម្សិលមិញ

លោក ណូដា ត្រូវ​បាន​​ដកស្រង់សម្ដី​​ដោយប្រព័ន្ធផ្សព្វផ្សាយ​​កាល​ពីម្សិលមិញ​ថា ​” ​ខ្ញុំ​នឹង​​ឈប់​ជា​ប្រធាន​​គណបក្ស ​DPJ ​ពី​ព្រោះ​ខ្ញុំ​ចាត់ទុក​វា​ជា​ ការទទួលខុសត្រូវ​ធំ​ណាស់​ ។​​ខ្ញុំ​សុំ​ទោស​ដោយ​សារ​មិន​​អាច​បង្កើត​​លទ្ធផល​ ល្អ​សំរាប់​គណបក្ស​”​។

ការ​បរាជ័យ​របស់​គណបក្ស DPJ គឺ​ស្របពេល​ដែលស្ថាន​ភាព​ជម្លោះ​ហួងហែង​​គ្រប់គ្រងដែន​​កោះ​​រវាង​​ចិន​​និង​​ជប៉ុន​ កាន់​តែមាន​​សភាពតាន​តឹង ​ ។​ជា​មួយ​​គ្នា​​នៅ​​ប្រទេស​កម្ពុជា​ឯហ្នេះ​​វិញ​​លោក​នាយករដ្ឋមន្ត្រី​ខ្មែរ ​ហ៊ុន សែន ក៏​​បាន​ថ្លែង​​អប​អរសារទរ​​​ចំពោះ​ជ័យ​ជំនះ​របស់​លោក ស៊ីន​ហ្សូ អាបេ នៃគណបក្ស LDP ផងដែរ ។

គួរបញ្ជាក់ថា ជប៉ុនគឺជាប្រទេសម្ចាស់ជំនួយ​ធំ​​ ​លំ​ដាប់ទីពីររបស់កម្ពុជា​ ​បន្ទាប់ពីប្រទេស​ចិន​ ៕

comment closed

Copyright © 2010-2015 · The Free Press Magazine · All Rights Reserved.
Develop by Sek Sathya