ថ្ងៃ | ទស្សនាទិដ្ឋភាពចរាចរណ៍ក្នុងរាជធានី​ភ្នំពេញ
 ព្រះមហាក្សត្រចេញព្រះរាជក្រិត្យត្រាស់បង្គាប់តែងតាំងលោក គុណ ញឹុម ជាអគ្គនាយកនៃអគ្គនាយកដ្ឋាន គយនិងរដ្ឋាករកម្ពុជា ជំនួសលោក ប៉ែន សីុម៉ន ដែលត្រូវចូលនិវត្តន៏៕​  ||   

យឹម​ ​ឆៃ​លី ​បញ្ជាអោយ​ខុទ្ទកា​ល័យ​​លោកសហការ​អោយ​បាន​ជិត​ស្និទ្ធ​ជា​មួយ​អង្គការ​សង្គម​ស៊ីវិល

លោក យឹម​​ ​​ឆៃ​​លី​ ប្រធានក្រុមប្រឹក្សាស្តារ​អភិវឌ្ឍន៍វិស័យកសិកម្ម ​និង​ជន​បទ​ ​បាន​ប្រាប់​ទៅ​មន្ត្រី​​​ខុទ្ទ​កា​​ល័យ​​​របស់​​​លោកកាល​ពី​ព្រឹក​ថ្ងៃ​សុក្រ​នេះ ​​អោយ​សហការ​​​អោយ​​​បាន​​​ជិត​​​ស្និទ្ធ​​​ជា​​​មួយ​​​អង្គការ​​​សង្គម​​​ស៊ីវិល​​ ដើម្បីដោះស្រាយបញ្ហាដីធ្លី និង​ការ​ប្រើ​ប្រាស់​ប្រភព​ធន​ធាន​ធម្ម​ជាតិ​ជូន​ប្រជា​ពល​រដ្ឋ​កម្ពុជា​ ។​

“រាជ​រដ្ឋាភិបាលកម្ពុជា និង​សង្គមស៊ីវិល​មាន​ទិសដៅ​តែ​មួយ​ទេ គឺ​​ស្វែង​​រក​​សេចក្តី​​សុខ​​ដុម​រម្យ​នា​ជូន​​ប្រជាពលរដ្ឋ ហេតុ​នេះសូម​មន្ត្រី​ខុទ្ទកាល័យ​របស់ខ្ញុំ ដែល​​នៅ​​ទី​នេះ​​បង្កើន​​ទំនាក់​ទំនង​ជា​មួយ​​អង្គការ​សង្គម​ស៊ីវិល ជា​ពិសេស​​ជា​មួយ​​អង្គការ​​សិទ្ធិ​មនុស្ស​​របស់​​លោក ​ធន​ ​សា​រាយ​ ដើម្បី​​ធ្វើ​​កិច្ច​​សហការ​​ជា​មួយ​​គ្នា​​ដោះ​ស្រាយ​​បញ្ហា​​ជូន​​ប្រជា​ពល​រដ្ឋ” ​។

ការថ្លែងបែបនេះ បានធ្វើឡើងបន្ទាប់ពីលោក ធន សារាយ នាយក​អង្គការ​សិទ្ធិ​មនុស្សអា​ដហុក បាន​ថ្លែង​អំពី​ផល​ប៉ះពាល់​នៃការ​រស់​នៅ​​របស់​ប្រជា​ពល​រដ្ឋ​ជន​​ជាតិ​​ដើម​​ភាគ​តិច​ ដោយ​ក្រុមហ៊ុន​ឯកជន​មួយ​ចំនួន ដែល​បាន​រំលោភ​យកដី និងធនធាន​ធម្មជាតិ​ដូចជា​រ៉ែ​ជាដើម។

នៅ​ក្នុង​សន្និសីទ​ថ្នាក់ជាតិ​លើកទី៧ នៅ​សណ្ឋាគារ​អ៊ីមភ័ររៀល កាល​ពីព្រឹក​ថ្ងៃ​សុក្រ​នេះ លោក ធន សារាយ បាន​បង្ហាញ​ដល់​តំណាង​រាជរដ្ឋាភិបាល​នូវ សេចក្តីថ្លែងការណ៍​រួម​មួយ​របស់​អង្គការ​១៨ និង​សហគមន៍រងគ្រោះ​ទាំង​១៥​ខេត្តក្រុង​ជូន​រាជរដ្ឋាភិបាល​កម្ពុជា។

លោក អៀង មូលី អនុប្រធាន​ទី១ នៃ​ក្រុមប្រឹក្សា​ស្តារ​​អភិវឌ្ឍន៍​វិស័យកសិកម្ម ​និង​​ជន​បទ​​បាន​ផ្តល់​សម្ភាសន៍​ដាច់​ដោយ​ឡែក​មួយ​ដល់​ទស្សនាវដ្តី សារព័ត៌មាន​សេរី​ថា ការងារ​របស់​រាជរដ្ឋាភិបាល និង​សង្គមស៊ីវិល គឺមាន​ទិសដៅ​តែ​មួយ ដូច​ដែល​លោក​ យឹម ឆៃលី បាន​លើក​ឡើង​យ៉ាងដូច្នោះ។

លោក​ទទូច​ថា សង្គមស៊ីវិល គួរធ្វើកិច្ច​សហប្រតិការ​ជាមួយ​អាជ្ញាធរ និង​ស្ថាប័ន​ពាក់ព័ន្ធ ជាពិសេស​ជាមួយ​រាជរដ្ឋាភិបាល ដោយ​ភាព​ស្មោះត្រង់ គឺ​មិន បង្កប់​នូវ​ចេតនា​បម្រើ​អោយ​ផល​ប្រយោជន៍​ក្រុមប្រឆាំង បើ​មិន​ដូច្នោះ​ទេ ពលរដ្ឋភាគ​ច្រើន​នឹង​បាត់បង់​ជំនឿ​លើ​កិច្ចការ​របស់​ពួកគេ។

ប្រជាពលរដ្ឋ​ជនជាតិដើម​ភាគ​តិច បាន​សាទរ​ចំពោះការ​ផ្តួចផ្តើម​អោយ​មាន​កិច្ចសហការ​អភិបាល​កិច្ច រវាង​សង្គម​ស៊ីវិល រាជ​រដ្ឋាភិបាល ពលរដ្ឋ​រងគ្រោះ​ដោយ​ផ្ទាល់។

លោកស្រី ស​ ស្រស់ មកពី​ខេត្តស្ទឹងត្រែង តំណាង​ជនជាតិ​ដើម​ភាគ​តិច​ដែល​រងគ្រោះ ទាំង​១៥ ខេត្តក្រុង បាន​សំដែង​នូវ​ក្តី​សង្ឃឹម​ចំពោះ​ការ​បញ្ជាក់ របស់​លោក យឹម ឆៃលី និងលោក អៀង មូលី ស្តីពី​ឆន្ទៈ​របស់​រាជរដ្ឋាភិបាល​កម្ពុជា ក្នុង​ការ​ដោះស្រាយ​វិបតិ្តដីធ្លី និង​ធនធាន​ធម្មជាតិ ជូន​ប្រជាពលរដ្ឋ៕

 

Copyright © 2010-2014 · The Free Press Magazine · All Rights Reserved.
-