Tuesday, April 28th 2015
 Last News :
 ឃាត់ខ្លួន​​ជន​ក្លែងបន្លំ​ធ្វើ​ជា​មន្ត្រី​យោធា​​ស័ក្តិ​៥ម្នាក់​​  .....     ​ចាប់បាន​យុវជន​ម្នាក់​ ភ្ជង់ប្លន់ម៉ូតូ​​ស្គូពីរបស់​នារី​២នាក់ នៅ​កោះ​ពេជ្រ​​  .....     សហភាព​​អឺរ៉ុប​​គ្រោង​​ចំណាយ​​ថវិការ ៤១០​​លាន​​យូរ៉ូ​​ដល់កម្ពុជាលើ​​វិស័យ​​ចំនួន​​៣​  .....     ទាហាន នៅច្រក​អូរ​បី​ជាន់ អនុញ្ញាតឲ្យ​​ពលករ​ខ្មែរ ឆ្លងដែន​ដោយខុសច្បាប់​  .....     ADB​ ផ្តល់​ជំនួយឥតសំណង​ជាង ៧លាន​ដុល្លារអាមេរិក ដើម្បី​លើកកម្ពស់ផល​ប៉ះ​ពាល់​​នៃ​​ការ​ប្រែប្រួល​​អាកាស​ធាតុ​​ នៅកម្ពុជា​  .....   

ក្រុម​អ្នក​ផលិត​បន្លែ​សរីរាង្គ ជួបប្រជុំគ្នា​បង្កើន​ការផលិត​បន្លែ​ផ្គត់ផ្គង់​មកកាន់​ទីផ្សារ​

​ក្រុម​អ្នក​ផលិត​បន្លែ​សរុប​ចំនួន ៥៥ នាក់​មកពី​ខេត្ត​ចំនួន ៤ រួមមាន​ខេត្តកំពង់ឆ្នាំង កំពង់ស្ពឺ តាកែវ និង កំពត បាន​និង​កំពុង​ជួបជុំគ្នា​ ដើម្បី​ចែករំលែក​នូវ​បទពិសោធន៍ និង​ឆ្លុះបញ្ចាំង​ពី​ការងារ​ផលិត​បន្លែ​សរីរាង្គ​ក្នុង​ឆ្នាំ ២០១២ ចាប់ពី​ថ្ងៃ​ព្រ​ហ​ស្ប​ត្តិ៍​ទី ១៣ ដល់ ថ្ងៃ​សុក្រ​ទី ១៤ ខែ ធ្នូ ឆ្នាំ ២០១២ នៅ​សណ្ឋាគារ ឌី​យ៉ា​ម៉​ង់ ខេត្តកំពត​ ក្រោម​ការ​រៀបចំ​​របស់​អង្គការ​សេ​ដាក និង​​អង្គការ​អភិវឌ្ឍន៍​អាឡឺម៉ង់ (​ជី​អាយ​ហ្សេ​ត GIZ)។​

​លោក​ យ៉ង សាំង​កុមារ ប្រធាន​អង្គការ​សេ​ដាក​​បាន​និយាយ​ថា «​ដើម្បី​ចូលរួមចំណែក​ពង្រឹង ឧស្សាហកម្ម​បន្លែ ដែល​កំពុងមាន​ការរីក​ចំរើន​យ៉ាង​ឆាប់រហ័ស​នៅក្នុង​ប្រទេស​កម្ពុជា ជាពិសេស​នៅតាម​ទីប្រជុំជន និង​ដែល​បានធ្វើឱ្យ​តំរូវការ​បន្លែ​មានការ​កើនឡើង​ខ្ពស់ អង្គការ​សេ​ដាក បាន​ខិតខំ​ពង្រីក​ការគាំទ្រ​ដាំ​បន្លែ បន្ថែមទៀត​ជាពិសេស​បន្លែ​សរីរាង្គ​របស់​កសិករ​នៅ​ទូទាំងប្រទេស​កម្ពុជា​»។ ដោយ​បាន​បន្ថែមថា «​តាមរយៈ​អាជីព​ដាំ​បន្លែ​សរីរាង្គ​នេះ ប្រជាកសិករ​នឹង​អាច​បង្កើត​​ឱកាស​ការងារ​ជូន​ដល់​ប្រជាជន​នៅ​មូលដ្ឋាន និង​អាច​រកប្រាក់​ចំណូល​បាន​បន្ថែម ដើម្បី​ទ្រទ្រង់​ជីវភាព​គ្រួសារ ហើយ​អ្នក បរិភោគ​ក៏​អាច​ទទួលបាន​នូវ​បន្លែ​ប្រកបដោយ​សុវត្ថិភាព​ទទួលទាន​ផងដែរ លើសពីនេះ​ទៀត សេដ្ឋកិច្ចជាតិ នឹងមាន​ការរីកចំរើន​បន្ថែមទៀត តាមរយៈ​ការកាត់បន្ថយ​បាន​នូវ​ការហូរ​លុយ​ចេញពី​ប្រទេស ដើម្បី​ទិញបន្លែ​នាំចូល»​។

សូម​បញ្ជាក់​ថា ​ចាប់តាំងពី​ឆ្នាំ ២០០៣ មក ​អង្ក​ការ​សេ​ដាក ក្រោម​កិច្ចសហការ​ជាមួយ អង្គការ​អភិ​វ​ឌ្ឈ​ន៍​អាឡឺម៉ង់ (​ជី​អាយ​ហ្សេ​ត​) បាន​គាំទ្រ​អ្នក​ផលិត​បន្លែ​សិរី​រា​ង្គ​តាមរយៈ​ការបណ្តុះបណ្តាល​បច្ចេកទេស ការបង្កើត​បណ្តាញ ក្រុម​អ្នក​ផលិត ការធ្វើ​ពិសោធន៍ ដើម្បី​ការកែប្រែ​បច្ចេកទេស និង​ការផ្សារភ្ជាប់​អ្នក​ផលិត​មកកាន់​ទីផ្សារ ជាដើម​។ ហើយ​បច្ចុប្បន្ន​អង្គការ​សេ​ដាក​បានរៀបចំ​ចងក្រង​ក្រុម​កសិករ​អ្នក​ផលិត​បន្លែ​សរីរាង្គ​សំរាប់​បរិ​ភាគ​និង​លក់​មក​ទីផ្សារ​ភ្នំពេញ​បាន ចំនួន ១០០​នាក់ នៅក្នុង​ខេត្ត​ចំនួន ៤ រួមមាន ខេត្តកំពត តាកែវ កំពង់ស្ពឺ និង​កំពង់ឆ្នាំង ដែល​អាច​ផ្គត់ផ្គង់​បន្លែ​សរីរាង្គ​បាន​ប្រមាណ​ពី ២០០​ទៅ ៥០០​គីឡូក្រាម​ក្នុង​មួយថ្ងៃ​មកកាន់​ទីផ្សារ ក្នុង​ទីក្រុង​ភ្នំពេញ​៕​

comment closed

Copyright © 2010-2015 · The Free Press Magazine · All Rights Reserved.
Develop by Sek Sathya