Monday, August 3rd 2015
 Last News :
 តុលាការ សម្រេចចោទប្រកាន់អតីត​ព្រះសង្ឃ​ខ្មែរ​កម្ពុជា​ក្រោម​ពីរ​អង្គ ពីបទ​រក្សាទុក​សារធាតុញៀន​  .....     ចំណូល​លក់​សំបុត្រចូល​ទស្សនា​រមណីដ្ឋាន​អង្គរ ប្រចាំ​ខែកក្កដា ​បាន​ជាង​៤​លានដុល្លារ​  .....     លោកហ៊ុន សែន៖ រដ្ឋាភិបាលសុខចិត្ត​ចាយលុយ ​៥លានដុល្លារ សម្រាប់​ធ្វើ​ដំណើរទៅមើលផែន​ទីកម្ពុជា(មានសម្លេង)​  .....     លោកហ៊ុន សែនបញ្ជា​ឲ្យ​តាម​ចាប់​លោក​ឈូក បណ្ឌិត និង​ក្រុមបាតុករពាក់ព័ន្ធព្រឹត្តិការណ៍១៥កក្កដា​  .....     ក្រសួងធនធានទឹក៖ ១សប្តាហ៏ទៀតតំបន់ទំនាបមួយចំនួននៅអមសង្ខាងដងទន្លេមេគង្គលើ នឺងចាប់ផ្តើមលិចជាបន្តបន្ចាប់​  .....   

ពៅ បញ្ញាពេជ្រ សង្ឃឹម​ការ​មេត្តា​សណ្តោស​ពី​ប្រជាពលរដ្ឋ​ខ្មែរ និង​មិត្ត​រួម​អាជីព ពេល​ត្រឡប់​មក​ព្យាបាល​នៅស្រុក​ខ្មែរវិញ

តារាចម្រៀង​ ពៅ បញ្ញាពេជ្រ ដែល​ត្រូវ​ខ្មាន់​កាំភ្លើង​បាញ់​ប្រហារ​កាល​ពី​ឆ្នាំ​២០០៧ ពេល​នេះ​បាន​វិល​ត្រឡប់​មក​កាន់​ប្រទេស​កម្ពុជា​វិញ​ហើយ បន្ទាប់​ពី​អស់​លទ្ធភាព​រក​ប្រាក់​បង់​ថ្លៃ​ព្យាបាល​នៅ​ក្រៅ​ប្រទេស​លែង​បាន​នោះ។ តទៅ​នេះ​នាង​លែង​ព្រួយ​បារម្ភ​ពី​សុវត្តិភាព​ទៀត​ហើយ គឺ​សង្ឃឹម​លើ​ការ​មេត្តា​សណ្តោស​ពី​ប្រជាពលរដ្ឋ​ខ្មែរ និង​មិត្ត​រួម​អាជីព​ប៉ុណ្ណោះ។

តារាចម្រៀង ពៅ បញ្ញាពេជ្រ

ពៅ បញ្ញាពេជ្រ បាន​និយាយ​ប្រាប់​ទស្សនាវដ្តី​ក្នុង​ស្រុក​មួយ​កាល​ពី​ពេល​ថ្មីៗ​នេះ​ថា នាង​បាន​វិល​ត្រឡប់​ពី​ការ​ព្យាបាល​នៅ​ទីក្រុង​បាងកក ប្រទេស​ថៃ មក​ប្រទេស​កម្ពុជា​វិញ​អស់​រយៈ​ពេល​ជិត​២​ខែ​ហើយ។ នោះ​ព្រោះ​តែ​ក្រុម​គ្រួសារ​របស់​នាង​មិន​មាន​លទ្ធភាព​រក​ប្រាក់​សម្រាប់​នាង​បង់​ថ្លៃ​ថ្នាំ​ពេទ្យ​ដូច​មុន​ទៀត​បាន។

ទាក់ទង​នឹង​សុវត្ថិភាព​របស់​នាង ខណៈ​ដែល​ឃាតករ​កំពុង​រស់​នៅ​ក្រៅ​ច្បាប់​យ៉ាង​មាន​សេរីភាព​នោះ នាង​ ពៅ បញ្ញាពេជ្រ បាន​និយាយ​ថា នាង​លែង​ចង់​ទាមទារ​រក​យុត្តិធម៌​ទៀត​ហើយ ដោយ​នាង​ប្រាថ្នា​តែ​សេចក្តី​សុខ​សម្រាប់​ខ្លួន​ឯង​ប៉ុណ្ណោះ។ «ការ​ទាមទារ​រក​យុត្តិធម៌ ខ្ញុំ​មិន​និយាយ​អ្វី​ទាំង​អស់ ព្រោះ​ខ្ញុំ​គិត​ថា នេះ​ជា​ផល​បាប​ដែល​ខ្ញុំ​ទទួល…»។

គួរ​រំលឹក​ថា តារា​ចម្រៀង ពៅ បញ្ញាពេជ្រ ត្រូវ​បាន​ឃាតករ​មិន​ស្គាល់​មុខ​បាញ់​ប៉ង​សម្លាប់​កាល​ពី​ថ្ងៃទី២៣ ខែ​កុម្ភៈ ឆ្នាំ​២០០៧ នៅ​ខាង​មុខ​វិទ្យាស្ថាន​ភាសា​អង់គ្លេស ELT ខាង​កើត​ផ្សារ​ថ្មី។ ភ្លាមៗ​នាង​ត្រូវ​បាន​ក្រុមគ្រួសារ​បញ្ជូន​ទៅ​ធ្វើ​ការ​ព្យាបាល​នៅ​មន្ទីរ​ពេទ្យ​ប្រទេស​វៀតណាម ព្រម​ទាំង​បន្ត​ទៅ​កាន់​ប្រទេស​ថៃ។ ប៉ុន្តែ​ទោះ​ជា​យ៉ាង​ណា​ក៏​ដោយ អស់​រយៈ​ពេល​៥​ឆ្នាំ​កន្លង​មក​នេះ ស្ថាន​ភាព​របស់​តារា​ចម្រៀង​ដែល​ធ្លាប់​មាន​ឈ្មោះ​បោះ​សំឡេង​រូប​នេះ​មិន​មាន​ភាព​ប្រសើរ​ខ្លាំង​ក្លា​នោះ​ទេ ពោល​គឺ​នាង​គ្រាន់​តែ​អាច​អង្គុយ​នៅ​លើ​រទេះ​រុញ​ប៉ុណ្ណោះ៕

comment closed

Copyright © 2010-2015 · The Free Press Magazine · All Rights Reserved.
Develop by Sek Sathya