ថ្ងៃ | ទស្សនាទិដ្ឋភាពចរាចរណ៍ក្នុងរាជធានី​ភ្នំពេញ
 មុខតំណែងនាយករដ្ឋមន្រ្តី ត្រូវទទួលបានប្រាក់បំណាច់មុខងារក្នុងមួយខែៗ ៣.៦៧៥.០០០រៀល, ឧបនាយករដ្ឋមន្រ្តី ២.៨០០.០០០រៀល, ទេសរដ្ឋមន្រ្តី ២.៤៥០.០០០រៀល, រដ្ឋមន្រ្តី ២.១០០.០០០រៀល, រដ្ឋលេខាធិការ ១.៧៥០.០០០រៀល និងអនុរដ្ឋលេខាធិការ ១.៤០០.០០០រៀល៕​ ||​  ||   

លិខិត​មិត្ត​អ្នក​អាន ៖ មន្ត្រី​ពុករលួយ និង​ឈ្មួញ​ថៃ សប្បាយ​ប្រមូល​លុយ​ពី​ការ​លួច​ឆ្លងដែន​ខុសច្បាប់​របស់​ពលករ​ខ្មែរ​

​ប្រហែលជា​១០​ថ្ងៃ​កន្លងមកហើយ​ដែល​ក្រុម​ពលករ​បាន​លួច​ឆ្លងដែន​ដោយ​ខុសច្បាប់​នៅតាម​ច្រករបៀង​ដែល​គ្រប់គ្រង​ដោយ​វរៈ​នគរបាល​ការពារ​ព្រំដែន​គោក​លេខ​៩១១​ក្រោម​ការដឹកនាំ​បញ្ជា​ផ្ទាល់​របស់លោក សូ ចាន់ណា​រី ជាពិសេស​ច្រក​នៅជាប់​ខាងក្រោយ​ផ្ទះ​របស់​មេបញ្ជាការរង​ម្នាក់​ដែល​គេ​ស្គាល់​រហស្សនាម​ថា ប្រុស​ផែនដី ដោយមាន​ការបើក​ភ្លើង​ខៀវ ពី​សំណាក់​ជនជាតិ​ថៃ​ឈ្មោះ ចែ​ពិន ផងដែរ​។​

ពលករខ្មែរត្រូវប៉ូលិសថៃចាប់បញ្ជូនមកប្រទេសវិញតាមច្រកប៉ោយប៉ែត

​សកម្មភាព​នាំ​មនុស្ស​ឆ្លងដែន​ខុសច្បាប់​ទៅ​ប្រទេស​ថៃ​ពី​ខេត្តបន្ទាយមានជ័យ​​នេះ ​គេ​សង្កេតឃើញ​មាន​ពលករ​ខ្មែរ​ទាំងប្រុស​ ទាំង​ស្រី ក្មេង ​ចាស់​ រាប់រយ​នាក់​ត្រូវបាន​មេខ្យល់​លួច​នាំ​ឆ្លងដែនដោយ​ខុស​ច្បាប់​​ទៅ​ស្រុកថៃ​​ជា​រៀងរាល់​យប់​​តាម​ច្រករបៀង​ក្បែរ​កាស៊ីណូ​ផ្កាយ​៥ និង​តាម​ច្រករបៀង​ក្រោយ​ផ្ទះ​របស់​ឈ្មោះ ប្រុស​ផែនដី ដែល​ជា​តំបន់​​គ្រប់គ្រង​ដោយ​វរៈ​ការពារ​ព្រំដែន​គោក​លេខ​៩១១។

​ជនជាតិ​ថៃ​ម្នាក់​ឈ្មោះ ចែ​ពិន ដែល​ប្តី​របស់គាត់​ធ្លាប់​ធ្វើជា​កង​តម្រួត​នៅ​ប៉ោយប៉ែត​ពាក់​ស័ក្តិ​៣ តែ​ពេលនេះ​បាន​ប្តូរ​ទៅធ្វើ​ការ​នៅ​បុរី​រ៉ា​ម​ពាក់​សក្តិ​៤ ត្រូវ​គេ​ដឹង​ថា គឺជា​មេខ្លោង​ធំ​បំផុត​ក្នុងការ​រកស៊ី​នាំ​មនុស្ស​ឆ្លងដែន​ខុសច្បាប់​ពី​ខេត្តបន្ទាយមានជ័​​យ​ចូល​ទៅ​​ស្រុក​ថៃ​តាម​ច្រករបៀង​ដែល​ស្ថិតនៅ​តាមផ្លូវ​ចេញទៅ​តា​ឡា​ត់​កាប់​ជ្រូក​នៃ​ផ្សារ​ឡុង​គឿ ពោល​គឺ​តាម​ច្រក​ផ្សារ​បន្លែ​ក្នុង​ទឹកដី​ថៃ​។ ហើយ​បើ​នៅ​ទឹកដី​ខ្មែរ​គឺ​ស្ថិតនៅ​ច្រករបៀង​ក្រោយ​កាស៊ីណូ​ផ្កាយ​៥ ខាងក្រោយ​ផ្ទះ​របស់​ឈ្មោះ ប្រុស​ផែនដី។

គួរ​បញ្ជាក់​ថា ការនាំ​មនុស្ស​ឆ្លងដែន​នោះ​នៅពេល​ថ្ងៃ​មិនមាន​អ្វី​គួរ​ឲ្យ​កត់សម្គាល់​ទេ តែ​នៅ​ពេលយប់​គេ​បាន​រៀប​ពោង ធ្វើជា​ក្បូន​ឬ​ជា​ស្ពាន​សម្រាប់​ឲ្យ​មនុស្ស​ឆ្លងដែន​ដោយ​ខុសច្បាប់​។​

​ដោយ​ឡែក​សម្រាប់​ពលករ​ខ្មែរ​ដែល​លួច​ឆ្លង​ដែន​ខុសច្បាប់​តាម​ច្រករបៀង​នេះ​ទៅធ្វើ​ការ​នៅ​ស្រុកថៃ​តាមរយៈ ចែ​ពិន ពេលព្រឹក​ហើយ​វិល​មកវិញ​នៅពេល​ល្ងាច គឺ​​ត្រូវ​បង់ប្រាក់​ក្នុង​ម្នាក់​២០​ទៅ​៣០​បាត​។ ប៉ុន្តែ​ចំពោះ​ពលករ​ដែល​ចង់ទៅ​ធ្វើការ​នៅ​​ស្រុកថៃ​រហូតដល់​ក្រុង​បាងកក គឺ​ត្រូវ​បង់ប្រាក់​ក្នុង​ម្នាក់​ចំនួន​៣០០០​បាត​ឲ្យ​ទៅ​មេខ្យល់ តែ​ពួក​គេ​មិនដែល​ធ្វើដំណើរ​ដល់​គោលដៅ​​ម្តង​ណា​ទេ។ ​ពួក​គេ​តែង​តែ​ត្រូវ​អាជ្ញាធរ​ថៃ​ចាប់​ទៅ​ឃុំឃាំង​និង​នាំទៅ​កាត់ទោស​​​ពីបទ​ឆ្លងដែន​ខុសច្បាប់​រងទុក្ខវេទនារ​ក​ទីបំផុត​គ្មាន​៕

Copyright © 2010-2014 · The Free Press Magazine · All Rights Reserved.
-