ថ្ងៃ | ទស្សនាទិដ្ឋភាពចរាចរណ៍ក្នុងរាជធានី​ភ្នំពេញ
 ឧទ្ធម្ភាគចក្រមួយគ្រឿង ដែលបានធ្លាក់នៅសង្កាត់ព្រៃស ខណ្ឌដង្កោ រាជធានីភ្នំពេញ នៅមិនទាន់ដឹងមូលហេតុនៅឡើយទេ…៕​  ||   

ឧក្រិដ្ឋជន​ព័ត៌មាន​វិទ្យា​ជន​ជាតិ​ស៊ុយអ៊ែត​ម្នាក់​ត្រូវ​ប៉ូលិស​កម្ពុជា​ចាប់​ខ្លួន

សហស្ថាបនិក​មួយ​រូប នៃ​គេហទំព័រ The Pirate bay ដែល​ជា​គេហទំព័រ​លួច​ចម្លង​មួយ​របស់​ប្រទេស​ស៊ុយអ៊ែត​ត្រូវ​ប៉ូលិស​អន្តោ​ប្រវេសន៍​កម្ពុជា​ចាប់​ខ្លួន​កាល​ពី​ថ្ងៃ​ព្រហស្បតិ៍​សប្តាហ៍​មុន ពី​បទ​ល្មើស​បច្ចេក​វិទ្យា​ព័ត៌មាន។

លោក Gottfrid Svartholm Warg (ឆ្វេង) ត្រូវប៉ូលិសកម្ពុជា ចាប់ខ្លួនពាក់ព័ន្ធបទល្មើសបច្ចេកវិទ្យាព័ត៌មាន

លោក គៀត ចន្ទថារិទ្ធ អ្នក​នាំពាក្យ​ស្នងការ​នគរបាល​ជាតិ​បាន​និយាយ​ប្រាប់​ទីភ្នាក់​ងារ​ព័ត៌មាន​បារាំង AFP ថា ​បុរស​ជនជាតិ​ស៊ុយអ៊ែត​ឈ្មោះ Gottfrid Svartholm Warg ត្រូវ​បាន​ប៉ូលិស​កម្ពុជា​ចាប់​ខ្លួន​ទៅ​តាម​សំណើ​របស់​អាជ្ញាធរ​ប្រទេស​ស៊ុយអ៊ែត ចំពោះ​បទ​ល្មើស​បច្ចេក​វិទ្យា​ព័ត៌មាន។ ប៉ុន្តែ​ទោះ​ជា​យ៉ាង​ណា​ក៏​ដោយ ប្រទេស​កម្ពុជា​មិន​ទាន់​មាន​កិច្ច​ព្រមព្រៀង​ណា​មួយ​ជា​មួយ​ប្រទេស​ស៊ុយអ៊ែត​អំពី​ការ​ធ្វើ​បត្យា​ប័ន​នៅ​ឡើយ​ទេ។ ដូច្នេះ ​ពេល​នេះ​កម្ពុជា​កំពុង​ពិនិត្យ​មើល​ច្បាប់​ថា តើ​ត្រូវ​ធ្វើ​អ្វី​ខ្លះ​ក្នុង​ករណី​នេះ។

សូម​បញ្ជាក់​ថា គេហទំព័រ The Pirate bay គឺ​ជា​គេហទំព័រ​មួយ​របស់​ប្រទេស​ស៊ុយអ៊ែត​ដែល​អនុញ្ញាត​ឲ្យ​អ្នក​ប្រើប្រាស់​របស់​ខ្លួន​អាច​ទាញ​យក​ឯកសារ បទ​ចំរៀង និង​កម្មវិធី​ល្បែង​នានា ដោយ​មិន​គិត​ពី​កម្មសិទ្ធិ​បញ្ញា​ឡើយ។ ដោយ​សារ​តែ​ការ​លួច​ចម្លង​នេះ លោក Gottfrid Svartholm Warg ត្រូវ​បាន​តុលាការ​ស៊ុយអ៊ែត​កាត់​ទោស​ឲ្យ​ជាប់​ពន្ធនាគារ​១ឆ្នាំ​កាល​ពី​ឆ្នាំ​២០០៩​ចំពោះ​បទ​រំលោភ​កម្មសិទ្ធិ​បញ្ញា។ ប៉ុន្តែ​ពិរុទ្ធ​ជន​រូប​នេះ មិន​ដែល​ត្រូវ​គេ​រក​ឃើញ​ឡើយ៕

Copyright © 2010-2014 · The Free Press Magazine · All Rights Reserved.
-