ថ្ងៃ | ទស្សនាទិដ្ឋភាពចរាចរណ៍ក្នុងរាជធានី​ភ្នំពេញ
 លោក កឹម សុខា បាន​ជាប់ឆ្នោត​ជា​អនុប្រធាន​ទី​១​រដ្ឋសភា ដោយ​សំឡេង​ឯកច្ឆ័ន្ទ ១១៦ សំឡេង _ លោក ងួ​ន ញ៉ិល បាន​ជាប់ឆ្នោត​ជា​អនុប្រធាន​ទី​២​រដ្ឋសភា ដោយ​សំឡេង​ឯកច្ឆ័ន្ទ ១២២ សំឡេង​។​  ||   

លិខិត​មិត្ត​អ្នកអាន ៖ ផ្លែផ្កា​នៃ​ការ​​គាប​​សង្កត់​​​សេរីភាព​​​មតិ​

​មកដល់​សម័យ​ដ៏​ទំនើប​នេះហើយ ប្រទេស​កម្ពុជា នៅ​មិនទាន់​ដើរចូល​ដល់ទី​លាន នៃ​កិត្តិយស​នៅឡើយ​​ទោះជា​ពីរ​បី​ទសវត្សរ៍​ចុងក្រោយ​នេះ គេ​សង្កេតឃើញ​មាន ដុះដាល​ព្រោងព្រាត នូវ​ហេដ្ឋារចនាសម្ព័ន្ធ​ល្អៗ​​​រួម​និង​សេដ្ឋកិច្ច ដែល​កំពុងតែ​លូតលាស់​ជា​បណ្តើរៗ​ហើយក៏​ដោយ​។  រាស្ត្រ​មាន​ភ្នែក​មើលឃើញ​រូបភាព​នេះ​ ​តែ​សង្គម​ខ្មែរ​ទាំងមូល នៅ​គ្រប់​ជនបទ គ្រប់​ទីកន្លែង​ភូមិ​ស្រុក​ខេត្ត​ខ័​ណ្ឌ រាស្ត្រ​ខ្មែរ​ភាគច្រើន​ជាទូទៅ មានការ​​​ញញើតញញើម រអើលខ្នង ក្នុង​ការនិយាយ​បូរបាច់​ពី​អារម្មណ៍​ហ្មួ​រ​ហ្មង​របស់គេ ដែល​ទាក់ទង​ដល់​ការរិះគន់​​រាជរដ្ឋាភិបាល​ខ្មែរ​បច្ចុប្បន្ន​។  ការ​ខ្លាចរអា​យ៉ាងនេះ ជាការ​បាត់បង់​ភាព​សឿង​បឿ​ង​និង​កិត្តិយស រស់ក្នុង​ភាព​​ជា​«​មនុស្ស​» នា​សម័យ​ទំនើប នៃ​ជនជាតិខ្មែរ ហើយក៏​ជាការ​បាត់បង់​កិត្តិយស ចំពោះ​«​ពូជសាសន៍​ខ្មែរ​» ​ដែល​ធ្លាប់មាន​អរិយធម៌​ខ្ពស់ កេរ្តិ៍ឈ្មោះ​ល្អ​រុងរឿង​កាល​ពី​ព្រេង​នាយ​ក្នុង​តំបន់​​អាស៊ីអាគ្នេយ៍​។

​កលិយុគ​ក្នុង​ស្រុកទេស ក៏បាន​កន្លង​ហួស​ទៅ តែ​បន្សល់ទុក​នៅ​អនុស្សាវរីយ៍ មហា​គ្រោតគ្រាត​ជូរចត់ ក្នុង​​​អារម្មណ៍​យើង​រាល់គ្នា ដែលជា​ខ្មែរ​ជំនាន់​មុន​។  យើង​យំ​អត់​ចេញ​ទេ តែ​យើង​អួល​ដើម ក ហើយ​ទឹកភ្នែក​​​រកកល់នឹង​ហូរ​ស្រក់​ចុះ​ម្តងៗ ពេល​យើង​អង្គុយ​តែឯង ក្នុង​ទី​ស្ងប់ស្ងាត់​មួយ ហើយ​ចាប់ផ្តើម​នឹកឃើញ​រឿងរ៉ាវ​​​ដែល​កន្លងទៅ​។ យើង​នឹក​រឿង​ដើម​… យើង​នឹក​ដល់​អ្នកជា​ទីស្រឡាញ់រ​បស់​យើង ដែល​ទទួលរង​គ្រោះ​ ​ហើយ​ស្លាប់ទៅ​យ៉ាង​វេទនា យ៉ាង​កណ្តោចកណ្តែង​ជាទីបំផុត​។ ការ​នឹករឭក​មិន​ចប់​មិន​ហើយ ដែល​ជួនកាល​​​ទឹកភ្នែក​ក៏​ហូរ​ស្រក់​ចុះ ទាំង​មិនដឹង​ខ្លួន​។ យើង​សួរ​ខ្លួនឯង​ថា ឯណា​ទៅ​សេចក្តីសុខ​របស់​ខ្មែរ​?  ឯណា​ទៅ​​កិត្តិយស នៃ​ជនជាតិខ្មែរ ដែល​រស់ក្នុង​«​ភាពជា​មនុស្ស​»​នឹង​គេ​?  យើង​មិន​យល់​សោះ​ទេ សេចក្តី​វេទនា​​អាប់ឱន​ទាំងនេះ ដែល​នៅតែ​គ្របដណ្តប់​លើ​ជីវិត​យើង​។  យើង​ឆ្ងល់​ហើយ​យើង​ចង់ដឹង ថា​តើ​មាន​កត្តា​អ្វីខ្លះ​​ដែល​ធ្វើ​ឲ្យ​យើង​របូត​ធ្លាក់​ឆ្ងាយ ពី​ភាព​ថ្កុំថ្កើង​រុងរឿង នា​សម័យ​ដើម​នៃ​ប្រវត្តិសាស្ត្រ​ខ្មែរ​?  យើង​ស្តាយ​…​មហា​ស្តាយ ចំពោះ​ឧត្តមភាព​នៃ​ខេមរៈ​ជាតិ ដែល​ត្រូវ​ខូចខាត​បាត់បង់​អស់​ទៅ​។​

​ឥឡូវ យើង​បាន​ចូលមក​ដល់​យុគ​នៃ​សម័យ​ទំនើប នា​ប្រវត្តិសាស្ត្រ​មនុស្សជាតិ ឆ្នាំ​២០១២​។ តែ​ខ្មែរ​នៅតែ​​​រងទុក្ខវេទនា​ដោយ​អន្លើ តាម​ភូមិ​ស្រុក​ខេត្ត​ខ័​ណ្ឌ​មួយចំនួន​។  បាន​សេច​ក្តីថ​រាស្ត្រ​ខ្មែរ​មួយចំនួន បាន​សុខសាន្ត​​សប្បាយរីករាយ សើច​ក្អាកក្អាយ ជាមួយ​មិត្តភក្តិ​និង​ក្រុមគ្រួសារ​ជារឿយៗ ខណៈដែល​ខ្មែរ​មួយចំនួនទៀត​​ទួញ​យំសោក​សង្រេង​ដោយ​ប្រការ​ផ្សេងៗ ពីមួយថ្ងៃ​ទៅមួយថ្ងៃ​។  គេ​កំពុង​ជួបប្រទះ ភាព​វេទនា​ក្នុង​ជីវិត​​ដោយសារ​ហេតុផល​ផ្លែ​កៗ​គ្នា​។ ការ​មានជីវិត ហើយ​ទទួលរង​ទុក្ខ​តាម​ដំណើរ​ធម្មជាតិ គឺជា​រឿង​ធម្មតា​របស់​​សត្វលោក​ជាទូទៅ នៅលើ​ផែនដី​។ តែ​ការដែល​រាស្ត្រ​ទទួល​ទារុណកម្ម ទាំង​ចិត្ត​ទាំង​កាយ យ៉ាង​អយុត្តិធម៌​​ពី​សំណាក់​អ្នក​អភិបាលរដ្ឋ ដែល​បានទទួល​សន្លឹកឆ្នោត​ច្រើន ហើយ​មាន​កាតព្វកិច្ច​ជា​អ្នក​ជួយ​ដោះស្រាយ​​បញ្ហា​ជីវិត​ដ៏​គ្រោតគ្រាត​របស់​រាស្ត្រ គឺជា​រឿង​បញ្ច្រាសទិស ហើយ​ជា​ហេតុផល​មិនអាច​ទទួលបាន នៅ​ចំពោះ​​មតិ​ជាតិ និង​អន្តរជាតិ​។  គឺជា​អំពើ​ដែល​គួរ​ឲ្យ​ថ្កោលទោស ស្អប់ខ្ពើម និងប្រមាថមើល​ងាយ​​យ៉ាង​​ស្ងៀមស្ងាត់​​ផង​ដែរ​។

​នេះ​ជា​ទិដ្ឋភាព​ពិតប្រាកដ​ជាក់ស្តែង ក្នុងសង្គម​ខ្មែរ​បច្ចុប្បន្ន​។  ហើយ​នេះ​ក៏​ជា​លទ្ធផល​មួយ ដែល​ផ្តល់​ឲ្យ​​​ដោយ​ការ​គាប​សង្កត់​​ការ​បញ្ចេញ​យោបល់​ផ្សេងៗ ទាក់ទង​ដល់​ការ​ដុសខាត់​សង្គម​ខ្មែរ​ឲ្យ​បាន​ភ្លឺ​ថ្លា​ឡើង​។​ ​ពីព្រោះ​ការគាបសង្កត់​នេះ វា​បាននិងកំពុង​តែ​ព​ន្លិ​ប ការយល់ដឹង​ទាំងឡាយ ដែល​ចែកចាយ​ដោយ​ការ​​​មើលឃើញ​ជ្រុងជ្រោយ​នៃ​បញ្ហា​ជាច្រើន ពី​សំណាក់​ទស្សនៈ​នានា ដែល​រាស្ត្រ​ខ្មែរ​«​ភាគតិច​» បាន​ខិតខំ​​ព្យាយាម​លើកឡើង​តាម​ការនិយាយ​ផ្ទាល់មាត់ តទល់​គ្នា ឬ​តាម​ការសរសេរ​ផ្សាយ​តាម​វិធី​ណាមួយ​។

​យើង​ពិនិត្យពិច្ច័យ​​ឲ្យ​បានយូរ ឲ្យ​បាន​យល់ច្បាស់ ពី​ភូមិសាស្ត្រ​និង​ប្រវត្តិសាស្ត្រ​ខ្មែរ បូករួម​និង​ព្រឹត្តិការណ៍​​បច្ចុប្បន្ន ដែល​កំពុងតែ​កើតមានឡើង ក្នុងស្រុក​ខ្មែរ​។  នោះ​យើង​នឹង​មើលឃើញ គ្រោះថ្នាក់​ជាយថាហេតុ​។​ ​គឺជា​មហា​គ្រោះថ្នាក់ ដែល​នឹង​សង្គ្រុប ហើយ​សម្លាប់​ខ្មែរ​… ជាតិ​សាសន៍​ខ្មែរ​… ជា​អ​វ​សាន្ត បើ​ខ្មែរ​ងងឹតភ្នែក​​មើល​មិន​យល់​អ្វី ហើយ​មេដឹកនាំ​ខ្មែរ មាន​ចរិត​កោង​ព្រ​ហ៊ើ​ន មិន​បន្ទន់ឥរិយាបទ ឲ្យ​បាន​សមស្រប​ទាន់ពេល​​វេលា ព្រោះ​ខ្លួន​មិន​យល់​ទាល់​សោះ ពី​តម្លៃ​និង​ផ្លែផ្កា​នៃ​សេរីភាព​មតិ​។ សេរីភាព​មតិ គឺជា​អ្នក​ឈរ​ចាំ​យាម​​យ៉ាង​ប្រយ័ត្នប្រយែង ជាទីបំផុត ឃ្លាំមើល​អស់ទាំង​ដំណើរ​ខ្យល់ព្យុះសង្ឃរា ដែល​អាច​បក់បោក​មក​លើ​​សង្គម​ខ្មែរ ហើយ​ប្រកាស​ស្រែកប្រាប់​ខ្មែរ ឲ្យ​ប្រុងប្រៀប​«​ឲ្យ​បាន​ទាន់ពេលវេលា​» ព្រោះ​ការស្លាប់​បាត់បង់ គឺ​​ពិតជា​មិន​វិល​ល្ងាច​វិញ​ទេ​។  សូម​មេដឹកនាំ​ខ្មែរ​បច្ចុប្បន្ន មេត្តា​ប្រុងស្មារតី​ចំពោះ​សៀវភៅ​ប្រវត្តិសាស្ត្រ​ខ្មែរ​។​ ​ហើយក៏​សូម​ឲ្យ​យល់ ពី​ជីវិត​មនុស្ស​រាប់លាន​នាក់ ដែល​ដាក់​វាសនា​ខ្លួន ក្នុង​សតិបញ្ញា​នៃ​ឥស្សរជន​ខ្មែរ​​តែ​ប៉ុន្មាន​នាក់​នោះ​។ យើង​មិនអាច​ទៅ​គាស់​ខ្មោច មេដឹកនាំ​ខ្មែរ ដែល​បណ្តាល​ឲ្យ​ប្រទេស​ធ្លាក់ចុះ ក្នុង​ភាព​​អន្តរធាន យកមក​នោម​ដាក់ ទាត់​ធាក់ ឬ​កាត់សេចក្តី​បានទេ​។  ព្រោះ​ពួកគេ​ចូលដេក ក្នុង​ទី​ឃុំឃាំង​ព្រលឹង​​មនុស្ស​អស់ហើយ​។  តែ​សេចក្តី​តូច​ទាប និង​ភាព​រង​ទុក្ខទោស គឺ​គេ​បាន​បន្សល់ទុក​ឲ្យ​ខ្មែរ​​៕

​ខ្ញុំ​, ជូ​ លាង​ហាក់​, នៅ​រដ្ឋ​អ៊ី​លីណ​យ នៃ​ស​.​រ​.​អា​. អ៊ីមែល  hakchou@hotmail.com​

Copyright © 2010-2014 · The Free Press Magazine · All Rights Reserved.
-