ថ្ងៃ | ទស្សនាទិដ្ឋភាពចរាចរណ៍ក្នុងរាជធានី​ភ្នំពេញ
 មុខតំណែងនាយករដ្ឋមន្រ្តី ត្រូវទទួលបានប្រាក់បំណាច់មុខងារក្នុងមួយខែៗ ៣.៦៧៥.០០០រៀល, ឧបនាយករដ្ឋមន្រ្តី ២.៨០០.០០០រៀល, ទេសរដ្ឋមន្រ្តី ២.៤៥០.០០០រៀល, រដ្ឋមន្រ្តី ២.១០០.០០០រៀល, រដ្ឋលេខាធិការ ១.៧៥០.០០០រៀល និងអនុរដ្ឋលេខាធិការ ១.៤០០.០០០រៀល៕​ ||​  ||   

លិខិត​មិត្ត​អ្នក​អាន ៖ រឿង​មួយចំនួន​នៅក្នុង​អង្គភាព​រដ្ឋាករទឹក​ស្វយ័ត​សៀមរាប​

​ថ្នាក់ដឹកនាំ​អង្គភាព​រដ្ឋាករទឹក​ស្វយ័ត​សៀមរាប​មួយចំនួន​កំពុង​ប្រើ​អំណាច ប្តូរ​តួនាទី ផ្ទេរ​ភារកិច្ច​បុគ្គលិក​ទៅ​ការិយាល័យ​ផ្សេងៗ ញឹកញាប់​ជាង ស្ថាប័ន​ដទៃ​ប្រហែល ២​ខែម្តង​។ ដែល​កត្តា​នេះ​បានធ្វើ​ឲ្យ​បុគ្គលិក​មួយចំនួន​ជញ្ជូន​ឯកសារ ដូរ​ការិយាល័យ​ស្ទើរ​ពុំទាន់ និង​ឯកសារ​ប្រកាស​លើក​មុនៗ​មិនទាន់​ចេញ​ឲ្យ​សា​ម៉ី​ខ្លួន​បាន​មើល​ផង ស្រាប់តែ​ចេញ​លិខិត ប្រកាស​មួយ​ថ្មី​ទៀត​។ ពេល​ប្រកាស​ញឹកញាប់​ពេល​ខ្ជិល​ប្រជុំ​រួម គឺ​ហៅ​តែ​បុគ្គលិក​ណា​ដែល​ត្រូវ​ផ្ទេរ​ភារកិច្ច ឬ​ឡើង​ឋានៈ​ទៅ​ប្រជុំ​ប្រាប់​ក៏​អាច ជា​ផ្លូវការ​បាន ទាំង​បុគ្គលិក​មួយចំនួនធំ​មិនបាន​ដឹងផង តែ​បានឮ​គេ​និយាយ​តៗ​គ្នា​។ ជាក់ស្តែង​តាម​ការិយាល័យ​ក្នុង​អង្គភាព​រដ្ឋាករទឹក​ស្វយ័ត​សៀមរាប​ភាគច្រើន​មានតែ​ប្រធាន អនុប្រធាន តែ​គ្មាន​បុគ្គលិក គឺ​ប្រើ​ខ្លួនឯង​ធ្វើ​ខ្លួនឯង​។​

​មិនតែប៉ុណ្ណោះ​លិខិត​សំខាន់ៗ​មួយចំនួន​ដូចជា លិខិត​តែងតាំង ការដំឡើង​ប្រាក់បៀវត្ស  ការជ្រើសរើស​បុគ្គលិក​ជាដើម ត្រូវបាន​ថ្នាក់ដឹកនាំ​មួយចំនួន​តូច​ខ្សឹបខ្សៀវ​តែ​ពីរ​បីនាក់​ធ្វើ មិន​ឲ្យ​ថ្នាក់ដឹកនាំ​ដទៃ​ដឹង​ឡើយ​។ ចំណែក​បុគ្គលិក​នៅក្រោម​នាយកដ្ឋាន​ណា​ដែល​មិនសូវ​ពេញចិត្ត មិនបាន​ឡើង​បៀវត្ស ឬ​កាំ​ប្រាក់​ទេ ភាគច្រើន ថ្នាក់ដឹកនាំ​កំពូល​ចុះហត្ថលេខា​មុន ទើប​ថ្នាក់ដឹកនាំ​ថ្នាក់​បន្ទាប់​ចុះ​តាម​ក្រោយ បន្តបន្ទាប់ ដោយ​មិនអាច​ប្រកែក​បាន​។​

​ម្យ៉ាងវិញទៀត​ថ្នាក់ដឹកនាំ​មួយចំនួន​បាន​ប្រើ​អំណាច ស្តីបន្ទោស​បង្កាច់បង្ខូច ចោទប្រកាន់ ខុសពី​ការពិត មានការ​គុំ​គួ​ន​ជាមួយ​និយោជិត​ថ្នាក់ក្រោម យក​រឿង​ការងារ​លាយឡំ​ជាមួយ​រឿង​បុគ្គល មើលងាយ​ដល់​ក្រុមគ្រួសារ​បុគ្គលិក​ថ្នាក់ក្រោម​នៅ​កន្លែង​ស៊ីផឹក ដើម្បី​ប្រមូល​ផលប្រយោជន៍​ផ្ទាល់ខ្លួន​។​

​ចាប់តាំងពី​ចុងឆ្នាំ​២០១១ រហូតដល់​ជិត​ចុងឆ្នាំ​២០១២ គេ​សង្កេតឃើញ​ថ្នាក់ដឹកនាំ និង​ថ្នាក់ដឹកនាំ ថ្នាក់ដឹកនាំ និង​និយោជិត ឧស្សាហ៍​មិនសូវ​ចុះសម្រុង​នឹង​គ្នា បែងចែក​បក្សពួក​រៀងៗ​ខ្លួន បើទោះជា​ប្រធាន​ក្រុមប្រឹក្សាភិបាល​ហៅ​អប់រំ​មួយ​ជា​ពីរលើក​តែ​នៅ​ពុំទាន់​អាច​សម្រួល​បាន​។​

​សូម​សម្តេច ឯកឧត្តម អស់លោក​មេត្តា ជួយ​សម្រួល​ដល់​រឿងនេះ​ផង ជាពិសេស​អង្គភាព​ប្រឆាំង​អំពើពុករលួយ​សូមមេត្តា​ចាត់ការ​តាម​ការគួរ​…៕​

Copyright © 2010-2014 · The Free Press Magazine · All Rights Reserved.
-